من قصايد الشاعر محمد السالم

السلام عليكم

هاذي القصيدة من قصايد الشاعر محمد السالم

عنوان القصيدة
(((حسافة )))

[poem=font="Simplified Arabic,6,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]

حسافة اني سقت كل الأمل فيك = وثنيت عقدات الحبل والرجاوي

وبرمجت تفكيري على ابسط مشاهيك = وقسمت لك كل العمر بالتساوي

وصبح طموحي كيف احقق مراميك = واغفر على شانك كثير الخطاوي

واجمع لك اللي خابر انه يسليك = من كل صنف ولون حتى الحكاوي

اجيبها واصبها لك واقهويك = من خافق في سيل غيمك نحاوي

فتحت لك بالقلب كل الشبابك = وبنيت لك عرش وثيق العراوي

تارد وتصدر وسط قلبي سوانيك = تسقي غصونك لين صدرت راوي

وعطيتك اللي ماحدٍ كان يعطيك = ومردودها اخلفت كل الهقاوي

غيرت مسيارك وتاهت خطاويك = وجنبت من راع الدوا والمداوي

طاوعت قول اللي علينا مغويك = اصغيت له سمعك وقفيت غاوي

تخالفت نياتنا مع مناويك = حتى وقف من بينها الذيب عاوي [/poem]

الشاعر محمد السالم

لاهنت ياعلي


قصيده طيبه صح الله لسان شاعرها


الله يحفظك