Tweet
هذه القصيده عباره عن نصيحه موجهه من خالي نمر بن راشد ابن شبعان لي في عام 1995 وحبيث اوثقها في هذا الصرح الشامخ
يقول فيها
يقول فيها
ياسعود باوصيك يالمنعور يالغالى **واذكر وصاتى ايلا كبرت مصايبها
ياسعود ساسك كريم ومنزلك عالى **ومعنزن من خوال الطيب مكسبها
باوصيك فى فرض ربك اول وتالى **لاجل الشفاعه ايلا رفعت مكاتبها
باوصيك فى والديك بطيب الاعمالى** تاصل بهم والقطاعـه لاتقربهـا
واتعب علىالطيب لوبه قصف الاجالى*وارق المعالى وشرف فىمراقبها
واعلم ترى فالليالى علقم وحالى**يومن تبسم ويومـن فـى مخالبهـا
واعلم ترى فالرجال انواع واشكالى**مثل الاصابع تخالف فى مراتبهـا
فيهم هذورن يحب القيل والقالى**ويفرح ايلا ولعـت فيهـا شبايبهـا
وفيهم عجوزن وزوله زول رجالـى** ماهمـه الا دنانيـره يحسبهـا
وفيهم سنافى كريمن يرخص المالى**يقضى لزومك ايلا حلت نوايبهـا
والضيف لاجاه فى رحبن وسهالى**يذبح له الحيل لوغليـت جلايبهـا
والجار ياسعود لاترضى له اذلالى**قدددره وافزع معه لاجـا نشايبهـا
وادعه على كرمتك لاتجعله تالى**وان جاك داعيـه للكرمـه فوجبهـا
ولاتقفله مجلسك فى كل الاحوالى**خله مشرع ولو شحـت سحايبهـا
خله لمن يكسبون الطيب مدهالى**ولاخير فى جلستـن يغيـب طيبهـا
واياك تجلس مع الخمه والانذالى**النفس عن دربهم ياسعـود جنبهـا
لاكثر مالك عزيز وعندهم غالى**وان قل مالك تـواروا مـع هبايبهـا
واياك تسمع بربعك شور عذالى**واياك تسكت على رجلن يعـي بهـا
رجلن بلا ربع مايسواله ريالى**ربعك احزامك ايـلا ثـارت طلايبهـا
ياسعود هذى وصاتى وسط مرسالى**واذكر وصاتى ايلا كبرت مصايبها
تعليق