صــــ قصة ــــادفتهـــ وقصيدة ــــا...مؤثرة

أخواني النداويه ورواد المنتدى الكرام
أسعد الله أوقاتكم بكل خير


فالبداية
الحقيقة لاأعلم من هو قائل القصيدة . ومن لديه علم من أحد الإخوة الكرام أرجوا ان يفيدنا
قصة لزوجين كانا يمثلان الحب الصادق الذي أثمر عنه التفاهم والوفاء بينهما
وقدر الله تعالى أن يُصاب الزوج بمرض نفسي سبب في عدم مقدرته على الإستمرار في الحياة الزوجيه مما
جعل والدها يصر على طلاقها منه.....؟ حيث كان له ما أراد.
ثم كانت القدرة الإلاهيه في شفااااااء الزوج ورجوعه لحالته الطبيعية ولكن ......؟
بعد أن فقد أحن الناس وأحبهم إلى قلبه زوجتــــــــــــــــه
حاول أن يستمر في ممارسة حياته الطبيعية رغم كل ماكانت تحمله من ألم
وفي يوم من الأيام صادفته الأقدار بلقاء زوجته في المستشفى الذي ذهب إليه بسبب ألام أسنانه
فكتب هذه القصيدة التي كانت تعبر عن حزنه الشديد
صــــــــــــــــادفتهـــــــــــــــــا:

[poem=font="Arial,6,indigo,bold,italic" bkcolor="transparent" bkimage="" border="none,4," type=2 line=1 align=center use=sp num="0,black"]
صادفتها صدفة بمســــتوصف القمة=بالعين راعيتها لحــظة وتـرعانـي
شميت أنا عطرها ويا بخت من شمه=يدوخ ويسكر ولو ما هوب شرباني
قــمت أتـذكر زمــان فــــات وألمــــه=لاعــادة الله نصــيب يوم ودانـــــي
هـلت دمــوع العــيون ولابــقى غـمة=ممـا جــرى لي نسيت ألآم الأسنـاني
معهـا أخــوهـا رفع كفة عـلى فمــــه=كنه يقـــول الله الستـــــار ياقـانــــي
نفس الملامـــح ويشبه دمهـا دمــــه=سبحان رب خلقــهم دعــج الاعيـاني
يدري بحبي وتدري أمــــــة وعـمــة=حـال القدر بيننا والحـب سلـــــطاني
يبكي ويمسح دمـــوع عيونه بكمـه=يبكـي علــى شانها ويبـكي على شاني
والله لولا الحــياء والـدين لاضـمــة=وأسمــعه شهقــة من قــلب شفقـانـــي
والحب بلوى ومـنة النفس ملـــتمة=وش حيلتي والغضـي دمـي وشريـانـي
أسمي يروح ويجــي والقلب من يمة=القلـب عندة يبـية ولايبـــي ثــــــانـــي
أقسم بربي وأنـا لـــي مذهـب ويمـة=لاعيش أحبــة ولــو حبــه علــي جاني
شربت كاس الهوى ورويت من سمة=مامت وارتحت ولاهـوب اللي أحيانــي
وأضحك مع الناس والأحزان منضمة=كني سعيــد وأنا مبلـــي بالاحــزانــــي
عنـدي وصية وتـال الهــــرج يـايمـة=المــوت حق على القاصـي مـع الدانـي
وأن صرت فوق النعش والناس ملتمة=مــروا علـى بيتها وتشـوف جثمــانــي
قولوا لها المــوت زم صـويـحبك زمـة=ما مات حـبة ولــو هو بالنعـش فـانـــي
شلنـــاه للمــقبرة وأدعيــلة القمــة=خوذي جوابه وجودي له بالإحســانــي
يالله يالمقــتدر ياكـاشــف الغمــة=تفــرج لمـن حالــته دوم بنقصــانـــــي [/poem]




((منقوووول))



ودمتوا سالمين

نقلت بواسطتي للمكان المناسب لها



لاهنت يابو هاجد وبيض الله وجهك



إختيار موفق وإهداء جزل



صح لسان قائلها

أخوي أبو عمر
ولانت ووجهك أبيض يالقرم
عشت على النقل والتنسيق يابو عمر
ألف شكر على مرورك وتعقيبك
تحياتي

[علي بن مشرف]

يعطيك العافيه يامناور يابن هاجد



قصه وقصيدة رائعه , لاهنت على النقل

هلا وغلا أخوي علي بن مشرف
الله يعافيك ويبقيك
ولانت يابو صالح
شاكر لك على مرورك
تحياتي لك

ارحب يا مناور

ولا هنت على هذا النقل لا عدمتك

والقصة والقصيدة هذي معروفه واعتقد ان ابوها رجعها له

وتفضل هذا رابط للقصيدة منشده

اضغط هنا

وتقبل ازكى تحياتي

اخوك

مرحبااااااا ومسهلالالالالا أبو فهد

لاهنت لاهنت على الرابط يالذيب
مرورك أسعدني يابو فهد
دمت برعاية الله وحفظة

الشاعر مناور بن هاجد



اررررررررررررررررحب يابوهاجد




الله لايهينك على نقل هذه القصه والقصيده الرائعتين




وفي انتظار المزيد والجديد يابوهاجد من الاهداءات




تقبل تحياتي واحترامي

هلا وغلا في أبو مبارك
مرورك وردك نور متصفحي
الله يبقيييييك
لاعدمنااااااك يالغالي
دمت برعاية الله وحفظة