قصيدة لجــراح ابن ضيدان العجمي

السلام عليكم ورحمة الله وبركاتة


قصيدة اعجبتني



[poet font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
//
//
//
ياوجـودي كلمـا حـل ذكـرش يالبـدر
/// وجد من كبده من اسباب خلانـه تفـور
//
//
ياوجـودي يـوم شفتـش زبنتـي للهجـر
/// وجد من خابت هقاويه وافكـاره تـدور
//
//
وجد مـن جالـه سـؤال ٍ وجـاوب مانكـر
/// واستعان الرد شعـر وسطرهـا شطـور
//
//
تسألينـي ليـه دمعـك علـى خـدّك حـدر
/// والاجابه يوم حبش لعـب فالقلـب دور
//
//
كم علـى شانـش دموعـي تهـلّ وتنهمـر
/// زاد همّي يامنى الروح ياعمـر الزهـور
//
//
بان لـي ماكـان يخفـا وكـل شـيٍ ظهـر
/// اعرف المضمون لاصار بـه لـفّ ودور
//
//
كان حبّـش مايمثّـل بـه أسبـوع وشهـر
/// كان عندّي مثل حكم الملك ذيك القصـور
//
//
كان مثـل الكـون كلّـه وصكّـات الدهـر
/// من وانا ويّاش في مبتدا الدنيـا بـزور
//
//
كان حبّش مثل طفـلٍ وسـد صـدري كبـر
/// ماذخرت من الغلا له ولا صدق الشعـور
//
//
ولاطلبتـي قلـت سمّـي ولبّيـت الامــر
/// انثني لجلش ولو تطلبي صعب الامـور
//
//
كلّ ذا وخفي الغـلا ياقمـر خمسـة عشـر
/// خايـف ليظهـر العلـم والبايـر يبـور
//
//
يالرموش اللي خذت مـن متاهـات السحـر
/// صرت انا مجنون ضيّعت مابين السطور
//
//
مـن نبيـذش بالشفـاه المعتّـق بالخمـر
/// من يذوقه ماصبر عنه لو كانـه صبـور
//
//
والشعر الاسود على المتـن يالبّـا الشعـر
/// كنه الليـل العتيـم الـذي يقفـاه نـور
//
//
نور مـن نـور الجبيـن الهلالـي والنحـر
/// انتي اجمل من يباهي على مرّ العصـور
//
//
الحـلا عنـدش تعـدّا علـى كـل البشـر
/// طلّتش تغني عن العمـر يابـدر البـدور
//
//
لو كتبـت الشعـر يفنـى ويقفـاه الحبـر
/// مالحقت ادنى مزاياش ياحلـم الظهـور
//
//
صرت احسّ اني معش من على سطح القمر
/// وان تباطيتش غدى الكون في عيني دبور
//
//
اقربي شوفي مـن الهـم منّـش والسهـر
/// ضاق بي وسع الفيافي وضيّقت الصدور
//
//
ليـت كـان الحـب ياغايتـي حكـم القـدر
/// ولانصدمت بحبّش اللي غدى زور وزور
//
//
يـوم شفتـش مقفيـه يالمهـا زاد القهـر
/// العزا انّه مابدى من هوى قلبي قصـور
//
//
حبـي اهديتـش ولو تطلبيـن اغـلا مـهـر
/// سقت رجلي ماحسب لو تورّدني القبـور
//
//
كان لش فالصـدر بيـتٍ مطـوّق مـن درر
/// والغلا لـش يرتقـي للسمـا دورٍ ودور
//
//
وياخسـاره راح عمـري وضيعتّـه هــدر
/// والخيانه حطمتني وانا صـرت امعثـور
//
//
غير انـا بجفـاش واعـوّد القلـب الصبـر
/// علّ ينسا ماضي الحب ( يابدر البـدور )
//
//
والا انا ياوجد منهو مشى وسـط الوعـر
/// وجد من حظه من الوقت صاير به دبور
//
//
وياوجودي وجد مـن سـاق بـزره للقبـر
////وارتخى المحزم ولا عاد شاف النور نور
//
//
وياوجـودي كلمـا حـل ذكـرش يالبـدر
/// وجد من كبده على النار تصلى ثم تفـور
//
//
وســــلامــــتـــــكـــــم
//
//
شاعرهـــا (( جراح بن ضيدان العجمي ))
//
//
[/poet]

قصيده رائعه


وتستحق القراءه ومن شاعر جزل..لا هنت ياسعود

صح الله ابدنك وشكرا ً على مروورك الكريم




تحياتي

أخوي سعود تسلم والله وقصيده رائعة











لكن بسألك










جراح وين الدنيا فيه







أنا سافرت 3 أشهر الصيف الماضي وانقطعت عن النت




وما عاد شفته هنا












تدري عنه؟

السلام عليكم




الاخ الشاعر سعود الفرحان


يسلم بنانك وصح لسان اخوي جراح بن ضيدان



دمت بكل الود



اخوك
ابوطارق

ارحب ياسعود



وبيض الله وجهك




ولاهنت

أخوي سعود تسلم والله وقصيده رائعة











لكن بسألك










جراح وين الدنيا فيه







أنا سافرت 3 أشهر الصيف الماضي وانقطعت عن النت




وما عاد شفته هنا












تدري عنه؟

اي والله طال عمرك


جراح بخير ونعمه ..


وبوِده العوده لهذا الموقع الشامخ ..


وانا لولا الحيا والله اكلم الاستاذ حمد السحيمي


لكن الآن انا ثقلت على السحيمي بطلباتي كل شوي اقول له رقمي السري ..


وبالنسبه لـ جراح ينتظر رقمه السري كما كنت افعل انا




جراح ابن ضيدان من اطهر واشعر الرجال الذين عرفتهم




يكفيه هذا البيت


كانك نويت تروح ياصاحبي روح .. وقبل الرحيل انسى معاناة جراح



اشكرك على هذا السؤال

وهذا الرد الراقي منك


دمت ودام نبضك