الشاعر سعد الميزاني يجاري مرير الحبيل في قصيدة الحب

[poet font="Simplified Arabic,4,white,normal,normal" bkcolor="transparent" bkimage="backgrounds/3.gif" border="none,4,gray" type=0 line=200% align=center use=ex length=0 char="" num="0,black" filter=""]
وش اللي بقى ياناشد مرير عن حبه = على شان اهندس في القصايد واسويها

انا احب شعر مرير واحب من حبه = واحب البيوت اللي جزال معانيها

واحب المطيع ليا سجد طايع ربه = واحب الفروض الخمس واللي يصليها

واصلي واحب الصف الاول ومن طبه= واحب اللحا واهل اللحا اللي تربيها

واحب الكرم والعود والكيف والشبه = واحب الكريم النشمي ليا اعتنى فيها

واحب الوفا والوافي اللي تقضبه = واحب الصراحه حيل واحب راعيها

واحب السحاب اللي مداليه منصبه = الليا سقى الفياض اليابسه بامر واليها

ودوجت فارض حكه السيل من غبه= يزيل التعب مني ونفسي يسليها

واحب الربيع ليا ملا نبته الخبه = وشميت ريح ازهارها مع ثماريها

وشوف ام سالم تنقر القاع تلعبه= تمد الجناح وتكسره مع غنانيها

واحب اصل المرقاب فالعصر واذبه= وادربل على درب النياق ومفاليها

واحب الهنوف اللي رداها تحجبه= جميله وبنت رجال والستر غاشيها


سعد الميزاني
[/poet]

يامرحبا يامبارك

وبيض الله وجهك على هالنقل الطيب

وصح لسان سعد وابيض وجه هو والشاعر القدير مرير الحبيل

قصيده تكتب بماء الذهب ............وداعتك السلام عليه وعلى ابوياسر

اخوكم

فالح

عمان

صح لسان الشاعر العذب سعد الميزاني
ابو صالح كفو قول وفعل..