الشاعر والفارس بـــداح العـنـقــري

السلام عليكم عندي هذه القصيده للشاعر بداح العنقري وعسى ان تنال اعجابكم





[poet font="Simplified Arabic,14,black,normal,normal" bkcolor="" bkimage="http://nadawi.net/vb/images2/11.gif" border="none,2,gray" type=0 line=200% align=center use=sp char="" num="0,black"]
الله لَـحَـد يـاما غـزينا وجـينا"="ويـاما ركـبنا حَامِيَات المَشَاويح

ويـاما عـلى اكـوارهن اعتلينا"="ويـاما ركـبناها عِصِيْرٍ مراويح

ويـاما تـعاطت بـالهنادي يـدينا"="ويـاما تـقاسمنا حلال المصاليح

وَرَاك تـزهد يا أريش العين فينا"="تـقول خيّال الحضر زين تصفيح

الـطيب مـاهو بـس لـلظاعنينا"="إمـقسمٍ بـين الـوجيه الـمفاليح

الـبدو و الـلي بـالقرى نازلينا"="كـلٍّ عـطاه الله مـن هبة الريح

يـازين يـوم إنـك تـبيح الكنينا"="خـليت جفن العين نومه شلافيح

يـوم الـفضول بـحلتك شارعينا"="والـخيل بـخوانك سواة الزنانيح

يـوم انجمر رمحي جذبت السنينا"="وخـليت عنك الخيل صُمٍ مدابيح

هـيا عـطينا الـصدق هيا عطينا"="وامــا عـطـيتناه والله لـصيح

لصيح صيحت من غدى له جينينا"="ولا خـلوجٍ ضـيعوها السواريح

يـاعود ريـحانٍ بـعرض البطينا"="وامنين ما هب الهوى فاح له ريح

وخـدٍّ كـما قـرطاسةٍ فـي يمينا"="وعـيون نـجلٍ لـلمشقى ذوابيح

بـصخفٍ بـلطفٍ بـانهزاعٍ بلينا"="يـاغصن مـوزٍ ميله نسمة الريح

يـا أبـو نـهيدٍ تقل فنجال صينا"="ولا كـما بـيضٍ بخطوا المنافيح

نـهودٍ صـغارٍ مـا لهجها الجنينا"="حمرٍ ثمرهن جراح الثوب تجريح

لا خـوخ لا رمـان لا طـلع تينا"="لا مشمش البصره ولا هن تفافيح
[/poet]


بــو عـــرب

الاخ العزيز / سعود العازمي

لاهنت يابو عرب واشكرك على حسن الاختيار الموفقّ

مجهود تشكر عليه


دمت يالسنافي

تسلم والله ياسعود قصيده لها روح وأختيار عقل واعي



لاهنت لاهنت يابو عرب

لاهنت يالعازمي وبيض الله وجهك. على حسن الاختيار

باقتباس من مشاركة فالح بن قشعم
الاخ العزيز / سعود العازمي

لاهنت يابو عرب واشكرك على حسن الاختيار الموفقّ

مجهود تشكر عليه


دمت يالسنافي

[c]أخي الفاضل / سعود العازمي

تحية إعجاب وتقدير 00 وأشكرك على اختيارك الموفق لهذه القصيدة الرائعة 00

تقبل تحياتي وتقديري 00

أخوك / حسن السهيمي [/c]

فالح بن قشعم

شاكر لك هذا المرور وهذا التواصل

ارجوا ان اكون قد وفقت بالاختيار

بو عرب