الشيخ عضيب بن حشر آل عاصم القحطاني

عضيب ابن حشر القحطاني

ياسابقي حبة مقيم على ساس" "امولع فى حبك القلب توليع

حلفت لو ساموك بفلوس عباس" "اني شفيع فيك لا اصخى ولا iبيع

ولا دخل قلبي من البيع هوجاس" "وان زودوا لى بالثمن قلت ما اطيع

ريميه شمت من الريح نسناس" "حلت على زول المبندق مع الريع

والا كما شيهانه تبغي الافراس" "جول هوا تبغيه قدم التواقيع

عاداتنا نروي شبا كل عباس" "ودهم العروق اللي تبوج المداريع

عقبه تقابلنا على ضو قباس" "قاموا يعدون الفناجيل تجزيع

فنجال بن خنته تقعد الراس" "والزعفران مقطع فيه تقطيع

الاخ شايع

مجمل ومشكور..

قصيدة جزلة للعاصمي....

لاهنت يابو فارس..

ما تجيب الا النادر يالنادر

الاستاذ الشاعر شايع العيافي

اسمح لي ان اشاركك بمعلومات عندي

جمعتها عن طريق رفيق لي من لحمة الشاعر

وأيضا معلومات عن طريق كتاب ( من أشعار آل عاصم ) لمحمد بن سالم العاصمي

الذي اهداني اياه مشكورا

مجمله بأن القصيده

للشيخ قاسي بن عضيب وهو قاسي بن غالب بن جخدب بن عضيب

والحقيقه انه حصلت مغالطات كثيره عن قصيده وقصيد عضيب

والصحيح أن عضيب ليس له قصيد على حد قوله

وانما ابنه الشيخ حسن وكانوا في الخوايس آنذاك

وله البيت المشهور

حنا الجحادر والحباب عضودنا .... شجرة تلوا شبنها بالحاتها

وله أيضا
وأنا حسن الهيجا وأنا حسن القراء ..... وأنا حسن مصواط بقعا ونورها

اما بالنسبه لقصيدة الشيخ قاسي:

ياسابقي حبـك مـقيــم على سـاس ..... ومـولـع في حبـك القـلب توليـع

والله لو سامـوك بـفـلـوس عبـاس ..... اني شفيع فيك لاصخى ولاطيع

ولا دخل قلبي من البيع هوجاس ..... وان زودوالي بالثمن قلت ماأبيع

يا سابقي وأن شلت الذيل والرأس .... مثل المـهـاة اللي تهـاب المتـاييـع

ريمـية جـاها من الريـح نسـنـاس .... شافت لها زول المبندق مع الريع

باغي ليا جانا من القـفـر عسـاس .... وسميـة فـيـها الزبـيـدي مصـاليـع

وأنا عليها قـدم الأسـلاف نطـاس .... لا جات صفات النذر والزعازيع

وليا بدى الصياح بيات الأرواس .... يفرح بنا الذود المطرف اليا زيع

وليا لحـقـنـاهم والأريــاق يــبـاس .... مركاضنا ما هوب هوز وتمانيع

عـاداتـنـا ناخـذ وراهـم بـمـرواس .... وعاداتنا نرخي حبال المصاريع

بأيمـانـنـا نروي شـبـا كل عـباس .... بدهم العروق اللي تبوج المداريع

وعقبه تقـابـلـنـا على ضـو قـبـاس .... وقاموا يعدون الفناجـيـل تـجـزيع

فــنـجـال بن خـنـتـه تـقـعـد الـراس .... والزعـفـران منـطـع فـيه تنـطـيع

لا هو يـعـدا لي شـمـام و نـكــاس .... وهرافـت المجلـس قـعود مكانـيع

اللي لـهـم هـمـز ولـمـز ووسـواس .... في سـاقـة الأجـواد هـمز وترقـيع


هذا وارجو ان اكون عاونتكم

اخوك
ناصر بطي

كلكم اجتهتوا والله لايهينكم



وتكفون يارجال انا من مدمنين القهوه




فنجال بن خنته تقعد الراس" "والزعفران مقطع فيه تقطيع












تقبلوا تحياتي


المسعودي

الاخ شايع شكرا لنوادرك وشكرا للاخ ناصر


على المداخلة


الاخ شايع دمت على هذا المنوال


تقبل تحياتي

حبة خشم لشايع و حبة خشم لناصر

وافين جعل ربي ما يهينكم

و مجهودك يا ناصر نور ساطع في منتديات النداوي .. من غير قصور في باقي المشرفين

و اقول لاخوي ناصر ما قصرت يا محزمي و انت كملت طيب ناصر بطيب ..

اخوكم فيصل

حبة خشم لشايع ويستاهل

اما انا فناقلها نقل من الكتاب

ويستاهل الشكر اهل الطيب والثنا اهل البطولات راعي القصيده والاولين كلهم

ويشكر كل من يشارك ويرد

لان الدافع للكتابه الرد

واللي يكتب شئ عارفه ويبي الناس يعرفونه

فالف شكر نيابه لاخوي شايع ونيابه عنه للي ردو

ويافيصل اكتب لنا شئ

مشتاقين نقرا كتاباتك