((قصيده الامل)) للشاعر الكبير سالم حزام العاطفي

مما راق لي





[poem=font="Simplified Arabic,5,#6700FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ما تستريح النفس يجذبها الأمل بعـد الأمـل=حتى تحصـل ماتبـي والا تضيـع آمالهـا

عجز الجمل في الأربعه والأربعه شالوا جمل=والبدوعيت ترحمه في حلها وترحالها

وأنا عرفت من الزمن ما فيه حاجة تكتمـل=لكـن لعـل وياعسـى والمقبـلات بفالهـا

أجمع شعاع الشمس والا أعد حبات الرمـل=مالي سوى توفيق من يجزي البشر بأعمالها

والنية اللـي مايوافقهـا ويصدقهـا العمـل=ما كنها الا الشجرة اللـي مايظـل ظلالهـا

والفزعة اللي ماتقوم طايـح وترفـى خمـل=ياليتها تبطـي كمـا قيـل دهمـاً بجلالهـا

يوم الفرص قامت تذير كنها شـرد الهمـل=لامنها سمعت صدى الأصوات زاد جفالهـا

الصدر عيا يتسـع والقلـب عيـا يحتمـل=والنفس من زود القلق كل مالها وأردى لهـا

مابين صيحات اليقين وبين همسـة محتمـل=تضيـع كـل الأمنيـات دقاقهـا وجلالهـا

على دروب التيه فيه اللي مشى واللي رمـل=واللي ركض مركاض عوص ٍ طيحت خيالها

وأحدٍ صحى من سكرته وأحدٍ بيقضيها ثمـل=ولا هـو بكفـوٍ عقبهـا للدلـه وفنجالـهـا

هاذي هي أحوال الشعر واللي تردد ما صمل=معذور لا منـه نظـر للساحـة ولأحوالهـا [/poem]

حي البيوت الوافيه أبيات من شاعر جزل

وحي الله اللي جابها وأحيا بنا موالها

لك الشكر أخي الأكبر تركي أنت جزل والجزل لا يأتي إلا بجزل
سلمت وسلم القائل
تقبل تحيات أخوك الصغير غريب

حي البيوت الوافيه أبيات من شاعر جزل

وحي الله اللي جابها وأحيا بنا موالها

لك الشكر أخي الأكبر تركي أنت جزل والجزل لا يأتي إلا بجزل
سلمت وسلم القائل
تقبل تحيات أخوك الصغير غريب

جعل والديك في الجنه


و ردك هذا نوماس و وسام على الصدر و تاج على الراس

لاهنت يا كحيلان على المرور

للشاعر الكبير سالم حزام العاطفي شاعر من كبار الشعراء
وقصايده كل يحب يبحث عنها وذالك لقوة معانيها
اختيار موفق اخوي تركي ولاهنت وبيض الله وجهك

تحياتي