Tweet
السلام عليكم ورحمة الله وبركاته
هذه القصيدة قالها المرحوم والدي عبدالله بن راشد بن رمضان الزعبي
عندما انتقل من حياة البادية وسكن البلاد بدولة الكويت
والقصيدة تحكي حال شاعرها
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
القلب ياحالد ضرب فيه دولاب=دولاب هاجوسٍ همومه مراديف
والبارحة جنبني النوم جناب=كلٍ رقد ودموع عيني ذواريف
أعوي كما سرحان وأجيب ماجاب=وألاحي الورقا بروس المشاريف
وإليا نشدني دالهٍ ويش الأسباب=أقول مالك في سبيلي مصاريف
أشوف لي دنيا تقلب تقلاب=بواقةٍ بعهودها والمحاليف
دنياً ليا أقفت تسقي المر بأكواب=وإن أقبلت مثل العسل والنواشيف
عقب الطرب خلتني أذهب تذيهاب=ينسف علي الموج في ساحل السيف
كني حبيسٍ سكروا دونه الباب=في حبس رومٍ ماتعرف المعاريف
( أتوق توق موحشٍ فوق مرقاب=تذكر المعبار وسهيل قد شيف
ناض وتنهض وأطرف الريش عيّاب=ووقع وناظر في حياته تكاسيف)
قمت اتلزا خابثٍ فيّ ما طاب= تقفي وتقبل بي هموم وعواصيف
شفنا سهيل وغرب القيض بحساب=والصيف هبت له هبوب النفانيف
لاوالله الا صار للبدو جذاب=جاهم من الوسم المبكر طواويف
شلوا عصير وشلّعوا باقِ الأطناب=وحبالهم تلوى بروس العصاريف
وغدالهم مع طلعة الفجر ضبضاب=وأقفوا وتاليهم على العد ماشيف
ماكنهم دقوا على العد منساب=مرحانهم تنسف عليها النواسيف
صبرت لي صبرٍ يشيب بالأشباب=وأيامنا راحت علينا تزاليف
أبديت ماكنيت وأحضرت ماغاب=والجم جابته الدلي والغواريف
ياربعنا دنوا لنا خضع الأرقاب=قطم الفخوذ وكاملات التواصيف
نجايبٍ يعطن بنا كل ملهاب=تسبق مراويح القطا والشواحيف
يلفن بنا من ديرة أجناب لأصحاب=قلبي لهم وقلوبهم لي مواليف
ترثة زعوبٍ نجمهم مابعد غاب=لطامة العايل بشلفٍ مراهيف
ربعي هل الحيزا ليا كلّح الناب=وغوانمٍ عند الزكايب نواتيف
ياما حلا شداتنا بعض الأنواب=لامن جذبنا برق وسمٍ على صيف
الطرش يجهم والمظاهير هراب=والطير يطرد والسلف له غطاريف
قامت تهز عضودها علط الأرقاب=تذكرت مرباعها والمصاييف
ترعى بنا رعي الطنف كل حنزاب=وترعابنا رعي البكار المشاعيف
بدوٍ على عاداتنا جابنا جاب=على سلوم أجدادنا كيفنا كيف[/poem]
وسلامتكم
هذه القصيدة قالها المرحوم والدي عبدالله بن راشد بن رمضان الزعبي
عندما انتقل من حياة البادية وسكن البلاد بدولة الكويت
والقصيدة تحكي حال شاعرها
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
القلب ياحالد ضرب فيه دولاب=دولاب هاجوسٍ همومه مراديف
والبارحة جنبني النوم جناب=كلٍ رقد ودموع عيني ذواريف
أعوي كما سرحان وأجيب ماجاب=وألاحي الورقا بروس المشاريف
وإليا نشدني دالهٍ ويش الأسباب=أقول مالك في سبيلي مصاريف
أشوف لي دنيا تقلب تقلاب=بواقةٍ بعهودها والمحاليف
دنياً ليا أقفت تسقي المر بأكواب=وإن أقبلت مثل العسل والنواشيف
عقب الطرب خلتني أذهب تذيهاب=ينسف علي الموج في ساحل السيف
كني حبيسٍ سكروا دونه الباب=في حبس رومٍ ماتعرف المعاريف
( أتوق توق موحشٍ فوق مرقاب=تذكر المعبار وسهيل قد شيف
ناض وتنهض وأطرف الريش عيّاب=ووقع وناظر في حياته تكاسيف)
قمت اتلزا خابثٍ فيّ ما طاب= تقفي وتقبل بي هموم وعواصيف
شفنا سهيل وغرب القيض بحساب=والصيف هبت له هبوب النفانيف
لاوالله الا صار للبدو جذاب=جاهم من الوسم المبكر طواويف
شلوا عصير وشلّعوا باقِ الأطناب=وحبالهم تلوى بروس العصاريف
وغدالهم مع طلعة الفجر ضبضاب=وأقفوا وتاليهم على العد ماشيف
ماكنهم دقوا على العد منساب=مرحانهم تنسف عليها النواسيف
صبرت لي صبرٍ يشيب بالأشباب=وأيامنا راحت علينا تزاليف
أبديت ماكنيت وأحضرت ماغاب=والجم جابته الدلي والغواريف
ياربعنا دنوا لنا خضع الأرقاب=قطم الفخوذ وكاملات التواصيف
نجايبٍ يعطن بنا كل ملهاب=تسبق مراويح القطا والشواحيف
يلفن بنا من ديرة أجناب لأصحاب=قلبي لهم وقلوبهم لي مواليف
ترثة زعوبٍ نجمهم مابعد غاب=لطامة العايل بشلفٍ مراهيف
ربعي هل الحيزا ليا كلّح الناب=وغوانمٍ عند الزكايب نواتيف
ياما حلا شداتنا بعض الأنواب=لامن جذبنا برق وسمٍ على صيف
الطرش يجهم والمظاهير هراب=والطير يطرد والسلف له غطاريف
قامت تهز عضودها علط الأرقاب=تذكرت مرباعها والمصاييف
ترعى بنا رعي الطنف كل حنزاب=وترعابنا رعي البكار المشاعيف
بدوٍ على عاداتنا جابنا جاب=على سلوم أجدادنا كيفنا كيف[/poem]
وسلامتكم
تعليق