عرش الرئاسه والجيوش المرنـّه (لابن زويبن)

[poem=font="Simplified Arabic,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
قصيده مافيها كـلام

للشاعر /

عبدالله بن زويبن الحربي

‘‘ ‘‘‘ ‘‘


لي حاجة عيت تحقـق مـن العـام=عيا يطيب الحـظ لـو قلـت أظنـه
يفـز فـزة غاتـر عقـب مـانـام=جنـه حلـوم مزعجـه وأيقظـنـه
وجدي على تحقيقها وجـد صـدام=علـى يديـن بـالـولاء بايعـنـه
وبلاده اللـي ماعرضهـا للاسـوام=وعرش الرئاسة والجيوش المرنـه
اللي قذايفهـا تعـدت ورى الشـام=شاميـر يـوم ولايـتـه روعـنـه
وبيوته اللي من سيراميـك ورخـام=خطط وصممهن علـى كيـف فنـه
ماتنتـعـدد تكلفتـهـن بـالارقـام=ماهـو مواطـن عايـدي يبهضنـه
حاكم من الحكـام ويصـدر الخـام=دار السريـة والــدول يدعمـنـه
متريّس له دولـة شعبهـا اقسـام=ويلعب على القسمين شيعه وسنـه
مخلـي ٍ شيخانهـم تقـل خــدام=يمشون خلفه خوف ماهـو محنـه
ملا البيوت مـن الارامـل والايتـام=وملا السجون المظلمـة والمجنـه
ياليـن طشنـه مقـاديـر الايــام=مـن النجـوم النايـفـة نزلـنـه
مثل الوليشة بين عـدوان الاسـلام=من كـل صـوب كلابهـم ينهشنـه
او وجد عـود يرتكـي كـل ماقـام=على كفوف يديه مـن كبـر سنـه
الليا غفل بايامـه الماضيـه هـام=والليا انتبه من غفلته ( جر ونّـه )
من عقب ماهـو للمغاويـر مقـدام=اليـا غـزا صـم الرمـك يتبعنـه
ومروبع يزمـي مثـل عـز لـزام=اليا اقبلن شيـب الغـوارب نصنـه
بظهورهن ربـع كريميـن وحشـام=اليـا جذبهـم صـوت نجـر يدنـه
يجذب له الغايـب وسمّـوه عـزام=من كثر مايجـذب شراريـب بنـه
اليوم كل اللي بقـي جلـد وعظـام=والمال خمس اشياه والبيـت عنـه
ولاله عيال ينصرونه الليـا انظـام=الا بنـات ٍ بالهضاااايـم شـوَنـه
ياقلـب خلـك للروابـع والاوهـام=رفيـق درب وكـل هــم ٍ تبـَنـه
والا انتفض واربط امحقـاك بحـزام=وعن قوم ( وش سويت ) خافيك كنه
والشر عنك اخـلاف والخيـر قـدام=والصبر في وقـت المعانـاة سنـه

‘‘ ‘‘‘ ‘‘
[/poem]

الاخ / سعد

بيض الله وجهك ووجه قايلها

قصيده شاعر متمكن

صح لسانه

فلا تحرمنا من نوادره وابداعه

تقبل تحياتي

فهد


لاهنت على المرور


تحياتي وتقديري

سعد بن شفلوت ..


قصيدة بها من الشجن الشيء الكثير

صح لسان ابن زويبن الحربي ..

وسلمت يمينك عالنقل

لاهنت أخوي

فهد


هلاوغلا


يشرفني مرورك


لاعدمتك

سعد

لله درك

نقل يساوي وزنه ذهب


لاهنت


مشهووور....

سعد


بيض الله وجهك ياغالي


وشكراً على النقل الطيب



الله يرعاك

الأخ سعد بيض الله وجهك على هذا النقل الرائع





وصح لسان ابن زويبن








تحياتي



المجماج

الاخ / سعد

بيض الله وجهك ووجه قايلها

قصيده شاعر متمكن

صح لسانه

فلا تحرمنا من نوادره وابداعه

تقبل تحياتي