$: تــراا الحمـى مـن دااج حـولـه يـطبــه :$

السلام عليكم ورحمة الله وبركاته

من نواااااااادر الشاعر../..مبارك بن فايز البخيّت

!!!

!

[poem=font="Simplified Arabic,6,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياللي تحب وباقيٍ قلبك يحب=كم واحدٍ بالحب قلبه لعب به
مايصدق إلاحب ينبع من القلب=والقلب دايم يعرف إللي يحبه
والشخص لامن حب مصيره يطب=وترى الحمى من داج حوله يطبه
وترى المحبه ظنتي مالها طب=إلا إجتماع أهل القلوب المحبه
ولوقلت للمشتاق عن رغبتك تب=يزعل عليك ويحسبنك تسبه
ولا من نصحته قال وشبك تسب=وحتى النصيحه يعتبرها مسبه
ولوقلت له غلطان يقول لك هب=ولا يقنع المشتاق ياكود ربه
يحس في صدره لواهيب تشتب=وكنه على دافور غاز ٍ يشبه
تلقى دموعه من معانته تصب=ماله بصيره كود دمعه يصبه
أشوف حب اليوم مايعتبر حب=حبٍ رخيص ولايميّز مذبه
والبعد عنه اشوفه أحسن من القرب=وشي ٍ يسمى حب نويت أكبه
وحب الشرف لاصار مايغضب الرب=يصير حبٍ كالمثل ينضرب به
لكن حب اليوم يقضى به النب=حبٍ سوات الكاس كلٍ شرب به
محبتي لاشفت طرق الهوى هب=وريح الخزامى والنفل مع مهبه
ونبت الخزامى والزهر جاله شغب=ومن طلعته راعي الغنم مايطبه
مافيه جرة كود مساحب الضب=وشوف الحباري وأم سالم تربه
هاذي محبة خاطري يا اهل الحب=وحب الشباب اليوم والله ما احبه
وصلاة ربي عد من يذكر الرب=على نبي ٍ نبه إللي تنبه[/poem]

ـــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــ
أمل ان أكون قد وفقت تقبلو تحياتي
ـــــــــــــــــ

لاهنت يافهد




وسلمت يمناك طال عمرك

الاخ فهد بن ماجد



ارررررررررررررررحب يابوماجد



والله لايهينك على النقل الطيب وحسن الاختيار



لك تقديري

ابو ماجد

بيض الله وجهك علىعلى هذا النقل الثمين

لا عدمناك


مشهوووور....

رائع يابو ماجد

جعل يمناك ما يجيها العطب و بيض الله وجهك

وافي لا عدمتك و صح الله لسان الشاعر مبارك

تحياتي

اخوك

أبو ماجد
بيض الله وجهك على النقل القيّم


ولاهنت


دمت برعاية الله وحفظة

رائع جدا يابوماجد

سلمت الانامل اخي الكريم

لاهنت يافهد




وسلمت يمناك طال عمرك

محمد لاهنت على المرور


دايم سباق لاعدمتك


تقبل تقديري