Tweet
ليت الشباب يباع وأشريه بالمال
وأشري لبوبندر شباب جديدي
حتى نطوّع به خبيثين الأعمال
اللي لهم فعل النذالة رصيدي
فلا كل رجال يعوض برجال
لاشانت الدنيا وذاب الجليدي
من ابيات كتبها الشاعر فهد بن خالد بن طنيفـ رحمه الله ـ يمدح فيها ابن عمه عبد المحسن بن حسن بن شبنان العصيمي، وكان قد رآه بعد زمن وقد طعن في السن فتذكر شبابه وحميته وقوة شكيمته وما كان عليه من خصال حميده فلما افترقا كتب هذه الابيات يقول في القصيدة كاملة :
البارحه سهران من ضيقة البال
على هواجيس ٍ بصدري تزيدي
فـ يالله ياللي للصعيبات حلال
يامن هو الوالي وحنا العبيدي
تفرج لمن قلبه غدا فيه ولوال
وعين تعاف لنومها ما تريدي
وياراكب اللي لامشا يقطع اللال
جيب ٍ جديد الصنف صاف الحديدي
يمشي بركابه مع الفي لامال
وعليه مرسول ٍ برايه سديدي
فليا مشى بـ العلم من عقب مقيال
ملفاه أبوبندر كعام العنيدي
الشايب اللي ٍ للثقيلات شيـّال
ما شفت مثله بالزمان الشديدي
نعم ٍ بـ أبوبندر ليا حدك الجال
سو على اللي ينفخون الوريدي
اللي مراجلهم على القيل والقال
واللي لهم في كل مجلس بريدي
رجالهم لاجاك في بشت وعقال
تقول هذا خالد بن الوليدي
وليا بدا اللازم غدا الزول مخيال
ما ينفعك يا جعل داره بعيدي
العقل ناقص والمشاوير جهال
ولا له مع أهل الطيب حبل ٍ جويدي
ويعد نفسه مع هل الخيل خيال
وليا حدتك المعضله ما يفيدي
لاهوب حلال ... ولاهوب فتال
ولا واعدوه أهل الركايب قعيدي
ولا كل رجال يعوض برجال
لاشانت الدنيا وذاب الجليدي
وليت الشباب يباع وأشريه بالمال
وأشري لبوبندر شباب جديدي
حتى نطوّع به خبيثين الأعمال
اللي لهم فعل النذالة رصيدي
وأنا مع أهل الطيب مع كل مدخال
افيدهم بالـطيبـّه واستفيدي
ربعٍ مجالسهم للأجواد مدهال
ومن عاش بالدنيا حياته وحيدي
وياعزتي للي يخاوي للأنذال
خسران بالدنيا ويوم الوعيدي
وختامها : الدنيا رحولٍ ومنزال
وموت الشرف يسوى حياة البليدي
فهد بن خالد بن طنيف العصيمي
وسلامتكم
وأشري لبوبندر شباب جديدي
حتى نطوّع به خبيثين الأعمال
اللي لهم فعل النذالة رصيدي
فلا كل رجال يعوض برجال
لاشانت الدنيا وذاب الجليدي
من ابيات كتبها الشاعر فهد بن خالد بن طنيفـ رحمه الله ـ يمدح فيها ابن عمه عبد المحسن بن حسن بن شبنان العصيمي، وكان قد رآه بعد زمن وقد طعن في السن فتذكر شبابه وحميته وقوة شكيمته وما كان عليه من خصال حميده فلما افترقا كتب هذه الابيات يقول في القصيدة كاملة :
البارحه سهران من ضيقة البال
على هواجيس ٍ بصدري تزيدي
فـ يالله ياللي للصعيبات حلال
يامن هو الوالي وحنا العبيدي
تفرج لمن قلبه غدا فيه ولوال
وعين تعاف لنومها ما تريدي
وياراكب اللي لامشا يقطع اللال
جيب ٍ جديد الصنف صاف الحديدي
يمشي بركابه مع الفي لامال
وعليه مرسول ٍ برايه سديدي
فليا مشى بـ العلم من عقب مقيال
ملفاه أبوبندر كعام العنيدي
الشايب اللي ٍ للثقيلات شيـّال
ما شفت مثله بالزمان الشديدي
نعم ٍ بـ أبوبندر ليا حدك الجال
سو على اللي ينفخون الوريدي
اللي مراجلهم على القيل والقال
واللي لهم في كل مجلس بريدي
رجالهم لاجاك في بشت وعقال
تقول هذا خالد بن الوليدي
وليا بدا اللازم غدا الزول مخيال
ما ينفعك يا جعل داره بعيدي
العقل ناقص والمشاوير جهال
ولا له مع أهل الطيب حبل ٍ جويدي
ويعد نفسه مع هل الخيل خيال
وليا حدتك المعضله ما يفيدي
لاهوب حلال ... ولاهوب فتال
ولا واعدوه أهل الركايب قعيدي
ولا كل رجال يعوض برجال
لاشانت الدنيا وذاب الجليدي
وليت الشباب يباع وأشريه بالمال
وأشري لبوبندر شباب جديدي
حتى نطوّع به خبيثين الأعمال
اللي لهم فعل النذالة رصيدي
وأنا مع أهل الطيب مع كل مدخال
افيدهم بالـطيبـّه واستفيدي
ربعٍ مجالسهم للأجواد مدهال
ومن عاش بالدنيا حياته وحيدي
وياعزتي للي يخاوي للأنذال
خسران بالدنيا ويوم الوعيدي
وختامها : الدنيا رحولٍ ومنزال
وموت الشرف يسوى حياة البليدي
فهد بن خالد بن طنيف العصيمي
وسلامتكم
تعليق