لاخــــاب ظـــني بالرفـــــــيق الموالــــــي

لاخاب ظني بالرفيق الموالي


اليكم
هــــذه القصــيده
للأمير / محمد بن أحمد السديري
رحمه الله
وهي معروفه عند اكثر الناس - الجزالتها ومعانيها الساميه
وهو يقول في قصيدته
[poem=font="Simplified Arabic,6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يقول من عـدا علـى راس عالـي=رجمٍ طويـل يدهلـه كـل قرنـاس
في راس مرجـومٍ عسيـر المنالـي=تلعب به الارياح مـع كـل نسنـاس
فـي مهمـهٍ مـن النـاس خـالـي=يشتاق له من حس بالقلب هوجـاس
قعدت فـي راسـه وحيـد الحالـي=برأس الطويل ملابقه تقـل حـراس
متذكـر ٍ فـي مرقبـي وش غدالـي=وصفقت بالكفين ياس ٍ علـى يـاس
اخـذت اعـد ايامهـا و الليـالـي=دنياً تقلـب ماعرفنـا لهـا اقيـاس
كم فرقـت مابيـن غالـي و غالـي=لو شفت منها ربح ترجـع للافـلاس
يـا ماهفابـه مـن رجـال ٍ مدالـي=ماكنهم ركبو علـى قـب الافـراس
ولاقلطوهـن للكمـيـن المـوالـي=ولاصار فوق ظهورهن قطف الانفاس
ولا رددوا صـم الرمـك للتـوالـي=كل ٍ يبي من زايـد الفعـل نومـاس
من بينهـم سمـر القنـا والسلالـي=مثل البروق برايـح ٍ ليلـه ادمـاس
يقطعـك دنيـا مالهـا اول وتالـي=لو اضحكت للغبن تقرع بالاجـراس
المستريح اللي مـن العقـل خالـي=ماهوبلجـات الهواجيـس غطـاس
ماهـوب مثلـي مشكلاتـه جلالـي=ازريت اسجلهـن بحبـرٍ وقرطـاس
حملـي ثقيـل وشايلـه باحتمالـي=واصبر على مر الليالـي والاتعـاس
وراسى كما ترسـى رواس الجبالـي=ولايشتكى ضلع ٍ عليـه القـدم داس
يابجـاد شب النـار وادن الدلالـي=واحمس لنا يابجاد مايقعـد الـراس
ودقـه بنجـر ٍ ياظريـف العيالـي=يجذب لنا ربع ٍ على اكـوار جـلاس
وزله إلـى منـه رقـد كـل سالـي=وخله يفوح وقنـن الهيـل بقيـاس
وصبـه ومـده ياكريـم السبـالـي=يبعد همومي يوم اشمـه بالانفـاس
فنجـال يغـدى ماتصـور ببـالـي=وروابع ٍ تضرب بها اخماس واسداس
لاخـاب ظنـي بالرفيـق الموالـي=مالي مشاريـه علـى نايـد النـاس
لعـل قصـر مايجيـلـه اظـلالـي=ينهد مـن عالـي مبانيـه للسـاس
لاصـار ماهـو مدهـل ٍ للرجـالـي=وملجا لمن هو يشكي الظيم والباس
بحسناك يامنشـى حقـوق الخيالـي=ياخالق اجناس ٍ ويامفنـى اجنـاس
تجعـل مقـره دارس العهـد بالـي=صحصاح دو ٍ دارس ٍ مابه اونـاس
البـوم فـي تالـي هدامـه يلالـي=جزاك ياقصر الخنا وكـر الادنـاس
متـى تربـع دارنــا والمفـالـي=وتخضر فياض عقب ماهيب يبـاس
نشـوف فيهـا الديدحـان متوالـي=مثل الرعاف بخضر مدقوق الالعـاس
وينثر على البيـدا سـوات الزوالـي=يشرق حماره شرقة الصبغ بالكـاس
وتكبر دفـوف معبسـات الشمالـي=ويبني عليهن الشحم مثل الاطعـاس [/poem]
وسلامة الجميع

الله يرحمه ويسكنه فسيح جناته

ولا هنت يا فهاد على هذا النقل الرائع

طيب ولا تنقل الا الطيب

تحياتي

اخوك

لاهنت يابو عايض


على النقل الطيب


قصيده فيها من الحكمة والجزاله الكثير رحم الله السديري


تحياتي لك يافهاد

نادرة من أروع قصائد السديري رحمه الله
وأسكنه فسيح جناته
لا هنت يا فهاد على هذا النقل
تحياتي لك