تكفى تــــــــرا تكفى تهز الرجاجيل***ولولا ظروف الوقت مــا قلت تكفى

هذا البيت من قصيدة الشاعر ( عماش بن عبيد البديري المطيري ) من سكان هجرة العمار بالقصيم .



وهذه قصيدته المتضمنه ذلك البيت كاملة عندما مرت به ضائقه ماليه اثرت عليه .فقالها مسندها لـ مزيد بن سعد المطيري



[poem=font="Simplified Arabic,6,firebrick,normal,normal" bkcolor="white" bkimage="" border="ridge,4,darkred" type=0 line=0 align=center use=ex num="0,black"]
تكفى تــــــــرا تكفى تهز الرجاجيل=ولولا ظروف الوقت مــا قلت تكفى
تكفى يـــــا مزيد ما يبا العلم تفصيل=المشكلـــه كبرت على عماش تكفى
مــــا قلت تكفى غير من فترة الحيل=وانتـــــه ولد من يفعل الطيـب تكفى
انخاك من كثــــر العنـــــا والبهاذيل=الفقر حطمني .. وانــا ازريت تكفى
غديت مثل اللي بــرك ضامه الشيل=تضحك بي ضعوف الرجاجيل تكفى
يــــومٍ لك وقفه .. وجاه .. ومداخيل=مــــــا نغتني عن مثل شرواك تكفى
افزع تــــــــرا وقتي غدى كنه الليل=والعلم مــــــــــا يخفاك يالقرم تكفى
مـــــا عاد بي شده ولا عاد بي حيل=ضدتنـــي الايـــام ... والـقــلّ تكفى
اروح وارجع مــا حصلي محاصيل=والرجل بادت .. يا فتى الجود تكفى
واليوم عندك يـــــــا رفيق المشاكيل=العذر مـــــــــــا ينفع وانا قول تكفى
حيثك من اهل الطيب واهل المفاعيل=يـــــــا زبن من جاله ومن قال تكفى
الجيب فـاضــــــي .. واليالـي مقابيل=عجزت اعيش مع الرجاجيـــل تكفى
والراتب المحدود .. يـــــروح تحويل=من الاداره .. لاهـــــــل الديـن تكفى
حتى عيالــي مـــــا قدرت الهم الكيل=والازمــــه لا جـــات .. صديـت تكفى
ارجـــى الفرج والله يجيـب التساهيل=واعيش فـــي راحه مع الناس تكفى
والله كريــــــــم .. يبـــدل الحال تبديل=ومــا قلّ دلّ .. وصامـل الهرج تكفى[/poem]

ارحب يابوفهد


واشكرك على هذه المشاركه الطيبه

وقصيده جزله وقاف مميز



صح لسان شاعرها


ولاهنت طال عمرك


اخوك

لا هنت وبيض الله وجهك يا ابو فهد

على ايراد هذه التحفة الشعرية

وصح لسااان شاعرها عماش بن عبيد البديري المطيري

وانشهد ان ما عاد عنه مصد

تحيااااااتي

أخوك

تسلم يامشبب وفالك الشبب
قصيده طيبه جدا جدا
ولايمنع تشابه طاروقها مع قصيدة الشاعر محمد الدحيمي التي تكلمنا فيها سابقاً
اما البيت المشترك فيبقى من حق الاول منهم على الساحه والافكار ليست حكراً لاحد
سلمت ودمت

الاخ الغالي مشبب

لاهنت على التوضيح

لاهنتو جميعاً



الله يحفظكم

ارحب يابوفهد


واشكرك على هذه المشاركه الطيبه

وقصيده جزله وقاف مميز



صح لسان شاعرها


ولاهنت طال عمرك


اخوك

ارحب يا فهد

شرفت الموضوع وراعيه

تحياتي

اخوك

الاخ الغالي
مشبب العاصمي
لاهنت و بيض الله و جهك
وصح السان قائل القصيده


ولك خالص تحياتي
أخوك

تكفى ترا تكفـى تهـز الرجاجيـل
ولولا ظروف الوقت ما قلت تكفـى

انا سمعته من الشاعر محمد الدحيمي
في امسيته المقامة في بيشة العام

ولكن لامانع من توارد الافكار

صح لسان الشاعر ولاهنت لاهنت