----- اشرب الفنجال واكب البياله ----

[poem=font="Simplified Arabic,5,white,normal,normal" bkcolor="white" bkimage="http://www.alnadawi.com/vb/images/toolbox/backgrounds/3.gif" border="outset,4,white" type=0 line=0 align=center use=ex num="0,black"]
قالها إبن الذيب من هاجوس باله=
كلمةٍ يلعب بهـا والبـال زينـي =
قالها يومه طرالـه مـا طرالـه=
من هواجيسٍ تشيب المرضعينـي =
غرّني بعض الرجال بكثر مالـه=
مادرى إن الموت في حبل الوتيني=
كيف ينفعني وبعض الناس خاله=
ما يدوم البيت كان الساس طينـي =
ماش وين اللي عوايـده الشكالـه=
مثل إبن ظافر حمد ليته يجينـي=
الثنا والجـود دايـم فـي خيالـه=
علّمـه ظافـر سلـوم الطيّبينـي=
جـوّد العليـا ولزّمهـا عيالـه=
وأدركوا من علمته دنيـا ودينـي =
واهني من باع حظّـه وإشترالـه=
سار في درب النبي وأخزا اللعيني =
موقفـه ماكـل رجّـالٍ ينـالـه=
ومن بغا ممشاه يقعـد مرّتينـي=
وكم ذبح من حايلٍ من حر مالـه=
وعادته لطمة خشـوم العايلينـي =
حالفٍ ماخذ على الطرقي ريالـه=
وبالثلاث محرّم إنها مـا تجينـي =
لا لقيت اللي على السكّـه لحالـه=
يلتفت ويقول : وين المستحينـي =
أوقف الموتر حيا وأبغا الجمالـه=
يوم ولد اللاش وجهه مـا يلينـي =
والطمع في كرّوة الرجلي رذالـه=
خصّ به وإن جا مجال الغانميني =
والردي في حالةٍ ماهيـب حالـه=
يا عوينه مـن كـلام الطيّبينـي =
الولد وإن طاب قالوا : من خواله=
بالخوال يسـال قبـل الوالدينـي =
وأركبه لعيون من زيـنٍ دلالـه=
ما تحاكوا في قفـاه الرامسينـي=
ما بغى غيري وأنا مابغا بدالـه=
قاعدٍ لي بالرجـا مـدّة سنينـي =
ما قعدنا فالعمـل نبغـا الرزالـه=
ناخذ العليـا طريـق الفايزينـي =
وأشرب الفنجال وأكـب البيالـه=
تابـعٍ سلمـي سلـوم الأولينـي=
للشاعر
راشد بن الذيـب [/poem]

تسلم يمناك يا ابو ماجد

ابو ماجد


بيض الله وجهك يالقرم



إختيار موفق جداً



والله يرحم بن الذيب



ويحفظك

عبدالله بن ماجد المنصوري


الله لايهينك يابوماجد على اختيارك الطيب


ورحم الله الشاعر راشد بن الذيب العجمي


قصيده طيبه وابن الذيب كفو ويستاهل الطيب من ذكر الشيبان والرجال اللي عاصروه

ولايهون الحاضر


ولك تحياتي واحترامي

"

"

"

دمت لنا بطرح جميل ورائع وممتع .


في حفظ الكريم دوماً

"

"

"

ياليت الجميع يقتدي في هذه القصيدة ويحترمها
هذ القصيد اللي يشوق ويقطع الضرم
لاهنت اخوي على اورادها
تقبل التحايا

ابو ماجد
بيض الله وجهك
على ايرادلنا
هذه القصيده الجزله
ولاهنت ورحم الله
قا ئلها


أخوك

الولد وإن طاب قالوا : من خواله
بالخوال يسـال قبـل الوالدينـي

أبو ماجد

لاهنت على النقل المتميز

رحم الله بن الذيب
وجميع موتانا وموتى المسلمين
تحياتي لك وتقديري

بيض الله وجهك على النقل الرائع