يالله ياللي تسجد الناس لرضاه

[frame="14 80"][poem=font="Simplified Arabic,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يالله ياللي تسجد الناس لرضاه=ياوامر خلقه على حج بيته
تفرج لمن سده على الناس ما ابداه=راضي على مقسومك اللي عطيته
من شن يسل الحال والجسم يبراه=والناس مايشفونه إن ماشفيته
قلت آه واجرحاه من خلتي آه=وإن حملوني حمل غي قويته
قالوا سفا بالحال ويش اللي أغواه=قلت آه ويش المنكر اللي وطيته؟
قالوا جهلت وبان علمك لمنهاه=قلت آه علمي ياملا ما كميته
قالوا طلبنا لك من الله معافاه=قلت آه وحدته وعفوه رجيته
قالوا هله وأحباب عينه نصحناه=قلت آه هذا واردٍ ما بغيته
قالوا ندور لك من البيض حلياه=قلت آه لو غيره بكفي رميته
قالوا نشاش العود مالك بلاماه=قلت آه عود الموز بإيدي لويته
قالوا تزوج كود تدله وتنساه=قلت آه لو خذت أربع ما نسيته
قالوا من أقصى الناس وين أنت وياه=قلت آه ما أنسى يوم جاني وجيته
قالوا نشوفه عند هذا وهذاه=قلت آه عمره ماعقب حجر بيته
قالوا عليلٍ ناقلن داه برداه=قلت آه بأقرابي وروحي فديته
قالوا نشير ولا نفع ماحكيناه=قلت آه هراج النمايم عصيته
قالوا كثر شيبك وقلبك بعمياه=قلت آه لو قلبي غرير نهيته
مطاوعٍ قلبي بعجفاه وإقداه=وإلى عطى منهاج دربٍ عطيته
ياناس خلوا كل وادٍ ومجراه=قلتوا كثير وقولكم مالقيته[/poem]


الـــشـاعــر الــوجــدانــي
عبدالله بن حمود بن سبيل[/frame]

الله الله الله

صحت يمينك يا ناصر


إختيار موفق جداً



وهذا مايميزك دائماً



الله يحفظك

الغالي عبد الله بن شايع




مرورك ومتابعتك شرف عظيم لي





فتقبل جزيل الشكر






ناصر المجماج

"

"

"

وصح لسااان قايلها

وسلمت لنا ذائقتك المميزه

تقديري


"

"

"