قصيدة للشاعر محمد بن علي بن فطيس في ابله ،،

هذه قصيدة للوالد محمد بن علي بن فطيس اطال الله في عمره



[poet font="Arial,6,black,normal,normal" bkcolor="transparent" bkimage="" border="double,4,gray" type=1 line=200% align=center use=ex length=0 char="" num="0,black" filter=""]
يا مرحبـا بمهيضـه والقعـوده=ترحيبةٍ من قاصي القلب مصخاه



اعداد وبل اللي تهمّـر رعـوده=واعداد همالٍ اسبوعٍ نثـر مـاه



واعداد نبتٍ فـز كـاسٍ نفـوده=واعداد مايذري من النود بقصاه



واعداد صرفٍ عاملوا في نقوده=واعداد حرفٍ للقلم خط بـدواه



ترحيبة المسجون باللي يـروده=يغليه من الاول وحلل قضايـاه



والا عويدٍ قـد مقامـه يكـوده=جا له وليد صـد منّـه ولاقـاه



اشوف حبّـي للقعـوده بـزوده=مثل البحر لاجاه كوسٍ وزاغـاه



ان جا نهارٍ وردةٍ فيـه عـوده=تقلط على الجذّاب لاسمعت انداه



وان ابعد المصدار قد سيق عوده=ما كادها لوهـو بعيـدٍ معشـاه



وان هب مطار الشتا في بروده=ماقربت صوب الحضاير امذّراه



ومهيّضـه كنهـا لقبـي تقـوده=الرجل معها دايم الدوم مشقـاه



احبهـا حـبٍ تجـدد عهـوده=حبٍ رقيقٍ في حشا الكبد مبنـاه



احوارها يبني الشحم في لهوده =قبل العطيف وشالها جاه وارواه



والمدح فيهـا ماتعـدد عـدوده = المدح يوم اقول ما يلحق اقصاه
[/poet]

الله اكبر


احـبـهـا حـــبٍ تـجــدد عــهــوده
حبٍ رقيقٍ فـي حشـا الكبـد مبنـاه



احوارها يبني الشحـم فـي لهـوده
قبل العطيف وشالها جـاه وارواه



صح الله لساااااااااانه على كل حال

والله يطول بعمره


ولاهنت يابومحمد



اخوك .. فهد

صح لسان الوالد محمد بن على واعطاه طولة العمر 0

حبه للابل ماهو غريب عليه ادامه الله وابقاه 0

تسلم ياعبد المحسن -- اتحفتنا بهذه الابيات الطيبه 0

تبقى مع عاطر التحيه الى الوالد 0

[align=center]عبدالمحسن

القصيده هذي ابقراها على ابوي
وان قال زينه رجعت وقلت صح لسان قايلها وشكرا عبدالمحسن
وان قال ماهيب زينه قلت صح لسان قايلها ودور لي غيرها يا عبدالمحسن

لأن ابو يعنده ابل ويحب القصايد اللي تقال فيها

وابيه يستانس : عاد كل شي ولا الشياب

شكرا يا عبدالمحسن

اختك[/align]

ابن صلبووخ


صح بدنك


ولاهنت على مرورك ،،

وشاكر لك دائك


تحياتي لك

ابو ماجد


مرحبا بك ومسهلا


..

و جزاك الله خير على دعائك له ،،،

والوالد يبادلك التحيات


لاهنت على مرورك اللي اسعدني

[align=center]الترفه


مرحبا ومسهلا



شاكر لك هذا المرور

وانا متأكد 1000000% انها بتعجب ابوك بس بشرط !!! لا تعتعين فيها وانتي تقرينها

يا كثر ما ابوك بيصلح لك وانتي تقرين



تحياتي واحترامي[/align]

عبدالمحسن





سلمت والله على الاختيار الرائع

عبدالمحسن


لاهنت ياغالي إختيار موفق وقصيده طيبه

من رأعي الابل


الله يحفظك

ناصر المجماج

الله يسلمك

وتشرفت بحضورك

تحياتي لك

عبدالله ابن شايع


ومن قال ما هان


وتشرفت بتواجدك وتعليقك


تحياتي لك

عذراً

أخوي عبدالمحسن اعذورني كاني رفعت موضوع قديم
بس القصد اني شفت لقاء معك ومع الأخ علي بن محمد في قناة الصحراء
وذكرتوا قصيدتين أو أكثر للوالد أطال الله في عمره وجعله على الصحة والعافية
بغيت ولا عليك أمر تذكر لنا قصيدته الثانية
لأني حاولت أبحث عن هالقصيدة في المنتديات ولا لقيتها
يعطيكم ألف عافية

العذر والسموحة مرة أخرى
لقيت الديوان كامل .. يا جعل مثواه الجنة
والله انكم أشبال ذاك الأسد يا عيال فطيس
أبكتني هالقصيدة