سعدون العواجي وابناءه .. الجزء الثالث !!!!!

[align=center]يتبع سيرة سعدون العواجي مناخ ظفره نرجع الى الشيخ سعدون العواجي والد عقاب بعد ان استولى على (بيضا نثيل) من التومان حصل بينه وبين قبائل شمر معارك عدة حتى أجلاهم عن بعض مساكنهم وقد دافعوا دفاعا بطوليا خاصة قبيلة الغيثة من عبدة أما مصلط التمياط وقبائله فقد جلوا عن ديارهم واستولى عليها سعدون وابناؤه ولم تزل يملكها العواجية حتى الان .. بعد انتصار سعدون العواجي على مصلط التمياط وقتله ابن اخيه جريس قال الشيخ سعدون هذه القصيدة بمناسبه انتصاره في مناخ ظفره : ياراكب من عندنا فوق نسنــــــاس ،،،،،،،،،،،،،،،،،،،،،،ليشدي ظليم جافل مع خمايــــــــل زين القفا ناب القرا مقعد الـراس ،،،،،،،،،،،،،،،،،،،،،،لومعرب من ساس هجن اصايـــــــــل لامد رواي ولا راح عســـــــــــاس ،،،،،،،،،،،،،،،،،،،،،،لعرو الى مافات حمو القوايــــــل يلفي لوايل مروية كل عبـــــــاس ،،،،،،،،،،،،،،،،،،،،،،لمكللين شذرته بالفعايــــــــــل اليا جيتهم في ربعة الشيخ جـــلاس ،،،،،،،،،،،،،،،،،،،،،،لينشدك من هولي صديق يسايـــــــل قل صبحونا اجرودهم مالها اقيــاس ،،،،،،،،،،،،،،،،،،،،،،سـكن الجبل جانا مع الصبح صايـــل وانا احمد اللي عاضهم كسرة الباس ،،،،،،،،،،،،،،،،،،،،،،كـسيرة وصلت قفار وحايــــــــــل في روضة التنهات قرطن الالبــــاس ،،،،،،،،،،،،،،،،،،،،،،وذبـح لياما جيت بيضا نثايــــــل وكم جثة مجدوعة مابهـــــــا راس ،،،،،،،،،،،،،،،،،،،،،،بـسيوف يشفن الطنا والغلايـــــــل وكم سابق راكبها طاح منحــــــاس ،،،،،،،،،،،،،،،،،،،،،،مـن المعرقة يجيك للقاع مـــايــل والصبح جانا مطلق دايخ الــــراس ،،،،،،،،،،،،،،،،،،،،،،وجـاه العقاب الصيرمي فوق حايـــل واعذر بنقل السيف واعذر بالالبـاس ،،،،،،،،،،،،،،،،،،،،،،وراحـت تقمز به زبار المسايـــــل وجريس خلي في زواقيب حـــــــراس ،،،،،،،،،،،،،،،،،،،،،،ويـا ويل مصلط عقب وافي الخصايــل واليا قعد بالبيت يزهي بالالبــاس ،،،،،،،،،،،،،،،،،،،،،،عـمره صغير وماضي له فعايـــــــل لقد استفحل امر عقاب العواجي وجندل عدد كبيرا من فرسان شمر ولقد اتفقوا شمر على ان يصبوا فنجال من البن ويضعهوه بينهم ويقولون لفرسانهم : الذي يشربه هو المسؤول عن قتل عقاب في أول معركة نخوضها معه وانه لايستطيع احد شرب الفنجان الا من لديه الشجاعة بنفسه فقام شاب من بين الصفوف اسمه اباالوقي ولم يكن من عائلة لها فروسية وقال انا اشرب فنجال عقاب وأقابله على ظهور الخيل ، وعندما التحمت شمر مع قبيلة ولد سليمان وعندما رأي ابا الوقي عقاب بين الخيل دفع نفسه وعندما رأي كل منهما الاخر أطلقا الاسهم على بعض ولم يصب أحد ثم التصقت جوادهما وتماسكا بالايدي وسقطا عن الخيل فهبت فرسان شمر لانقاذ ابالوقي وهبت فرسان عنزة لتخليص عقاب ، وعندما دارت المعركة وحمى الوطيس ، والغبار يحجب كل واحد عن الاخر ، وقعت يد عقاب على سيف بالارض وأمسك بجواد واقف فوق رأسه وكذلك أبالوقي ، وعندما افترقا ، فاذا بالسيف الذ مع عقاب هو سيف ابالوقي وكذلك الجواد ، وابالوقي وجد أن السيف الذي معه هو سيف عقاب والجواد جواد عقاب ، وانفصلت المعركة بعد ذلك.. وقد تأسف الشيخ سعدون على هذا الامر أن شابا غير معروف من شمر يأخذ سيف عقاب وجواده فجاؤه شيوخ ولد سليمان وقالوا لاتقلق يا ابا عقاب فخيولنا وسيوفنا كلها رهن يد عقاب ، فقال أنا لا يشغلني الا أن شاعر شمر مبيريك التبيناوي قد وقع على بيت من الشعر ... وفعلا بعد ان هذه القصة قال شاعر شمر هذه القصيده : ابا الوقي يالبيض خضبن يمنـــاه ،،،،،،،،،،،،،،،،،،،،،،وانا اشهد انه من عيال الحمايل السيف من يمنى عقاب خذينــــاه ،،،،،،،،،،،،،،،،،،،،،،والخيل بدل كدشها بالاصايـــــل هذي سلوم بيننا يالقرابـــــاه ،،،،،،،،،،،،،،،،،،،،،،يا زين بيع المنسمح يابن وايـل وعقاب ما سبه ولا سب حليـــــاه ،،،،،،،،،،،،،،،،،،،،،،ان جو على قب المهار الاصايـــل يركض على الصابور ما به مراواه ،،،،،،،،،،،،،،،،،،،،،،شي تعرفه كل سمو القبايــــــل لاشك عندي له قهود مغـــــــذاه ،،،،،،،،،،،،،،،،،،،،،،عيال شمر فوق قب الاصايـــــــل فرد عقاب على مبيريك التبناوي بهذه الابيات: عشبه طويله يالتبيني رعينـــــاه ،،،،،،،،،،،،،،،،،،،،،،غصبا على دوله قفار وحـــــــايــل وبيضاء النثايل بالمعارك خذينـــاه ،،،،،،،،،،،،،،،،،،،،،،بالسيف ماهي للجدود الاوايــــــل يحرم عليكم يالسناعيس مــفلاه ،،،،،،،،،،،،،،،،،،،،،،فان جيتها يالشمري فأنت عــايـل ومفتاح الغيثي بثركم حدرنـــــــاه ،،،،،،،،،،،،،،،،،،،،،،روحوا وراكم يا رفاع الحمايــــــــــل وفي بعض السنين نزل على سعدون وأبناء الشيخ مجول إبن شعلان , ومعه قسم من قبائل الروله أيام الربيع , وقد إتفق مجول إبن شعلان , وسعدون العواجي أن يغيرا على قبائل حرب الموجودين بأراضي ( رخا ) الماء المعروف , وفعلاً غزوا حرباً وأغاروا عليهم بالمكان المذكور , وأخذوا منهم مواشي كثيره , من بينها إبل مشهوره تسمى (( بشملا )) وكان زعيم قبائل حرب إبن فرهود , كان غائباً عندما أغاروا عليهم , وبعد أن رجعوا إلى ديارهم غانمين , رحلوا جميعا إلى الشمال , بديار سورية , لإنها بارده في أيام الصيف , وعندما علم إبن فرهود شيخ قبائل حرب , برحيل سعدون العواجي وأبنائه وعربانهم مع الشيخ مجول بن شعلان , أرسل لهم هذه القصيده , يتهددهم , وقول إرجعوا لدياركم محاولاً أن يأخذ ثأره منهم , ومبيناً ندمه أنه لم يحضر عندما أخذت الإبل المشهوره ( شملا ) وهذه قصيدته : يا مجول الغيبات يقضا بها دين ،،،،،،،،،،،،،،،،،،،،،،غيبةجنبها يوم جاها الـــزوال لا واخسارة لبسنا لتواميـــــن ،،،،،،،،،،،،،،،،،،،،،،يوم ان ( شملا ) غربت للشمــال يا عقاب لا تقفي بثار الشعالين ،،،،،،،،،،،،،،،،،،،،،،إنكس لدارك يا كريم السبالــي نجي على قب سواة الشياهيــــن ،،،،،،،،،،،،،،،،،،،،،،سوٍعلى اللي ينزلون الجبالـــي نبي نطارد شاربين الغلاويــــن ،،،،،،،،،،،،،،،،،،،،،،وناخذ عوض شملا بكار جلالـــــي إما جدعنا عقاب ليث الغلاميــن ،،،،،،،،،،،،،،،،،،،،،،والا جدعنا حجاب ريف الهزالــي وعندما وصلت هذه القصيدة سعدون أجابه بهذه القصيدة : أثاري كذبك يا بن فرهود بالحيل ،،،،،،،،،،،،،،،،،،،،،،تقول من خوفك نحرنا الشمالـــي لولا علومك ما نكسنا عن الكيــل ،،،،،،،،،،،،،،،،،،،،،،من الديرة اللي شفخا شف بالــي يا ناشد عنا ترانا مقابيـــــل ،،،،،،،،،،،،،،،،،،،،،،ننزل لكم ( رخا ) وناخذ ليالـي نبي نطاردكم على شرد الخيــــل ،،،،،،،،،،،،،،،،،،،،،،ونشوف منهو للسبايا يوالـــــي واللي يطارد خيلكم صفوة الخيـل ،،،،،،،،،،،،،،،،،،،،،،بايمانهم مثل المحوص المدالــي وعقاب فوف مشمر تكسر الذيــــل ،،،،،،،،،،،،،،،،،،،،،،شلايعه من خليكم كل غالـــــــي إليا عدا فيكم عدا فيكم الويـل ،،،،،،،،،،،،،،،،،،،،،،ويروي حدود مصقلات السلالــــــي نطاح قاسين الرجال المشاكيـــل ،،،،،،،،،،،،،،،،،،،،،،وبالفعل تشهد له جميع الرجالـي يا ويلكم من زايدات الغرابيــل ،،،،،،،،،،،،،،،،،،،،،،إن طار عن قحص المهار الجلالــي إنشد وتلقانا على قرح الخيـــل ،،،،،،،،،،،،،،،،،،،،،،بايماننا ريش الغلب له ظلالـــي عدوونا نسقيه ويل بثر ويـــــل ،،،،،،،،،،،،،،،،،،،،،،وصديقنا يشرب قراح الزلالـــــي[/align] ^ ^ ^ ^ ^ وسلامتكم

فهد بن صلبوخ


بيض الله وجهك


على هذا السرد المتتالي على أجزاء لسيرة العواجي


جهد مشكور ياغالي


حفظك الله

ارحب يابن شايع



ولاهنت على المرور الكريم ياكريم




اخوك ..

فهد بن صلبوخ


بيض الله وجهك


على هذه النبذة من سيرة العواجية


جهد تشكر عليه يا ابن صلبوخ


تحياااتي لك

فهد بن صلبوخ لا هنت طال عمرك





تحياتي

ارحب ياخالد


ولاهنت على الحضور الكريم




اخيك ..

ارحب ياناصر




حضور مشرف طال عمرك






اخيك ..

فهد بن صلبوخ

مشكورعلى هذا الجهد الرائع

تقبل خالص تحياتي

مقبل بن سعد

ارحب يالنداوي الجديد


مقبل بن سعد



لاعدمت حضورك المميز



اخوك ..

تسلم يافهد ولاهنت

علم ٍ غانم وانت راعيه

لاعدمناك

ارحب يابن حبشان



ولاهنت نفدا خشمك


اخوك ..

يامراقبين


خلصتو من القصيده ردوها لموضعها لو تكرمتو
















اخوكم ..

ويش السالفه ؟

السالفه يابوجابر


عقب ماجا المتطفل اللي خرب قسم (( عيون الشعر ))

وموضوعي ذا من ضمن اللي خرب <==== مقرووود


وودوها لقسم المشرفين ومنها ذا الموضوع



وصادو الفار قصدي الفيروس بشبكه اللي انت خابر


وخلصت السالفه


وابيهم يردووون الموضوع الا اذا فيه شي










وتوت ياتوته خلصت الحتوته