:: وساعة لفى قال خله طيبه الخيبه ... تاتي من الراس ماترجع لكرعاني ::

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
أسم الولي باذكره وأخشاه وابدي به
=وبطلب الله عن الزلات يقداني
الطيب يستاهله فيصل ويحري به
=خمسة عشر نعم في فيصل قهيداني
أميرنا بامدحه وباثني بطيبه
=وعيباٍ علي قول هرجٍ دون برهاني
ساعة لفاه الخبر ماصار به هيبة
=ولا قال مشغول والا اليوم تعباني
من فوق جمسٍ بعيد الخد يزمي به
=لبى طلبنا وحرّك يمنا عاني
ساعة لفى والسعد قدمه يحيي به
=حشمه وتقدير مع حيلٍ وخرفاني
واطلق سجينٍ معسكرةٍ لواليبه
=غريب ومنا وبالتحقيق نصراني
ان قلت ابى احايله واعرف مضاريبه
=لا فرخ نمرود وإلا حق غرباني
وان جيته ابطيب قال الطيب مالي به
= متخالفٍ رتعنا زعبي و ............
وبقيت محتار مدري وش بسوي به
= مافي يدي حيلةٍ وال*** مالاني
وساعة لفى قال خله طيبه الخيبه
=تاتي من الراس ماترجع لكرعاني
هذي طرات الامير وذي مواجيبه
=والا ترى الناس كلٍ عنده لساني
[/poet]

[align=center]والقصيدة أطول

قالها الشاعر مطلق بن شنار المديبغ في أمير زعب فيصل بن فراج السحوب رحمه الله على أثر تدخله بجاهه لإطلاق أحد السجناء ... وقد أشتهر الأمير فيصل بهذه العادة الحميدة ... وعمر هذه القصيدة ثلاثين سنة تقريبا ...

تحياتي[/align]

لاهنت يا محمد

وعسى الأمير في الجنه وهذا ماهوب غريب على شيوخ الأجواد

وصح لسان شاعرها


مشهور....

الطيب يستاهله فيصل ويحـري بـه
خمسة عشر نعم في فيصل قهيدانـي
===========
ورحم الله الأمير فيصل السحوب

ويستاهل المدح والطيب حي وميت


الغالي محمد السحوب

اختيار جزل وموفق

صح لسان شاعرها

وسلمت يمين ناقلها

وتقبل من الورد أجمله ومن الشكر أجزله

أخوك

الغالي/ محمد السحوب

شكراً لك على نقلها

ورحم الله شاعرها

حفظك الله .

[align=center]ماعليكم زود يامشهور ... وانا مقدر لك حضورك الله لايهينك ... تحياتي[/align]

[align=center]الأخ والصديق العزيز خالد السبيعي ... يسعدني ويشرفني حضورك في هذه الصفحة ... تقبل أجزل التحيات ولاهنت [/align]

[align=center]الأخ العزيز عبدالله بن شايع ... يامرحبا ومسهلا وانا شاكر لك حضورك ... تقبل تحياتي لشخصك الكريم[/align]