(ربيع قلبي) من روائع عبدالله بن سبيل

من روائع شعر الشاعر الوجداني الكبير
عبد الله بن حمود بن سبيل رحمه الله
هذه القصيدة وهي موجهة للشاعر والفارس الشيخ ذعار بن ربيعان
من شيوخ الروقة من عتيبة

يقول ابن سبيل:[frame="7 80"]


[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
ياذعار أنا قلبي هذا اليوم حوله=من العام ينقص مابقى إلا قليله
مثل الشعيب اللي تقافت محوله=مسنٍ جنابه يابسٍ حنظليله
ربيع قلبي جية البدو حوله=وتقيرب المقطان واحبني له
والسوق يعجبني إلى شفت ضوله=مثل النظيم المختلف عن مثيله
ذولا لهم حاجة وذولا بدوا له= يلهون راعي الواردة عن قبيله
وش خانة المقطان في كل جوله=حز الربيع إلى تزايد نزيله
ربيعهم قول العسوس ارحلوا له=عشب جديد ولابعد جف سيله
والصبح سمحين الوجيه احقلوا له=وعطّ السلف واستجنبوا كل اصيله
وكلٍّ لأهل بيته ينوخ ذلوله=ونوّخ خفيف الزمل وأقبل ثقيله
والبيت يبنى فارقه كبر زوله=لابد شرّاب الحشايش يجي له
في روضةٍ صكت عليها نزوله=والفقع قدم البيت ما ينعني له
تلوة نهار وكلّهم سيروا له=والخيل من تاعي لها ترعوي له
ماقيل يارعي الحصان اقهروا له=باطرته النعمة مديمٍ صهيله
وباغٍ إلى ماوقف العلم طوله=وتنافضت بين العميل وعميله
نيه على اطراف العرب واجمعوا له=نمرا تصهرج مثل نو الرفيله
والسبر روّح وردها في حلوله=ودرهم عليه الشيخ واشتال شيله
وشافوا عياله يوم هم قربوا له=صفرا تكف الخيل عن كل عيله
قالوا مطالع قال الآخر يقوله=وتعايلت قدام يومي شليله
وفاضوا على طرشٍ وساعٍ خلوله=من دنة الغارة تزايد جفيله
حوّوا ودوّوا بأوله واقهروا له=ماعنده إلا من يحلب بصميله
يوم اوسعوا لحق الطلب وارجحوا له=كل أبلج يأخذ عليهم دبيله
كم مايقٍ برماحهم سبقوا له=مطغيته الدنيا يحسبه طويله
وهود وعود كاثراتٍ عذوله=كلٍّ بقلبه واهجٍ من غليله
يمشون مشي اللي ثقال حموله=زمل من الوزمة رخيٍّ لكيله
يتلون شيخٍ ماضياتٍ فعوله=يسري وغب سراه مايندري له[/poem]

[align=center]


مرحبا اخووي ناصر

مسـاء الرضــى

لك الف شكرعلى نقل هالقصيده الجزله

والله يرحم شاعرها عبدالله ابن سبيل

ويرحم امواتنا واموات المسلمين جميع

اللهـم آآمين

اختك العبيه[/align]

[align=center]رحم الله ابن سبيل
ولاهنت يا ناصر
على الاختيار الرائع
وتقبل تحياتي[/align]

اختي العبية
























جزاك الله ألف خير على دعواتك الطيبة لجدي عبدالله












الله يغفر له ويرحمه














وألف شكر لمرورك الكريم الذي تشرفت به كثيرا










تقبلي تحياتي














ناصر المجماج

ابن مجماج الله لايهينك على النقل والله يرحم أبن سبيل شاعر فحل وقصيدته هذي قيلت في رياجيل كفوو ... تقبل تحياتي

[align=center]رحم الله شاعرها

شاعر غني عن التعريف

واختيار موفق يا ناصر

لك تحياتي[/align]

الغالي ناصر



بيض الله وجهك



إختيار جميل وجزل رحم الله بن سبيل



ولاهنت الله يحفظك