مشعان بن هذال(قم سو فنجال ترا الراس منداش.....لعي......

تحيه طيبه
اسعد الله ايامكم بكل خير
هذه قصيده انشاء الله تنال استحسانكم


(*)
يقول الشاعر مشعان بن هذال شيخ من شيوخ عنزه . لنقراء شعره هذ الذي يصف القهوه وصفاً شيقاً .
يقول الشاعر :-
ونيت ونت من سرا الليل حشاش
……………………عقب الطرب ياطا على كل منقود
خلا اهدوم الخز والجوخ واقماش
…………………..ومجالس فيها من الزل ممدود
قم سو فنجال ترا الراس منداش
…………………لعيون من قرنه على المتن مرجود
يابن امهارش كب حمسات الادقاش
…………………تاتيك حمسات الينابج بها سود
ودقه بنجرٍ يسمعه كل طراش
…………………ايضاً الي حرك على الهون به زود
وحطه ابدله مولع كنها الشاش
…………………وابهار ها مقدار خمسة عشر عود
الهيل حطه لاتدانا ولو جاش
…………………وامن الزباد اقنع على شذرة العود
كنه ابعرض الصين ورس الى ناش
……………………او زعفران كلما علم اردود
لذاذة الدنيا معاميل وفراش
………………..وصينيه يركب بها العبد مسعود
وسفرٍالى جا العصر عندكل هباش
……………………تطاوحن قلب المناحيز بالعود
فى ربعهٍ يلقى بها كل هشاش
…………………يفرح بها اللى من دناياه مضدود
ياالله طالبك عند سرحات الادباش
……………………..ذود مغاتير ويبرا الهن سود
مر باعها الصمان تبعد عن الطاش
……………………ومقياضها دخنه الى حرم العود
يامحلا وقت الضحى طق شوباش
…………………..وقامت تنازا بالمناعير جلعود
وانا على مثل الفداوي الى حاش
…………………..تنزع كما ينزع من الكف بارود
ومن لا يروى شذرة السيف لاعاش
……………………..أصبح عليه امورد الجيب مقدود

(*)من كتاب الازهار الناديه من اشعار الباديه.الطبعه الاولى

طلال الاحمدي
جـــــده

شكرا يالاحمدي



السلام عليكم

شكرا للاخ الاحمدي علي مايبذله من جهد في تقديم كل ماهو مفيد

لنا وهذا اذا دل علي شي دل علي حرصه الشديد علي المنتدى

ونجاحه ,,, بالاصاله عن نفسي وبالنيابه عن باقي الزملاء الافاضل

اقول لك شكرا يالاحمدي والي الامام ..



والسلام ختام

اخوك الهلالي

الله يعطيك العافيه وهذ من اصلك الطيب


تحيه طيبه
واسعد الله ايامك بكل خير
واشكرك على ثناءك وهذ من اصلك الطيب
والله يحفظك من كل مكروه
ونا في اي خدمه تريده ياغالي

اخوك
طلال الاحمدي
جــده

بسم الله ارحمن الرحيم

روعه يالأحمدي .. شكرالك

[سعد بن شليه السبيعي]

لاحمد لاهنت على هذا النقل الرائع

[align=center]



/

الـ .. فـاضـل ..


الـ أحـمــدي ..


لا هـنـت .. على الـ نـقـل ..


ولا هـان .. شـاعـرهـا ..


بـ انتظـار .. الـ مـزيـد ..


أخي .. الـ كـريــم ..

/

[/align]

الاحمدي صح ألساااااااااان شاعرها .

ولاهنت على النقل يالسنافي.


بس فيه تعليق بسيط على مقدمة القصيدة بالنسبة(((انشاءالله)))كتابتها بهذه الطريقه خطأ وهنيه تدل على الانشاء.

والصحيح انها تكتب بهذه الطريقه(((ان شاءالله)))يعني اذا اراد الله ان يكون هذا الامر يكون.

(((((((((سبحانه جل جلاله ليس كمثله شيئ))))))))


(((والله اعلم)))



تقبل ودي واحترامي.

الاخ الفاضل الاحمدي

لاهنت على الاختيار الناجح


ولكن لدي ملاحظه بسيطه وقد تكون خطاء مطبعي

لذاذة الدنيا معاميل وفراش
………………..وصينيه يركب بها العبد مسعود


يركض بها العبد مسعود وليس يركب


مر باعها الصمان تبعد عن الطاش
……………………ومقياضها دخنه الى حرم العود

مقياضها دخنه الى صرم العود وليس حرم العود


مكان هذي القصيده هو قسم عيون الشعر وليس النداوي الشعبي


مجرد ملاحظه لا اكثر ولا اقل


لك تحياتي