جاني بطرق الثوب ناسي عباته

هذي القصيده اعجبتني كثيرا

وهي للشاعر بندر العتيبي

والد الصحفي نايف بندر

[poet font="Simplified Arabic,14,blue,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
ساعة ركبنا فوقهنّه مقفيّن = جاني بطرق الثوب ناسي عباته

رد السلام ومدّ لي كفّه الزين = يحوز عني ما بدا من صفاته

الوجه كنّه والنحر والذراعين = لون الحليب اليا انعزل عن رغاته

وجدي لو ان الوجد ماله براهين = ان ما تهيّت للبنادم مناته

وجود راعي هجمة ٍ حاله شين = ردّنه الأشوار دون اشهواته

يبا الربيع ومشغلينه هل الضين = لين ان ذوده شان والوسم فاته

على عشيرن خابره في اول الحين = يمدي مقاسيمه من الله جاته

أمّا رمنـّه في قصور وبساتين = وألاّ عليه الوقت دارت رحاته

طرشّت له وارد ثمان وثمانين = سوّاه من سوّاه واحسن سوته

البهبهاني ما اشتغل غير تمرين = اللي حدود المملكه مانعاته

فوقه من العتبان من يقضي الدين = قرم ٍ تسدّك فزعته عن وصاته

اليا كفخ له كنّ حس القزوزين = هدير هرشن في مراح أمّهاته

ملفاه ما ينعاق ربعن مسميّن = فراج ولاّ عند مقحم مباته

رجالهم تلقاه في العسر واللين = ما سال عن فقره ولا عن غناته

ممتاز في الدنيا وممتاز في الدين = وأخير ما عند البنادم صلاته

تحرّ مردود الرساله نهارين = والثالث أخذ العلم منهم وهاته

وان كان ما يدرون عن داعج العين = راحوا محابيس الهوى مع قضاته


[/poet]

صح الله السا نك والسان الشاعر بندر العتيبي


ولاهنت على نشرها هنا بعيون الشعر

قصيده تستحق الشاده

شكرا لك

تحياتي

الأمل

خوي المطاليق


لاهنت على هذه الرائعه

وصح لسان الشاعر


بندر العتيبي



تحياتي

ساعة ركبنا فوقهنّه مقفيّن جاني بطرق الثوب ناسي عباته

رد السلام ومدّ لي كفّه الزين يحوز عني ما بدا من صفاته

الوجه كنّه والنحر والذراعين لون الحليب اليا انعزل عن رغاته

وجدي لو ان الوجد ماله براهين ان ما تهيّت للبنادم مناته

وجود راعي هجمة ٍ حاله شين ردّنه الأشوار دون اشهواته

يبا الربيع ومشغلينه هل الضين لين ان ذوده شان والوسم فاته

على عشيرن خابره في اول الحين يمدي مقاسيمه من الله جاته

أمّا رمنّه في قصور وبساتين وألاّ عليه الوقت دارت رحاته

طرشّت له وارد ثمان وثمانين سوّاه من سوّاه واحسن سوته

البهبهاني ما اشتغل غير تمرين اللي حدود المملكه مانعاته

فوقه من العتبان من يقضي الدين قرم ٍ تسدّك فزعته عن وصاته

اليا كفخ له كنّ حس القزوزين هدير هرشن في مراح أمّهاته

ملفاه ما ينعاق ربعن مسميّن فراج ولاّ عند مقحم مباته

رجالهم تلقاه في العسر واللين ما سال عن فقره ولا عن غناته

ممتاز في الدنيا وممتاز في الدين وأخير ما عند البنادم صلاته

تحرّ مردود الرساله نهارين والثالث أخذ العلم منهم وهاته

وان كان ما يدرون عن داعج العين راحوا محابيس الهوى مع قضاته





















صح الله السا نك والسان الشاعر بندر العتيبي


ولاهنت على نشرها هنا بعيون الشعر

قصيده تستحق الشاده

شكرا لك

تحياتي

صح لسانك والله

وسلمت على اختيارك لهالرائعة
وصح لسان قايلها





تسلم