ياجبر هو ضيم الليالي ينجلي

السلام عليكم ورحمة الله وبركاته وأسعد الله مسائكم بالخير والمسرات

أقدم لكم هذه القصيدة وهي للشاعر أبن لعبون وأعذرونا أن حصل فيها قصور

[poet font="Simplified Arabic,14,black,normal,normal" bkcolor="" bkimage="http://nadawi.net/vb/images2/47.gif" border="none,2,gray" type=0 line=200% align=center use=sp char="" num="0,black"]
ياجبر هو ضيم الليالي ينجلي=أو هو يخيم بالحشا ويطولي
أعض أطراف البنان بناجدي=والدمع حرق وجنتي ويهلهلي
والعين كن الشب يجلا موقها=والنوم عني له زمان مطولي
ياجبر وأن بانت عيوبي للملا=تراه من فرقا غزال عندلي
حورية تجلا الظلام بعينها=سبع المثاني حرزها ماينطلي
ثيابها تشكي لضيم ردوفها=والوسط كشاخ الجديد معزلي
أليا مشت كن النعاس بعينها=من ثقل ردف مثل طعس معتلي
أن أشهد أن اللي خلقها قادر=لحيثه بخلق ردوفها متجزلي
ساعة نطحني يوم شفته مقبل=أغشي علي وطحت من يوم أقبلي
أن صد عني شفت بيض خدودها=يصد لامنه لحظني وأغفلي
ثم صابني ماخاف من والي السماء=من غير ذنب ياغزال العندلي
دنق علي وقال ذبحتني وثنيتني=ذبحت نفسي وأنت لست تحللي
له قلت لابيحك ولاأبري ذمتك=حسبي أذا كان الولي متوكلي
أنا حبيبك كان حبك صادق=والهقوة أنك ناكر متحيلي
قال أنا سقيتك وأبريت ذمتي=من كوثر بين الشفايا سلسلي
تعذرت ياجبر وأبدت عذرها=وأليا حلف بالله لازم تقبلي
يقول كان تهواني فأعلم ترى=أني وراكم ناشد وسايلي
ثم حكمت حبل المواصل بيننا=وشربت ريق كالنبات معسلي
وأصبحت في بحر الغرام مسمر=وبحر الهوى ياجبر غرق محملي
في حب ظبي له هوى في ظامري=ألك العنا ياعاذلي لاتعذلي
من لامني جعله يكوس من العمى=أعمى أصم مايقوم محرولي
أسريلها عقب العتيم بساعة=والكف من صنع الهنود مصقلي
أخاف من سبع الظلام يهومني=يبغي عساني منه أذل أو أجفلي
مالي صديق الأ السيف الصادق=يضحك أليا ماناش حد المفصلي
ياجبر حد السيف مفتاح الفرج=تراه لصعوب الرجال يذللي
لانامو الحساد والواشي سرى=وقامت عيون العاشقين تبهذلي
وهملت بأطراف البنان ردوفها=وأخفيلها أسمي ماأخافه تخجلي
وأقول لها أهلا وسهلا ياهلا=ويقول لي أهلا وسهلأ ياهلي
وسدتها زندي وصار وسادتي=زندلها لين النجوم تكملي
هاروت سحره ناشي في عينها=تودع قلوب العاشقين تبلبلي
هي سقم حالي هي شقاي وعلتي=وهي دواي أن ذر فوق المفصلي
ياجبر جاني بالصدود وعافني=من عقب ماهو مود لي مقبلي
نسى الجميل وبار في صويحبي=وأن شافني بالسوق دلأ يعجلي
أن قلت ويش السبب في ذا الجفا=أكثر عذاره قال خوف من هلي
ياجبر يوم الولف مايخشا هله=وأليا تباطا جيتيله دزلي
ياجبر ماتسعا بصلح بيننا=حتى تنول الخير وأنت محللي
ياجبر ماشافت عيوني مثلها=مصيونة ماوقفت في محفلي
ياجبر لو يرجعن عصور الصبا=يروق لقلب العليل الممحلي
عزيل قلب شارب كاس الهوى=والنوم عافه مع لذيذ الماكلي
ياجبر كان الجبال تزلزلت=رجيت حبه عن ظميري يرحلي
ماأعرف حب العذارى قبل ذا=ياجبر حب البيض أثره يقتلي
ياجبر حبه في ظميري عاقني=قد حط في رجلي حديد مقفلي
هو مقفي مني وأنا في ساقته=يسري وأنا يضحي الضحى في منزلي
مضى زمانك ياأبن حزمي عامر= وأنا زماني خارب متعطلي



وسلامتكم جميعأ يالنداوية


أخوكم ومحبكم دغش بطي الدوسري
[/poet]

الأخ العزيز:دغش بن بطي الدوسري,,,

ألف شكر على إتحافنا بقصيده لشاعر علم من أعلام شعراء النبط,,,

لاهنت وبيض الله وجهك,,,

لك مني أعذب وأرق تحيه صادقه يا دغش,,,,

أخوك:سعد بن كاظم الفهيدي المري,,,,,

الاستاذ //// دغش بطي الدوسري

مرحبا بم وبما جئت به

علومك كلها غانمه يا دغش

رحم الله ابن لعبون...علم من اعلام الشعر

وسلمت يدك اللي اتحفتنا بقصيده نادره

لاهنت

لاهنت

وتقبل تحياتي

حسن العرجاني

الاخ العزيز الغالي سعد بن كاظم الفهيدي المري

مرحبا والله ومسهلا

مرحبا بمرور الطيبين

مرورك نور وعطر المشاركة

وحظورك كرم صاحب المشاركة

فأشكرك على مرورك وحظورك وتعقيبك العذب

والله لايهينك ويبيض وجهك ياكحيلان

أخوك دغش بطي الدوسري

الاديب والاستاذ حسن العرجاني


مرحبا والله ومسهلا


عندما تطرح مشاركة ويمر عليها واحد مثلك وشرواك أزداد فخرأ وشرفأ


فالله لايهينك على المرور والمتابعة العذبة واللتي عودتنا عليها


وياجعل من جابك في الجنة


على التعقيب اللذي زادني شرف


بيض الله وجهك يالذيب



وودعتك الله



وأسلم وسلم




دغش الدوسري