نصيـــــــــحه لـ مرشـد البـــــذال

السلام عليكم حبيت اشارك في قصيده لـ مرشد البذال

وبئذن الله تنال على أعجابكم



بدا العارف اللي بالكلام بصير ** مبداه في درب الهدى يشير
ترى كل كلمه من لساني هديه ** يأتي لها في وضعها تفسير
اوصيك ياللي تسمع العلم منّي ** واحفظ وصاتي لاتصير بعير
انا شفت من بعض المعاني دلائل ** والاّ ترى روح الكلام غزير
الارشاد للعقال ترضى عواقبه ** دليلٍ عن التيهات بالمسير
الله إذا حبّـك على الخير دبّرك ** خلاك في كل الامور بصير
انا أغبط رجلٍ عن الناس مجتنب ** إمّا سكت والاّ أعترض في خير
يرقد مريح البال محدٍ يلومه ** يصير مع كل العباد عشير
ولا أغبط رجلٍ على الناس مشرف ** يجي لهم بأحوالهم خشير
يكشف سرايرهم وهي راس ماله ** يركض الغرّات(1) العباد مغير (1) العوره
ماسمع ربه وش ذكر بالـ آيه ** راعي النميمه كيف له من مصير
مكروه فعله قبـّح الله فعله ** ياكل لحم حيٍّ وهو يسير
الرابح اللي ماتعرّض غافل ** ولا صار لابليس اللعين خبير
ليا شفت مبلي قل عسى الله ينقذه ** من الظلم والاّ من بلاوي غير
لا تشمّت المبلي وتكفل نفسك ** ترى كبيرات البلاوي طير(2) (2)الطير هو مرض يصيب البهايم فتاك
ترى الرب واحد والبلاوي مدبره ** والفرق بالتقديم والتأخير
تلوم لك مبلي وتكفل نفسك ** أخاف دايرته عليك تدير
أهو كان في شده ويرجي رخاها ** وانت برخى يامن شمت ضرير
ولاتفرح ان شفت الليالي تباشرك ** بالمال والنسل الكثير وغير
قل ياجليل المل هوّن ضدها ** ترى الفرح عند الكدر جوير
جيران بأمر الله على مايريدهم ** يمشون بأمر الباري القدير
كفاك ربك شر فرحة طاغي ** فرحة طغى لابد من تكدير
ان صرت راعي نعمةٍ أستتمّها ** وأشكر لمن مشّى لك التيسير
ولا تحسب الدنيا ربيعٍ دايم ** الغيم شابك والسحاب مطير
نوبٍ تزخرف لك نواوير فيضه ** ونوبٍ حفا(1) ضلعٍ(2) وشوكها هصير(3)
1- الصلبه ____ 2- الجبل ______ 3- نوع من شجر الشوك البري ، صريم
ولالك سوى ماكتب لك في جبينك ** والارزاق بالتوفيق والتدبير
ان شفت يسر عقب عسر فأشكر ** وان شفت عسرٍ لا تبات سهير
ولولا الفلس ما صار للسير لذه ** ولا صار لكبار النعم تقدير
النعمه الكبرى ثلاث معاني ** ثلاثٍ عددهن كاملٍ لاغير
مسكنك دارٍ ممننٍ غير خايف ** والعافيه - والشوف بالنظير
ترى الخوف هو ويا المرض علة البشر ** وإلاّ العمى ؟؟ راعيه ذا حسير
واللي يعاكس في كلامي هذا ** ليا اونس حديهن صار له تذكير
فلا بد مايجري من الوقت نكبه ** ولا عن سهوم الحادث فرير
ولولا القشر ما صار فضلٍ للهدى ** ولا صار بين اعمالهن تغيير
ولولا الردى ما صار للطيب سمعه ** لاشك هذا ضد ذاك يصير
والناس مثل الماء غدير ومالح ** هذا ملاح وذا زلال غدير
والاجواد قربتهم تبيّض وجوههم ** تنفع ولا من قربهم تأثير
والانذال تنفعهم مكافاة شرّهم ** والاّ ترى قرب اللئيم خطير
جارٍ ترى فرقاه عيدٍ ثالث ** وجارٍ على قربه تسوق بشير
من رابع الطيّب كسب من مراجله ** ومن رابع الخايب تراه عثير
ترى الرجال طيور يفرق فعلهم ** فعل العقاب على الغراب عسير
الرجل عقل ومرجله وديانه ** بلا شك راعي هالثلاث طهير
وال*** كذب وكبر والحق ينكره ولا ينغبط في فعله الفقير
ولا تحسب الجاهل صغيرٍ سنه ** الجاهل اللي يجهل التقدير
إذا صرت مسئولٍ بقومٍ سواهم ** إذا صرت من فوق الرجال نظير
لا تاخذك زود السفاهه والجهل ** تقول ذا عامل .. وانا مدير
وإلاّ تقول ان الفقير الثاني ** خادم وانا عند الملوك وزير
ترى اللي عطاك الزود يقدر يمنعه ** عليك خلاّق العباد ثوير ====== ثوير = عيون
جنّب حقوق الناس وأحفظ حقك ** على حقك أضرب في سنان شطير
وإذا ادعيت الحق قابل خصمك ** ولا تدّعي بالبطل والتزوير
ترى الحق لو صابك لو اانّك تنكره ** مالك عن الحق المصيب مطير
وإذا حصل عندك من الرأي شبهه ** ترى الحوادث والامور تصير
لا تاخذ إلاّ رأي من تثق به ** ينفعك في رايه وله ضمير
والباطل اللي مايفيدك شوره ** بالك تحطه يالغشيم شوير
يذبك بوسط البير مَن لا يظهرك ** يعرف النزول ويجهل التظهير
وإليا نشد عن طيحتك؟ قال خله !!! ** من قال له يقع بوسط البير ؟؟؟؟؟؟؟؟؟؟؟؟
لو الناس في عقلٍ وقلب واحد ** ما صار ذا حنطه .. وذاك شعير
ترى الجهل للرجل ماهو بسيره ** يجهل شباب وينتهي كبير
والجهل يحدث بالرجال وبالنسا ** وين اللذي معصوم وهو صغير
إمّا النسا ما أمدح ولا أقدح فيهن ** ما أشوف في حالاتهن تعبير
لا أمدح عذرا تخيّب ظنّي ** ولا كاشفٍ عيب وهو ستير
والاّ ترى فيهن خنين وخايس ** أحدٍ عسل . وحدٍ صيانة(1) قير(2) === 1- رسيب الاوساخ = 2-كالقير سوداء
من دش في مشروعهن مانظمه ** العدل فيهن .. والميال كثير
حنى بتالي وقت والوضع اختلف ** وقتٍ به افكار الرجال تحير
نشوف وقتٍ كل ماله يغرنا ** نوبٍ يبشرنا .. ونوبٍ نذير
نوبٍ عدوٍ واقفٍ في سيفه ** ونوبٍ يرد السيف بالجفير
نسمع بوقتٍ في توالي الدنيا ** الجار ما يئمن من القصير
الله يعمّر دارنا بأخيارنا ** شعب الكويت وحضرة الامير
والله يخون اللي يخون المؤمن ** ياعل بيت الخاينين دمير
البطل ما سفر على درب صاحبه ** والحق نوّر للجميع سفير
حنا ليا شفنا خمالٍ ننكره ** ونشكر فعول الصافي البرير
اللي تبين حموّته ومروّته ** طيّب لبن ماله مقاصد غير
لولا الحميّه بالزمان الجافي ** ما بان فرق الحصن والحمير
رجلٍ ترجى نفعته من طيبه ** سيفٍ على رأس العدو شقير
ورجلٍ يوصف للحرامي بيته ** عدوٍ من البدّه عساه غضير
ترى العدو يدخلك بأحسن سيره !؟ ** يصوّر لك اللي تشتهي تصوير
واليا ملكّ ونال منك مطالبه ** شفت الكدر لاشك وين تطير ؟؟
رقد على قرش النعيم اللي لك ** خلاك ترقد فوق سمط حصير ________سمط = خالي
عسفك لين انه يزين عسافك ** على دورة المنحاه والتصدير ________المنحاه = درب المسقى ___التصدير = عسف الحيوان في المسقى
ليتك تجذا باركٍ قدامه ** ترغى ولا نشره على الهدير______تجذا = تتعب
قادك على مايشتهي وانت تتبعه ** مثل البهيمه في رقبته سير
هذي نصيحه من فيهمٍ عارف ** يحذر بها اللي يفهم التحذير
يقول اللي قال له نصيحه ** ولا تجهل العقّال بالتفسير
تمّت بذكر اللي علينا فضله ** عسا حالنا عند الكريم ستير





وسلامتكم : الشـاعر والراوي مرشــد البــــذال



واتمنى انها تحوز على رضاكم


لكم التقدير والاحترام

انا شفت من بعض المعاني دلائل ** والاّ ترى روح الكلام غزير
الارشاد للعقال ترضى عواقبه ** دليلٍ عن التيهات بالمسير
الله إذا حبّـك على الخير دبّرك ** خلاك في كل الامور بصير
انا أغبط رجلٍ عن الناس مجتنب ** إمّا سكت والاّ أعترض في خير

**********
ياسلالالالام

قصيدة جزلة ومعانى صادقة ووافية

صح لسان الشاعر الكبير مرشــد البــــذال

وسلمت اخي الفاضل على حسن الا ختيار

اختك خلوووود

نصيحه ثمينه


من شاعر كان يرحمه الله له باع طويل في الشعر



ناصر العازمي بيض الله وجهك يالسنااافي

الاخ ناصر العازمي



الله لا يهينك وبيض الله وجهك على هالاختيار الموفق


يالاسد


وصح الله السانك والسان مرشد البذال



تقبل تحياتي