الشيخ / ناصر بن عمر ( مرثية زوجته )

[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يا راكب اللي كن زوره اليا ذار=هيق يرهل تو ماضف بالريش

يشدي لدانوق البحر حين ماسار=ارخو شراعه مبعدين المطاريش

ياونتي ونة محاحيل بكّار=من ظامري لجن بوقت المغابيش

يا عين هلي صافي الدمع عبار=تزايدي لو قال ناظرك مابيش

على اللي الذي ينعش فوادي الا سار=وليا ضحك لي بالثمان المباهيش

الصاحب اللي قربت منه الأقدار=وعنها نحني مبعدات المطاريش

غر البخت منها وعمين الأبصار=وغديت كني من هبيل الدراويش

ياغصن ريحان تهزع بالأثمار=يسقيه فرقن من ركايا جواهيش

والعين عين اللي من العش قد طار=مرقيه في روس الخشوم اشقر الريش

والعنق عنق اللي تمدرا بالاقفار=ما ذيروها ناقلين النواهيش

امسيت كني مالك كل الأقطار=واصبحت كني من عنا اليوم ماليش[/poem]

كم انت رائع اخي الغالي

سيقوم احدهم يوما ويقول !!

ان المرأه في البداوه ليس لها اي تقدير !!

لكن حقائق التاريخ وشهادات القصائد

تثبت عكس ذلك تماما

وتؤكد ما يحق لنا ان نفتخر به واحفادنا

اكرر تقديري

.

ابوفارس

لاهنت على جمال الاختيار


ولك تحياتي

بيض الله وجهك يابو فارس



إختيار جزل


رحمهم الله

شايع العيافي

لاهنت ياابوفارس

بيض الله وجهك

تحيااااتى

أبو فارس بيض الله وجهك
دائماً تمتعنا بكل ماهو جميل

تقبل تحيات أخوك الصغير غريب

قصيده معبره جدا

لاهنت على النقل