الطفل لو شافك وهو بالمهد فاج !!

[poet font="Simplified Arabic,14,black,normal,normal" bkcolor="" bkimage="http://www.nadawi.net/images/purpclound.jpg" border="solid,2,orangered" type=2 line=200% align=center use=sp char="" num="0,black"]
والله ماودي ينادون بإفراج =ودي بحكمك طول عمري سجيني

أصبر على شانك ولو يحصل إحراج=ومن شان عينك تخضع اليوم عيني

حصلت في زينك على الكاس والتاج=في نظرةٍ ملكتني ياظنيني

والله لو تنظر بعينك للأمواج=موج البحر يخجل ويقفي حزيني

والطفل لو شافك وهو بالمهد فاج=يهرج على أمه : من يكون الحسيني ؟

وأمه تبلـّم ماتجاوب لهرّاج=ومن البكم ماتجاوب الناطقيني

فتان يذبح يرمي الناس بحجاج=حبه بنى وسط الحشا طابقيني

غيره فلا والله في خافقي راج=ياعلّ لا جا الموت قبله .. يجيني

وسلامتكم

سليم العبيد الله الشمري
أحد شعراء منطقة الجوف

[/poet]

الاخ جلال الخالدي

بيض الله وجهك على اختيار هالجزله

مشكور والله لايهينك يالغالي


تقبل تحياتي
................. شبيب

هلا وغلاااا بشبيب شااهر .......


شكرااا لحضوورك وتسجيل اعجااابك بالقصيده ....


وهي تستحق ... وانت ذوقك راااقي .....


تسلم