ياحمود يظهر لك صديق"ن" من القوم قصه

مفضي بن ولمان الاحمدي, واحد من جماعته وجلا عن ديار حرب من المدينة المنورة .. واسقر به المقام في قبيلة شمر وتحديداً عند شيخ اشتهر بالكرم وهوشيخ العليان من شمر / بن سعيد "" معشى الذيب "" ...........
جاهم ( مفضي الأحمدي) تحت اسم " مستعار " وهو (رويعي ), المهم قاله ( معشي الذيب ) وش عندك قال : جاي ادور مرازق الله .وادور الرعيه . ..وهاك الوقت مصادر الرزق محدوده ومافيه الاالرعيه اوماشابه ذلك .
جلس عندهم واتضح لهم انه انسان محترم بكل معاني الكلمة . وقضبوه احدى الرعايا وضلا يسرح فيها . واذا جاء يقضب الدلال لين يسرون للنوم . اخذ عندهم سنين وفي يوم من الأيام وهو كان مستفلي بالبل وبجنبه بنت ابن سعيد معها رعيه , ولادروا الا انقضت عليهم مغيره وهم يأخذون الرعيتين رعيت " ارويعي " ورعية البنت.
وليا.. جيت واحد على خيله من جماعة البنت وينطحه " رويعي" : الحق القوم اخذوا الحلال وانت رجال مسلح وعلى خيل - قال والله مالي فيهم قدره هذولا قوم تبيني انطح قوم الحالي - قاله " ارويعي" - اجل تكفى عطني الخيل والسيف . كن الرجال استهان بـ " رويعي " - نزل عن الخيل وعطاه السيف وقال الله الله لا تضربهم الا مع رؤسهم ...... ركب " رويعي " على الخيل ولحق القوم وقتل منهم اربعة ورد الحلال , ورد الخيل الصاحبه .( البنت شاهدهت وسمعت كل ماجرى .. " كانت متخفيه خلف صخرة" ) ويوم انهم روحوا يم العرب وعلى عادته الاحمدي . يجلس يزين القهوة . والبنت اتراقبه من بعيد .. والناس في بالهم ان اللي رد الحلال " الرجّال اللي معه الخيل" ويوم شافت البنت ان القهوة والمه وهي اتنادي على ابوها - يايبه - قال: نعم -قالت : طلبتك - قال: وش تبين -قالت : اللي يبايعطي مايقول وش تبي .اما قول تم ولاقول بدى . قال : لابالله الا تم .. قالت : ابصب القهوة الي زين " ارويعي " قال : ماعندنا غير بنيـ خيك وعيال عمك ... تعدي صبي القهوة -- وهي اتعدى وتاخذ الدله وتقوم "رويعي" من يده . وهي تقعدة على الشداد الي مرتكي عليه ابوها وصبي اول فنجال لبوها وثاني فنجال " لرويعي " وهي تقول : يايبه ترى هذا الرجال الي رد الحلال ... وعلمت بكل اللي صار ... وقالت ان شفاك ضني ان ماسمه "رويعي" وانه رجّال ماهو بسيط وان وراه قصة --- المهم-علمهم "رويعي" بأسمه الحقيقي الي هو ( مفضي بن ولمان الاحمدي الحربي) وباسباب مجيه انه رجال مطلوب عليه "ارقبه" وطلابته من جماعتة من الاحامده من حرب - المهم - روحو لهم شمر مناديب وقالوا لهم الرقبه الي في بطنه حنا المسوؤلين عنها اطلبو اللي تبون .. قليل اوكثير
واما الرجّال عندنا والله انه ابعد من مطلع الشمس على مغيبها -- قالوا - لاوالله حنا مير ماندري عنه من اول هو حي او ميت مير يوم الله اعقله " نبي الديه " المهم ادفعوا شمر الديه المطلوبه . .....
وطلب الاحمدي البنت من ابوها وجوزه . وجلس عند نسايبه من شمر (18 عام )... ورزقه الله منها بذريه .. واكبر اعياله اسمه حمود . وفي حدا المرات يلعب "حمود "مع عيال خواله " عتمه با الليل .. وضرب حمود واحد من عيال خاله .. وقاله: ولد خاله كلمه(......) ماعمره سمعها حمود .. وراح يم ابوه وقال: يايبه ولد خالي ضربته وقال لي : (.....) قال ابوه اطلعت منهم ( اجدعي البيت يامرة) يوم اصبح الصبح . ويجونه جيرانه ونسايبه .. وش العلم .. قال والله ابد ودي عيالي يعرفون اعمامهم وبنيخيهم .. وانتم ماقصرتم معنا وقضينا عندكم مده ماننساها _ هذا عذره قدامهم _ وقال من قصيدة له وهو ماشي :

ياحمود عن ديرت خوالك جلينا ****** سود الوهـم من يـمنا تـلطخ الـجال

ليا صار قـربك مايحـشم عـلينا ****** ان طعت شوري دنو الزمل بالحال

وصل للحناكيه عند جماعتة الحروب وخذ مايقارب الشهرين وختلف مع ناس منهم .. _وطق جوله _ يبي يرجع الـ نسايبه من شمر وقال هذه القصيدة الرائعة :

لاواهني ياحمود من فارق الدوم

**************** نـبي عــربـنا ... يـم اطـاريـف رمـان

ياحمـود والله ماعـليـنا بها لـوم

**************** ماستانـس الـى وسـط نـزل العلـيان

ياحمود كني عندهم باشت الروم

**************** ومـزودن وزنـي عـلى كـل مـيـزان

الله نـشد ياحمود عن معرفة يوم

**************** وعشر وثمان اسنين ياحمود جيران

ياحمود يظهر لك صديق"ن" من القوم

**************** ويظهر من الربـع الموالـيـن عــدوان

وعاد الي شمر وجلس عندهم الي ان توفي رحمه الله وجميع اموات المسلمين .. ..
وبقيت ذريته في حائل الي وقتنا الحالي " وتلعة الاحمدي معروفه في حائل " ومشتهره بالنخيل

المري


بيض الله وجهك على هذه القصه والقصيده اللي تستمتع

وانت تقراها وسوالف الاولين عجيبه ومنها فايده للجميع

لاهنت اختيار طيب من راس طيب


تقبل تحياتي
شبيب

الاخ المرى:

اسعد الله اوقاتك

اعتقد ان البيتن الذان ساوردهما هما لنمر بن عدوان ولتشابه القافيه نسبة للحربى الذى تقول



الله نـشد ياحمود عن معرفة يوم

**************** وحنا وثمان اسنين ياحمود جيران

ياحمود يظهر لك صديق"ن" من القوم

**************** ويظهر من الربـع الموالـيـن عــدوان



والله اعلم ولك كل الشكر لاتحافنا بالعلوم الطيبه التى نشفق عليها

مع تحيات

فهد رفاعى

تسلم يا المري على ها السالفة والقصيدة اللي والله تزين سوالف المجالس

الاخ العزيز / المريّ


بيض الله وجهك على هذا المجهود الطيّب ..والمقدّر عليه يالمري بما فيه من موعظه وحكمه وسداد رأي ..فدمت ولاخلا ولاعدم ..وبأنتظار روائعك المستفاد منها

لاهنت يالمـــري

لاهنت يالمري علي المجهود الطيب


والقصه الطيبه


لاهنت مره اخرى

شبيب بن شاهر

بيض الله وجهك انت على المتابعه

مرحبا والله بفهد وحياك الله يامراقبنا هناك


والله انا ماادري وكل شي يجوز

الفهد

شكرا لك وان شاء الله تشاهد الجديد

مرحبا ابن مركوز


لاندمت يالقرم وابشر ان شاء الله بالسوالف المليحه

[سعد بن شليه السبيعي]

لاهنت يالمري علي المجهود الطيب


والقصه الطيبه


لاهنت مره اخرى

المري











سلمت والله سلمت على هالمجهود الجبار





وفعلا هذي هي القصة اللي عرفناها




أشكرك على إيرادها هنا

[سعد بن شليه السبيعي]

لاهنت يالمري علي المجهود الطيب


والقصه الطيبه


لاهنت مره اخرى

/

\

قصه طيبه وجميله

وابيات طيبه ووافيه

بيض الله وجهك

متصفح زاخر بالجمال والطيب

تقديري

/

\

البيت هذا يرن في راسي من زمان وبالصدفه قرأت الموضوع
شكرا لصاحب الموضوع ورافع الموضوع