يالله ياخالف علينا تعبنا

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]

يا الله ياخالف علينا تعبنـا=بدنيـا نجـاذبها و عيت تجينـا

صكوا علينا الباب واقفوا عربنا=وضاعت هقاوينا ومن به هقينا

لو هي عليهم كان والله تعبنـا=باموالنـا وعيالنـا مع يدينـا

يا ابن دويحس عقب هذي ذهبنا=والله ما يشرى بحـق حدينـا

سار القلم يا أبو محمد وشبنـا=واليوم مـارد الفوايت علينـا

اسباب فتح الباب سيرة سببنا=اوهام ياتي من سببهـا عدينـا

برباعنـا ياما وياما قصبنـا=من حول ضان وناب نوق سمينا

وياما على شهب النواصي ركبنا=وياما على عوج العصى التوينا

ياما على طوعاتهن قد لعبنا=وياما فهقنا روسهن وانتحينـا

بظهورهن ياما وياما ركبنـا=وكم واحد فارق هله من يدينـا

وياما على جرد السبايا ركبنا=وقلايع فوق المسارج خذينـا

وياما على ملح الفرنجي تعبنا=وياما على فرق وهيق بدينـا

وياما لجزلات العطايا وهـبنا=وياما رفعنا النفس عما عطينـا

وياما على شقر الجزاير طربنا=شقـر سماويات تنقل يدينـا

وياما بها من فرق ريم سببنا=ووعول في روس الشخانب ثنينا

وياما على زين القطايف لعبنا=وياما حـديناهم وياما حدينـا

وياما لحسنا الرشم وياما وهبنا=وياما لجزلات الوهايب عطينـا

وياما على غصن الصبايا لعبنا=نلوي على سمر الذوايب يدينـا

وياما من الشهد المصفى شربنا=من غصن غضات الصبايا روينا

واليوم من كثر الدواكيك عبنا=من كثر ما نفقد من الغانمينا

هيهات ياعصر مضى لو ندبنا=هيهات وين اللي مضى عاد وينا

حنا عمود البيت والبيت يبنى=والبيت ما يبنى بليا حدينـا

صرنا كما فرق الضحايا جلبنا=يالله يا غافـر عن المذنبينـا

ولي عجوز من بلاويك شبنا=لو ينجلي عن دارها قد جلينـا

اليوم من تعديل الأيام شبنا=وباكر نخـليها لمن مقتفينـا

ياخيبة الدنيا ولو به طربنا =ياابو محمد تقل ماشفت زينـا

للشاعر

برغش بن زيد

بن عرير

ابو طلال


[/poet]


[c]تحياتي لكم [/c]

جلال الخاالدي

مشاركه طيبه واختيار رائع لاعدمتك


شكرا لهذا الحضوور بهذه الرائعه

صح لساان القايل وسلمت يدا الناقل

ولي عوده لقراءتها بتمعن قصيده معانيها جزله 00

بس حبيت اكتب انطباعي 0 عن سروري بمشاهدة اسمك ومشاركتك في هالمنتدى الرائع

تحياتي لك

الخـــــــــــالدي هلابك الله يطوّل عمرك

قصيده تحمل المعاني الممتازه



تسلم يمناك على أصدار أشعار الشاعر برغش بن زيد

صح بدنك وكلك يابو عبيّد

واتشرف بعودتك في اي وقت يالغالي ....


والمشاركه حق وواجب تسعدني


تحياتي لك

محمد بن هضيبان


بك اكثر الله يطولي عمرك ....


تسلم يامحمد .... والحمد لله إنها نالت إعجابك ....


شكرا لحضورك دعمتك ....

تحياتي

الاخ جلال

لاهنت يالقرم

اختار جزل وقصيدة لها ثمن وغالية

لاهنت ياخالدي

اخوك/ الشريفي القحطاني

لاهنت يالخالدي على هذا الاختيار الموفّق ..وعلى هذه القصيده التي تحمل المعاني الساميّه والجزاله المطلقه ..شاكرلك هذا الحضور المميّز .. ودمت

ولا إنت ياقحطااااني

الشريفي


هلا بك اخي الكريم ....


شاكر ومقدر حضورك المنير للمكان ....


لا عدمتك

حياك يابن قشعم

سلمت يافالح ....


وهذا واجبنا يالغالي .... والأهم إن القصيده عجبتكم


تحياتي يالاجودي