Tweet
فيحان بن زريبان رئيس الرخمان من مطير00له قصائد جميلة بل نفيسة00وهو القائل عندما خاطر بعمره ورجع لإنقاذ ضيدان العارضي عندما استنجد به وهو في حومة المعركة وراحلته مقتوله، وهو القائل واصفا تلك الحادثة:
يافاطري مارخصت فيها بالأثمان00الا بيوم ما يقلب صويبه
رديتها لمنجي الحرد ضيدان00ماني بمن بالضيق ينسى صحيبه
اما اليوم 00انقل لكم هذه القصيدة له ورد عقوب الحميداني عليه:
قال فيحان يخاطب عقوب الحميداني:
ياعقوب واقلبي تزايد غليله000على غزال مارموه التفافيق
توه غرير بالهوى مابدي له000ولاحط لع غيري من الناس عشيق
هرجه يعدّى لي وهرجي يجي له000والكل منا راح قلبه تحاريق
ياعود موز ناعم في مسيله000من خلقته ماهز عوده ولاذيق
حبه شربني شرب سيف لسبيله000شربه وحرّق بسرة القلب تحريق
فرد عليه الشاعر عقوب الحميداني بقوله:
الرجل يافيحان عقله دليله000ورجلٍ بلا عقلٍ يتيه الطواريق
ورجلٍ بليا عقل واعزتيله000دلوٍ على الجيلان غاديٍ تشاليق
الرجل يسكت لين يبخص حصيله00والبيض بواقات عهد المواثيق
ترى العذارا مثل وصف المليله000 ومن هايفت لك هايفت للعشاشيق
ودك ترافق كاسبين النفيله00000فكاكة التالي ليا ذلهب الريق
لاشك لك حمل وكادك مشيله000شالوه ماهو بالحكي والتملاصيق
اللي صغى لي صدق حق ارعوي له000ومن صد صدة من قفاه المسابيق
واللي مشى لي بالنصاح أنثني له000وان راح خشه من قفته المعاليق
طير يشوف اللوح ساعة رمي له000قفى مع اللجة لريشه تخافيق
ولكم تحياتي
تعليق