قصيدة لعبدالعزيز بن عيبان يصف فيها بعض الشباب في وقته

السلام عليكم ورحمة الله وبركاته

أهديكم هذه القصيدة ، راجياً أن تحوز على رضاكم .

------------------

[b]قصيدة لعبدالعزيز بن عيبان

وقيلت لغيره


وسبب إنشائها أن الشاعر مر بشلة في حديقة من حدائق الرياض وضحكوا وقالوا هذا (شاكوش) ، فقال هذه الأبيات :

لقيت في البخشه طيور بلا ريش
******** جنحانها واذنابها دقم واقصار
طيور مرابيها من السوق للحيش
********والى اونست لفح الهوى تزن الدار
فيهم طبائع من طوال العكاريش
********وفيهم من الطليان تدوج وخوار
قضوا على اللحية وحطوا دناديش
********قاموا يحنون البراطم والاظفار
جيل خبيث لو يجي فيه تفتيش
********ظهر كثير منه أناث له اذكار
جيل يسمون النشامى (شواكيش)
********أهل اللحى بافكارهم مالهم كار
أهل اللحى صبيان نجد مداغيش
******** اللي لهم فضل على الضيف والجار
يوم السنين شداد والرزق تنويش
******** وهم يبوجون الفيافي والاقفار
دور جماميل ودور قراريش
******** ودر لهم دور على فحص الانهار
تلقى الولد مثل الفهد بالمطاريش
******** على الشدايد أودع الكل صبار
واليوم كثر الخير والأمن والعيش
******** وقت تساوت فيه الأذرع والاشبار
يظهر شباب ناعم ما بعد هيش
******** تلقى الولد يظهر مثل عشبه الغار
يمشون في الأسواق مثل الدراويش
******** والى أذن المذن يهجون عبار
وما تسمع الا ويش ذا و(مدريش)
********يطرب إذا دق عود ومزمار
عسى شباب ما يجي به نفاميش
******** يحيى حياة الذل وإن مات للنار




------------------
تركي الروقي