Tweet
اسف على الازعاج و لكن من باب المشاركه....
انا من الحريصين جدا على اظافة الامثال الشعبيه على ابيات قصيدتي...
و احسه تضيف جمال للبيت...
ابحط مقتطفات من قصايدي اتمني انها ما تزعجكم...:
كنت اناديها (ولكن لا حياه لمن تنادي)
______ قلت اجمّع ما بقى منّي واغادر عن بلدها
الى متى و انتظر (رميه بلا رامي)
______ (واقوم من حفرتك و اقع بدحديره)...
ترا نفس حبيبه اصبحت شينه
______ (الا من صار حاميها حراميها)
ما جيت ادوّر فيك خمسين خمسين
______ جيتك وابيك اليوم اميه بالميه
(العين ماتعلى على حاجب العين)
______ و (الرمح يا محلاه لاجا برميه)
غرّك اني اوّل ايام العسل ما كنت اجامل
______ (قلت ادقدق في حديدك دام صار اليوم حامي)
لا تفز اثقل تغلا قول عز الله مقامك
______ بيّن انك ما تفز الا اذا جات الثقيله
القط انفاسك ولا تقرا( على الدنيا سلامك)
______ خوفتي من قول حسّاد الهوا: (واعزتي له)
شفت كيف اليوم ما يقوا على الحلوه دوامك
______ كنت متأكد (دوام الحال حاجه مستحيله)
كيف من ضربه قضت امر انهزامي بانهزامك
______ بعد ما كنت انت (غايه صرت ياقلبي وسيله)
عوّدي كلّن من العذّال جرب بي حظوظه
______ ذكّريهم (بالعصا اللي شتتت كل الحيايا)
فضّي اطراف الحديث ان كان ما يجدي نخوضه
______ و(اختلاف الراي لا يفسد من الود القضايا)
انا شهد كل من شافك (نسى حتى حليب امّه)
______ غدا كل الحلا (لقمه محد ويّك ياكلها)
اظنّك هم يا هم و (سرى كلّن على همّه)
______ او انّك طيبتن عذبه على كلّن يجاملها
صحيح ان (الحفاظ اصعب من انك تاصل القمّه)
______ ولكن موتك ارحم لك ولا غيرك يحصلها
نخاك القلب القلب ياظالم وفي حظنك رمى العقال
____________ تملّك كل ما فيني و انا (ذنبي على جنبي)
وعندي والله كثيـــــر و لكن هذا اللي اذكره...
عموما اعتقد ان الامثال .. تعطي ملح للقصيده... و توظيفها يسهّل حفظها...
وانتوا شرايكم...
انا من الحريصين جدا على اظافة الامثال الشعبيه على ابيات قصيدتي...
و احسه تضيف جمال للبيت...
ابحط مقتطفات من قصايدي اتمني انها ما تزعجكم...:
كنت اناديها (ولكن لا حياه لمن تنادي)
______ قلت اجمّع ما بقى منّي واغادر عن بلدها
الى متى و انتظر (رميه بلا رامي)
______ (واقوم من حفرتك و اقع بدحديره)...
ترا نفس حبيبه اصبحت شينه
______ (الا من صار حاميها حراميها)
ما جيت ادوّر فيك خمسين خمسين
______ جيتك وابيك اليوم اميه بالميه
(العين ماتعلى على حاجب العين)
______ و (الرمح يا محلاه لاجا برميه)
غرّك اني اوّل ايام العسل ما كنت اجامل
______ (قلت ادقدق في حديدك دام صار اليوم حامي)
لا تفز اثقل تغلا قول عز الله مقامك
______ بيّن انك ما تفز الا اذا جات الثقيله
القط انفاسك ولا تقرا( على الدنيا سلامك)
______ خوفتي من قول حسّاد الهوا: (واعزتي له)
شفت كيف اليوم ما يقوا على الحلوه دوامك
______ كنت متأكد (دوام الحال حاجه مستحيله)
كيف من ضربه قضت امر انهزامي بانهزامك
______ بعد ما كنت انت (غايه صرت ياقلبي وسيله)
عوّدي كلّن من العذّال جرب بي حظوظه
______ ذكّريهم (بالعصا اللي شتتت كل الحيايا)
فضّي اطراف الحديث ان كان ما يجدي نخوضه
______ و(اختلاف الراي لا يفسد من الود القضايا)
انا شهد كل من شافك (نسى حتى حليب امّه)
______ غدا كل الحلا (لقمه محد ويّك ياكلها)
اظنّك هم يا هم و (سرى كلّن على همّه)
______ او انّك طيبتن عذبه على كلّن يجاملها
صحيح ان (الحفاظ اصعب من انك تاصل القمّه)
______ ولكن موتك ارحم لك ولا غيرك يحصلها
نخاك القلب القلب ياظالم وفي حظنك رمى العقال
____________ تملّك كل ما فيني و انا (ذنبي على جنبي)
وعندي والله كثيـــــر و لكن هذا اللي اذكره...
عموما اعتقد ان الامثال .. تعطي ملح للقصيده... و توظيفها يسهّل حفظها...
وانتوا شرايكم...
تعليق