الـــصـــافـنـــات الاصـــايــــــل

قصيده قديمه تستمد دعمها وقوتها منكم ومن تواجدها هنا في منتدى الاصايل


[poet font="Simplified Arabic,14,black,normal,normal" bkcolor="transparent" bkimage="" border="none,2,gray" type=2 line=200% align=center use=sp char="" num="0,black"]
الخيل يا كثـر السـوالف عن الخيل=فالذاكـره يا كثـر ما قال قايل
يامـا ويامـا في قصـايد رياجيـل= ويامـا ويامـا في سوالف حمايل
اخاف اسولف ما استطيع التفاصيـل=واقول احاول واستشف الدلايل
يا كثـر ما قال الزمـان المشـاويل=ويا كثـر ما ثـوّر عجاج الهوايل
ما اقفت امهار ألاّ سبـايب مقابيـل=هـذي سوات الصافنات الاصايل
ميدانهـا عـز ومهابـه وتفضيـل=ومركاضهـا يشبع جيـاعٍ هزايل
وسروجهـا مجلاس نطّاحةالعيـل=في وقت عيـّاله ونطّـاح عـايل
يـا زينهم بظهورهـا كل حلحيـل=اهل الحـدا والمبتـدا والصمايـل
يامـا عليها ينطوي ميـل مع ميـل=للبيـد حافرهـا بتـوعٍ وطايـل
على نواصيـها البشـاير قنـاديـل=تكتب نـواصيـها للامجـاد فايل
ما يقـرب الميسم بدنهـا ولا قيـل=محشـومةٍ عن جـمرته والملايـل
واكثـر كرم ينطق بها لسان جبريل=وحيٍ على خاتم جميـع الرسـايل
عشق العرب من عصر ابونااسماعيل=بنت الحصـان ومن سلايل سلايل
منقوضة العكـروش مزمومة الذيل=والجسم وافي والدواغـر فـتايـل
ملمومـة الاطراف مشدودةالحيـل=مهضومة السرجوف والجوف هايل
جل المناكب والقـوايـم مهازيـل=السـاق مبرم والمناكب جلايـل
والعيـن دون امبـالغه كالفناجيـل=والظهر قوس وركضهـا كالنبايل
بنت الرياح وكنـز الايـام للميـل=فالعصر هـذا والعصـور الأوايـل

[/poet]


شكــــــرا لمـــــــروركـــــــم

لبااااااااااااا هالخشم والقصيد اللي يجي من هالراس عساه يبطي وهو على الوجود


صح لسااانك يامرزووق وبيض الله وجهك

وافيه مثل صاحبها


عساني والله ما اذوق حزنك على هالتواصل اللي ليت كل واحد يقتدي فيه
النداووي يفخر بامثالك ايها النقي


تسلم يمينك على هالرائعه

تحياتي وتقديري لك لاعدمتك

الشااااااعر الرااااائع الشفاااف صاحب الكلمه العذبه ..

اخوي مرزوووق انت رااائع من هينا الا هناك وفي كل مكااااان ابداعك لاحدود له

وليس له مناااااافس صح الساااانك تعطر سمااااء ألأصااايل بهذه المعزوفه الراائعه

تحياتي لك أختك

أمســـــــــــيه

الشاعر مرزوق العتيبي

صباح الخير
صح لسانك بليوووووووون ولاهنت على هالقصيده الرائعه

تحياتي لك

أختك
ربــــــــــــابة شوق

قديمك جديد
واعلوووومك طيبه

صح لسانك

الاخ العزيز الشاعر : مرزوق العتيبى

اسعد الله اوقاتك

شكرا لك على اتحافنا بهذه الرائعه

لك كل تقدير واحترام


فهد رفاعى

عكاشه


الله يذكرك بالخير يا بو عبيد

وعساك بأحسن حال


لك تحياتي

مرزوق العتيبي

صح الله ألسااانك ولالالاهنت

قصيده جميله من شااعر لالايحتااج إلى أشااده

تحيااتي لك

أخوووووووووووووك

بدر العجمي

صح لسااانك يامرزووق

صح لسااانك يامرزووق

قديمك جديد
واعلوووومك طيبه

صح لسانك