الــمـــقـــنــــــــاص ..... يا خابرينه

السلام عليكم ورحمة الله وبركاته
تشرفت بحمد لله بالعضوية في هذا المنتدى الراقي بكل ما تعنية الكلمة
سواء من جهة الإسلوب أو الطرح أو نوعية الأعضاء

فأحببت أن تكون هذه القصيدة مدخل لهذا الصرح الشامخ راجياً أن تنال ولو الشيء البسيط من إعجابكم

[poet font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
وجدي على ربع قروم مشاكيل=في خوة للصيد نبعد مداها
ما نسرق الخوه ولا نعلن الميل =قدهي علن ما عاد يخفى نباها
بعد المدى مقياس مع خوة سهيل =اتهيب اللي ما تعدى حماها
الجيب جاهز والحطب والمعاميل =والبندقيه والمه في خباها
والماء توانك والخباري بعد سيل =ديرة قفر ما كل حي وطاها
لا جاء الضحى وسط الشعابه هواذيل =-ذا نفج الصيده وهذا رماها
والي رقى ضلع صعيب المحاويل=مثل الكوماندز فايق مستواها
ولا جاء الظهر جوك النشامى مقابيل =وكل يدينه من فعوله ملاها
وجوا في اشجرات من ورقهن محاميل =في نابي خضر الرياض اعتلاها
والشغل دغه ما تزيد المكاييل =نفعة خويهم داربين علاها
ولا جاء العصر جات السحايب هماليل =وصبت على قيزانها السود ماها
والليل سمره مع مزوح اوتعاليل =وصكوا على نار يقدي سناها
واليا أذن المذن وقال التهاليل =لاهم معه في وقفة اعدلاها
وليا اسمحوا والصيد معهم تشاكيل =عادوا وما حاشت يديهم عطاها
[/poet]


أبو عمر السبيعي

لاهنت

وصح لسانك

[align=center]شكراً لك أخي ناصر الهاجري


مرورك أسعدني وأنار هذا الموضوع




أخوك أبو عمر السبيعي[/align]

[foq][align=center]مرحبا بك يالسبيعي بين ربعك وجماعتك0
مقناصك باين انه بندق---جهز الطير مره ثانيه؟
ارحب مع صادق التحيه0[/align][/foq]

يا سلام يا سلام


اولأ .. يا مرحبا بك يابو عمر ..

وتشرفنا بأنضمامك معنا في منتديات النداوي ..


وثاني شي .. صح الله لسان .. وبيض الله وجهك .. قصيده جزله .. ووصف فائق في الروعه.


بس عندي ملاحظه طال عمرك .. يا ليت في شي من القصيد في الصيد بالطيور .. لأننا ما نأيد الصيد بالبندق.

طربتها بالطير.


تحياتي لك

لاهنت

وصح لسانك

الأخوان

عبد الله المنصوري

عبد المحسن المري

علي العجب


لكم شكري على مروركم ومشاركاتكم القيمة
والصيد بالبندق عند بعض الناس أفضل من الطير خصوصاً لصيد الغزلان مثلاً إذ لا يمكن ذلك بالطير في الغالب
وهذا المشوار الذي ورد بالقصيدة إلى منطقة بها صيد وفير ومن نوعية البندق
ويش رايكم تخاوونا


أبو عمر السبيعي

لاهنت يالسبيعي