مقيض طيور !! غير عن مقيضنا ،،،

السلام عليكم ورحمة الله وبركاته

هذي بعض الصور زودني بها اخوي العزيز .. والصقار الكبير . علي بن محمد القريوي المري


هذي بعض الصور لمقيض الطيور ... وطبعا يختلف كلياً عن اسلوبنا في المقيض ،،

الصوره هذي هي لمجموعة طيور ... حيث يتم اطلاقها في مجموعات من انواع مختلفه ،، ومن بعد يتم التزاوج بينها ... وتجنى طيور التفريخ من هذه الأماكن ،، طبعاً هناك طرق مختلفه وهذي طريقه من الطرق الكثيره.

بس اللي باقوله والله الفرق اللي بينا . كان قلنا (( يا ولد لاتحط الطيور معى تشابك ، انت صاحي؟؟ ))






انا تفاجئت بأن بعض الأخوان قالوا بأنه لاتطلع لهم صور ،، وهذا هو الرابط
http://www.geocities.com/madrymen/MVC-003F.JPG






وهذي صوره ثانيه من زاويه مختلفه ( حرار + شواهين)



وهذا هو الرابط الثاني..
http://www.geocities.com/madrymen/MVC-005F.JPG




وعلى طاري طيور التفريخ والمقيض . كنت جالس عند الأخ علي في المجلس .. ومعنى ربع واغلبهم صقاقير . وتفاجئت بشي حصل .
كنا جالسين ونتصفح النت .. ونشوف انواع الطيور

وهذا شي عادي .. بس اللي مهوب عادي ! ان فيه شخص موجود معناا يسوم طير ( فرخ ) في امريكا . عن طريق النت . وراعي الطير الفرخ حاده ( ب3000$) .
واللي يبي يشتري يقول لا بنتظر وبعد 3 اسابيع باخذه ( ب5000$) . وراعي الفرخ رفض قال بعد 3 اسابيع ( ب 9000$) اذا طلع الطير ابيض تبي والا مع السلامه . !!

هذا كله عادي مافيه شي غريب .. بس الغريب . ان الطير اللي يتكلمون عنّه عمره 4 ايامة ؟؟!! ونوعه جير تفريخ بعد؟؟ وكان يقول بعد 3 اسابيع علشان بعد الثلاث اسابيع يظهر الريش وبيّن اللون !!

بغيت اعرض عليه طيرٍ عندي صايد وطلع وسبوق ب(2000$) في المقيض! وعقب هونّت

والله انا مستغرب هالشي .. مع انهم قالوا لي لا تستغرب هذا عادي؟


تحياتي لكم ...

مرحبا ومسهلا بعبدالمحسن يالله حيه


شكرا لك على هذه المشاركه بس ياليت الصور انها اطلعت لانها ماهي راضية تفتح. بخصوص علي بن محمد القريوي تراه عميل لهم كله سنه لازم يأخذ له black منهم.
بخصوص الطيور اللي في الخارج والله اسعارهم على ماقلت قبل يوم ارسلت لواحد في امريكا يدعي Daniel Thee وطلبت صور الطيور اللي متاحة عنده لهذه السنه على ان يرسل قائمة الاسعار وجأت كالتالي:

قائمه الاسعارلهذا العام :

PRICE LIST 2003


½ GYR X ½ PEREGRINE……female…… $6,000.00 male $2,500.00

¾ GYR X ¼ PEREGRINE…female…$7,000.00 male $3,000.00

PURE GYRFALCON…female…$8,000.00 male $5,000.00
(silver or grey)

PURE GYRFALCON…female……$15,000.00 male $9,000.00
( white or black)

PEALES PEREGRINE..female……$5,000.00 male $2,000.00

وكلمته female معناها الانثى يعنى الوافي و male الذكر يعنى 16 inch

وقد ارسلي بعض الصور بس بصراحه والله ان اطيورهم اشكالها فوق الزين .


شكرا لك اخي عبدالمحسن على فتح لنا المجال في هذا الموضوع.

************************
والاخر راسلته وجاء رده كالاتي:

Dear Al Marri,

The price for the completely white Gyrfalcon is 35.000 Euro, for the white one with a few dark dots 30.000 Euro. Male grey Gyrfalcons cost 5.000 Euro. For black male Gyrfalcons the price is 15.000 and for black females 20.000 Euro. Island-Gyrfalcons x white Gyrfalcons cost 7.000 Euro.
For Gyr-Peregrins (female) the price is 6.000 Euro; the same falcons but trained cost 8.000 Euro.
Some Photos I will send you afterwards.
The first photo is the Gyr-Peregrin.

Thanks and Regards,
OÖ Jagdfalkenhof
Michael Geiger


هذا يبين اسعاره اطيوره باليورو .

وقد ارفق هذه الصوره مع رسالته وهي صور للفروخ توها في العش:






***************************

وهذا شخص اخر ارسلته له وجاء رد كالاتي:

Hi Marri,
thank you for the E-mail, I have following Falcons from 2003 offspring for sale: Anatum Peregrine female U$ 2000,00 male 1000,00 , Peals Peregrine female U$ 2500,00 male 1500,00 , Prairie Falcon female U$ 1000,00 male 600,00 , Grey Gyrfalcon female U$ 5000,00 male 4000,00 see or so my Web page: www.Radiumfalconfarm.com
Best Wishes,Michael


--------------------------------------------------------------------------------


ولكن يااخي عبدالمحسن اللي ابركه منها كلها وارخص منها وان شاء الله انها احسن منها الف مره الطيور اللي

بلقاها عند ابن هوبش في اول الموسم وعند عباس وعند مندني واهل الطيور اللي انت خابر.


تسلم اخي عبدالمحسن واسف على الاطاله.
اخوك: المري

الله يرحب بك ويبقيك يابو مرحبا

والله لا يهينك على اثراء الموضوع ..

ولو انني استغرب عن عدم ظهور الصوره ! الا انها اظهر عندي!

المهم

بما ان اننا تكلمنا عن استيارد الطيور ،، ابوضح نقطه .. واعتقد انها ماتفرح اهل الطيور.

وهي

يمنع منع بات استيراد الطيور الوحوش .. الا بشهادة ( سايتس ) (sites)

في قطر والأمارات والكويت والسعوديه.. وهناك دول خليجيه في طريقها للأنضمام في هذه المنظمه .

وهذه المنظمه ( سايتس تعنى بحماية الحيوانات البريه المهدده بالأنقراض )

واذا استطاع تجار الصقور من الحصول على رخصه من سايتس من الدوله المصدره والمستورده ، راح تمنح هذه الرخصه لأعمار محدده وهي ( الفرخ والبكر والثنو ) .

واللي واضح الى الآن !! ان مافيه طيور راح تجي الاا من امريكا او المانيا او بريطانيا . وبكميات محدوده غير تجاريه .

ومن غيرها صعبه جدا واقدر اقول مستحيل.. مع ان فيه حالياً عندنا محاولات من التجار . ولكن الى الآن لايوجد خبر.


يعني . اللي عنده طيرٍ طيب.. لا يفرط فيه ..


تحياتي لك طال عمرك .. ولاهنت على حضورك

شكرا لك على هذه المشاركه

بعض الصور ماهى طالعة يا الغالي

شكرا لك على هذه المشاركه

الله لايهينك على هذه المشاااركه





وننتظر المزيد








تحياتي