ياســهيل انا فارقت عـوج العـراقيـب

عاش ابناء البادية مع ابلهم وادباشهم وخيولهم وعايشوها في صباهم واصبح الحيوان الأليف صديق لأبن الباديه ورفيق دربه ومكابد الحياة معه بحلوها ومرها وكثيرا ما يتذكر ابن الباديه وراعي اذواد الأبل ابله ويتوجد على ما فقدمنها حتى وان كان عن طيب خاطر الا انه يحن عليه ويتذكره

والشــيخ عون الله بن زيدان الشـلاحي ممن عاصـر الأبل مع والده رحمه الله تعالى ثم له هو بنفسـه ولبنيه ولا يتصور حياته من دونها ولا افضل لديه من ان يقدم للضيف لبنها وللمتزوج ابنها (الحاشي ) بل وصل به الأمر الى ان يذبحها كرما واكراما لضيفه العزيز واضحية له ولأسـرته ,فهي بذلك رفيقة دربه وتحن له ويحن عليها

ولكن بعد ان كبر رأى انه لايستطيع ان يتخلى عن الأبل ولكن يجد صعوبة في متابعتها وتربيتها نظرا لكبر سنه فما كان منه الا ان انشد مسندا على ابنه الثاني سهيل قصيدة تدل على ولعه بالأبل وموصيا له بالأعتناء بها وتربتها فقال :


[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
ياســهيل انا فارقت عـوج العـراقيـب=فـارقتـها ياســهيل يــوم اتعبنــي
ياســهيل واعـزاه ياشــمّخ النيــب=هــن الـذرى ياســهيل وان نوخنـي
ما احلـى لبنها يـوم وقـت المـلاهيب=فيـها الـدوى وعـلاج رمـح المطنـي
اليـا امـرحـت ياحـيها من معـازيـب=للـي لفـى واللي يجيـك امتعنــي
تبـدى لها ياســهيل روس المـراقيب=عفـر بها القلـب الشـــقي يرجهنـي
بيّـن عليها الميـم غير المشــيعيب=ومودبــات ولا انــت قايــل عظنــي
ان جـاء الحيا مرتـاعها فالأداعيـب=تاخــذ وتكســر ما تقـول ابعـدني
البـل عقـال المـال والعلـم تجـريب=اخـذه ورد العلم ياســـهيل عنـي

عون الله الشـــلاحي

[/poet]


وسلامتكم

اخوكم: المري

يا مال فرقى العين,عزالله انه ما يلام والله يلوم الي لحاله يلومي

ما قصرت يا الغالي على هذه القصه والقصيده الطيبه

والله يعطيك العافيه......وشكراً

ويعطيك العافيه يااخ سعد


بس ياليت ترجع للرسائل الخاصه؟؟؟؟؟؟؟؟؟؟؟؟؟؟؟؟


وشكرا لك

لاهنت يالمري اعلومك طيبه

ولاندمت يامبارك وعاد اعلومك اطيب

لاهنت يالمري

لاهنت يالمري ويعطيك العافيه