ياجعل ياسقى لاكمل ريشه اذياب

السلام عليكم يااخواني النداويه اقدم لكم هذه القصيده وهي لواحد من الربع توه قايلها وحبيت اشاركم بها:

[poet font="Simplified Arabic,14,black,normal,normal" bkcolor="" bkimage="http://nadawi.net/vb/images2/17.gif" border="none,2,gray" type=0 line=200% align=center use=sp char="" num="0,black"]
ياجعل ياسقى لكمل ريشه اذياب=اللي بقلبه لابرق الريش تله
اللى الى طارت تصافق بالانكاب=سبقه من التكيه عليها يتله
ان وقعت جاءها من القاع ماهاب=وان دبرت حوالها عادةٍ له
له تبعٍ يضربها ضرب محراب=منها ابرق الجنحان ياتيه خله
اليا ضرب يفتح على قلبها باب=من كثر ماقد صاد قد هو يدله
له تابعٍ سمه كما غاسق الداب=واحد من سيفٍ لكسرى يسله
لدوى على الحفال ثم طقه انصاب=يومي بجنحانه وهو في محله
مثل الشجاع اللي على كلح الانياب=لطاح قامت تنعته عزوةٍ له
جابوه من شيراز عطران الاشناب=اللي خطر الايام ماهي تذله
شيراز له مربى ومدهل ومرقاب=وامن الشجاعه غاديٍ مرقبٍ له
جابوه من عبر البحر فوق الاخشاب=اللي عتيم الليل تسريه كله
وشراه ابن هوبش على رووس الاشباب=وجابه من الفرضه بكفه يشله
وشراه من هو راسه ابيض وهو شاب=من ريشته من وسرته صالحٍ له
هده وهو فرخٍ ويدعى بالاسباب=صاد الفصيله وقعدت في سجله
صاد الفصايل كلها عطب الاضراب=والصيد قد هو كل عامٍ بقله
وخذناه بكرٍ عاريٍ كنه غراب=بقيمةٍ ياجعلها فدوةٍ له
الساق هجر والثنادي لها اقطاب=وروس المناكب مثل روس الاخله
ظنيت ظنٍ فيه والظن ماخاب=ظنيت لي ظنٍ غدى في محله
شراه منهو للمواجيب كساب=وعطاني الموتر عساني افدله
اللي معي يارد على حزم كلاب=واليا ارتخى متني من الحمل شله
ناصر كما سيفٍ صقيلٍ له انصاب=لا احتجته اسله و ارده محله

جارالله بن على الغيثاني المري


[/poet]


هذا وتقبل تحيات اخوكم

المري العزيز

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]


صح لسانك ولسان ابن اخيك الشاعر جاراللة..

قصيدة ثمينة ومقبولة..

لاهنت ياغالي..

اخوك/ الشريفي القحطاني
[/poet]

صح بدنك يالشريفي

صح لسانك يالمري




وصح لسان جار الله المري


تقبل تحياتي

مرحبا يايامي وحياك الله

والله لايهينك على المشاركه في هذا الموضوع.

السلام عليكم ورحمة الله وبركاته,,وبعد,,

اخواني الاعزاء هذه مشاركه لي قديمه كانت بتاريخ 18/08/2002 وحبيت ارفعها للاطلاع .


وشكرا لك .

صح لسانك



و لسان جار الله

تقبل تحياتي

مرحبا والله اخوي مبارك وتسلم على الرد


وسلم لي على ابو ناصر............