سهيييييييييييييييييييييل

[poet font="Simplified Arabic,14,crimson,normal,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
قربلي التتن والفنجال والدله"="ياحسين جبها ولك شكري من اعماقه
من دونها وش يعقد الحبل ويحله"="هذي ثلاث(ن) غدت لمعزبك طاقه
ياحسين صوّت على (غضيان) ثم قله"="سهيل فج السما وقلوب عشاقه
نجم(ن)وله في قلوب اهل الولع طله"="كنه يبث السلام ويرسل اشواقه
نغليه ونحب شوفه والغلى كله"="حنا عشقناه واضرمنا على اعشاقه
لنّه بشير القنص والكل وقعله"="ونفوسنا عقب شوف سهيل مشتاقه
شيّك على الجكس ياغضيان واعمله"="خدمة كفاله تحت مضمون سواقه
أيام عدت وباقي يوم وانتله"="ونعقّب البكر والصمان مشراقه
في خايع(ن)كنه للحفان ورثله"="واهل الغنم مالهمبه عرف واعلاقه
ياصاحبي يابو ناصر مابها خله"=" نقلتك عزام زادت فاقتي فاقه
له سبق عندي وغير السبق دسله"="يستاهل اللي يعوق الخرب لاحاقه
لاهد من تكية الجكسار بسم الله"="وان كبّر الخرب يفري ضربه اشقاقه
احمر مغاتير وكره كنه كفّله"="صافي ظهر والموامي جرد وادقاقه
أفجح ليامن دبرته كنك تقبله"="هجر(ن) وفي وسط عرقوبه غطس ساقه
والريش عاري وطوله كنه عرضله"="وافي وكم خرب في جوف السما عاقه
طلعه على الصيد وغير الصيد لابالله"="كم هارب(ن)قد قطع من دونها الساقه
من طاعني لايشله لنه لاشله"="يعيف طيره ويعلن عقبه اعتاقه
نصيحة(ن)مابها للي زمر زله"="يرتاح دام السعه للساق طلاقه
مدحي لعزام مدح(ن) قيل في حله"="الفعل موقف وصيت الفعل ميثاقه
ماهوب (وكري حرارن)نقلته عله"="الصيد عفه ولاهوب حاصل فراقه

[/poet]

صح السانك يامبارك على هذه القصيده اللي جات في حلها

بس التتن الله يفكك من التتن , يالزين المقناص والتتن مافيه الوعد خاصه هالسنه

في رمضان العبور كله بتشوف راعي التتن الى الساعه 8 صباحا ثم بيوقف له في سوم وبيحول الفراش

واللي ماهو شرابٍ له الى المغرب وراسه يومي الين يعينها تحبري مع وجهه.


على فكرة فيه معلومه خاطئه بان اهل الولع والمقانيص ان اغلبهم يشربون التتن فما السبب؟؟


السبب الفراغ الزائد ويعتقد القانص ان التتن يوسع خاطره وانتم بشر ولكم اعقول ويش يسوي هذا الدخان اللي

يشفطه المدخن الى جوفه ويرده برى , لو نظرت لوجده كما يدخل كما يخرج بس يضر على المحلات اللي يمر


عليها.


هذا والله من حبكم يااخوان ولا كان على ماقال المثل((في تعثور مايثور))

بس اشفق على اللي مثلكم وشرواك وانا اعرف صقاقير والله انهم اصلط ولا يشربون التتن ومرتاحيين


اسف على الاطاله ونصيحه لعاد يقنص الشخص لوحده يحاول ان يحصله خوي حتى الرسول صلى الله عليه

وسلم وصى على الخوي بس الخوي السنافي ماهوب العله

لاهنت يالمري

ياخوي انا شايف انه اسلوب جديد لبعض الاعضاء بالنسبه للتدخين وطاريه في القصيد

وهو ترك موضوع القصيده والتركيز على النصايح وعرض اعراض التدخين

ياخوي انت وغيرك من الاعضاء اللي ماهوب عاجبه موضوع التدخين في القصيده


لايرد عليها ماهو مجبور

ولا يرد على موضوع القصيده

انت خذيتلك صفحه كامله في ردك علشان التدخين

نصيحه لوجه الله
ترك مالا يعنيك فائده

هذه النصيحه لجميع الاعضااااااء الغير مدخنين

ارحب يابو محمد

قصيده من شاعر وصقار معروف ولاهى غريبه عليه الجزلات

سلم على حسين وغضيان واسلم

مع تحيات

فهد رفاعى

ارحب يابو محمد

جزل يالجزل وافيه ومن وافي لاعدمتك

لاكن يامبارك والله ما يرتاح البال الا لاضربت بالمالبور على السيت ونت قانص

لك في خطو خايع ما دوجوبه سواريح الغنم

تولع زقاره والثانيه مراكيها بالطفايه من الخلفه

على كل حال لاهنت يا لقرم

مرينا لتسجلنا ضمن المعجبين بما تكتب

لك تحياتي

مرحبا ومسهلا يابو محمد

وش اقول ولا اخلي


سهيل اعلومه زينه وعلومك كلها طيبه



00نجمٍ وله في قلوب اهل الولع طله

******** كنه يبث السلام ويرسل اشواقه


صــــــــــــحــــــــيح

00في خايعٍ كنه للحفان ورثله

******* واهل الغنم مالهمبه عرف وعلاقه



الله يحسبي على عدوك 00انشد عايض ويعلمك



مبارك جعل والديك فالجنه والله انك اطربتنا وامتعتنا


قصيد نادر وشاعرٍ نادر




اسلم وسلم

بيّض الله وجهك يابو محمد على هالقصيده


عزالله انك اطربتني وعيّشتني معها جو



وهانت كلها ايام ويطلع سهيل نجم التباشير



وتسج انت وشرواك من الرجال اهل الولع







ولاهنت على القصيده







وتقبل تحياتي













عـمّــــــان

ارحب يابو رفاعي

لاهنت وسلامك وصل

واسلم عليك اغضيان

مبارك

صح لسانك ,, وسلمت يمينك

كل ما جا طاري القصاره او القنص على طول يجي طاريك

ونعم والله به من طاري


كفو والله وتستاهل صقار وشاعر

اقول مبارك تراي ناوي اقنص معكم لي مكان تراي ناوي اتعلم منك خصوصاً واشوف اكثر الناس تستشيرك في الطيور والقنص

اخوك الصغير

فهد الوايلي

ارحب يابو منصووووووووووووور

كلام صحيح

لاهنت

ارحب يابو سعيد
تراحيب المطر

اعلووووووووووومك طيبه جعلني مابكيك


ولا عليك زوووووووووووووووووود

عايض اكبر شاوي في ردحه

اسلم وسلم

يامرحبا يابو يزيد تراحيب المطر


لاهنت وعسااااا عمرك يطول

ياخوي متى بتجي البلد طولت علينا ياخوياك وفقدناك وفقدنا اعلومك الطيبه


جازتلك عماااااااااااااااان


سلم على نواف الشهراني

يامرحبا يالوايلي فهد

ابشر بسعدك اعتبر مكااااااااانك موجوووود


ويا مرحباااااابك

يارمحبااااااااا يبو منصووووووووور


لاهنت

صح السانك يامبارك00000

لاهنت يامبارك على الرائعه00



انت مبدع وانا اقرالك وازداد ابدع0


وعسى الله يلحقك خير و :


الوعد لا زل تسعه في نظيري 000 يوم اشوف الرمث بادي في هشاشه!!





واربط حزامك ترى المدى قريب



راعي الولع من كثر ما يرقب سهيل 000 كنه خليل(ن) فاقد(ن) شوف خله





تقبل احتراماتي 000