"رفاعي" و "الهاجري" في "ولع الطير"

قصيده جميله للمتألق فهد رفاعي نشرت في منتدى الأصايل وقام الشاعر الرائع مبارك الهاجري بالرد عليها بقصيده لا تقل عنها جمالاً , رأيت بأنهما تستحقان إعادة النشر هنا معاً...


قصيدة الشاعر فهد رفاعي:




[poet font="Simplified Arabic,14,limegreen,normal,normal" bkcolor="" bkimage="" border="none,2,gray" type=1 line=200% align=center use=sp char="" num="1,chocolate"]
يامل قلبن عذبه زايد الشوق = يزاوره فى كل صبح وعشيه

اسج لى سجات وجر طاروق = كنى بعيدن عن جميع البريه

يامبارك العينان كنى بصندوق = من يوم للمقناص ماشوف نيه

والله على اللى تو حطوبه سبوق = مطروح بين الغانمى والحنيه

جابه طويرش لين سلمه مرزوق = وكل درابه فى خلال أضحويه

يوم اكشفو راسه وهوداخل السوق = مثل الزبيدى فى فياضن عذيه

والوجه وجه اللى من الغيض مخنوق = والا الشجاع اللى تنومس بهيه

اشعل ظهر خالى من الرش ودقوق = هجرن كراعه والمثايل رهيه

كن المناكب عنهن الصدر مفهوق = ينشاف فى طيور ابو خالد حليه

والله على اللى يوم تلوى وهى فوق = مثل الشهاب بليلتن خرمسيه

ترهى على الخرش المدابير بلحوق = طرح الكويت وجنسها فارسيه

والله على قفر من الوسم ماسوق = متساوين عشب الظهر والشغيه

ارضن قفر ماهو من الناس مطروق = ماداج به راع التفق والرعيه

هذى شفوفى يوم كل وله ذوق = وخوة مشاكيل الاجاويد ليه

غديت انا والطير عاشق ومعشوق = مثل الكريم اللى يدارى خويه

..وسلامتكم..
[/poet]

ملاحظه (طويرش تاجر صقورو مرزوق صاحب مكتب لبيع الصقور)

مع تحيات

فهد رفاعى









قصيدة الشاعر: مبارك الهاجري:


[poet font="Simplified Arabic,14,black,normal,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
يافكر يافكر الشعر روقلي روق"="لمداعب الافكار هاذي وذيه
لاعل مايضرب هواجيسك العوق"="منتب قدم قاضي ولابه قضيه
سج البيوت بسج من يتبع النوق"=" امن الحبل يبغي ربيع الحويه
يابومحمد ليه والقلب محروق"="هيضتني والقلب كنه شويه
ماتدري ان الصيف كالشب بالموق"="حسناه في عيون الصقاقير سيه
كنه يزارقني من الهم زاروق"="لاقالوا اربط لشقر الريش خيه
والطير حبه يابن الاجواد ماثوق"="توثيق ميثاق العهود القويه
ماكنه الا بالمعاليق معلوق"="خطوى السنافي اللي يسمى سميه
اشقر من الفارس لفا فيه فاروق"="تهريب من عند المزارع مجيه
هجر(ن) جليل الساق والعنق منتوق"="افجح وانا لله ماشفت زيه
لاشافه الصقار يطبق له طبوق"="يربط لسانه كنه لادغه حيه
قناص حمله لاطلع ماهوب يتوق"="لاشافها كنه يقول الحذيه
والخرب في جوف السما طوّقه طوق"="مثل الشجاع اللي خذته الحميه
في خايع(ن) منبت مشاغيه زملوق"="جنوب من قصوان شرق برقيه
قيمته كاش ولادخل قيمته بوق"="مدّة كريم(ن)مانوى بالرديه
[/poet]

لاهنت ياسعيد

لاهنت يابو ناصر ....ولاهانوّ الشعراء

فهد رفاعي ومبارك الهاجري ...شعراء والشهاده مجروحه في شاعريتهم ....مساجله من اروع ماقرأت فالنداوي

صح الله السنتهم ولاهانو على الجزلات

ولاهنت ياسعيد

تسلم يابو ناصر


وصح السان فهد رفاعي والسان مبارك الهاجري



عزاالله قصيدتين جزلات من شعراء متمكنين



لك تحياتي

[nashama]

لاهنت يابوناصر ولاهانوا الشاعران فهد رفاعي ومبارك الهاجري وهما غنيين عن التعريف وهذا الأختيار موفق وهذا القصيد اللي عليه الكلام واللي يونس وخصوصاً هذه الأيام وسهيل معاد بقى عليه الا شهر وشوي وتبدى نقلة الطير وتزين علوم راعي الطير .





تقبل تقديري

لاهنت يابو ناصر.......
الشعراء فهد رفاعي ... مبارك الهاجري
صحت السنتكم على هذه القصايد الجزله والمتميزه بالاصاله وقوة المعنى وهذا ليس بغريب عليكم .. شكرا لكم على اسعادنا بهذه الدرر الثمينه .
تقبلو تحياتي.

[شفق]

صدى و صوت رائعين لشاعرين يعتبران من ابرز شعراء الشعر الشعبي.

الشاعر فهد رفاعي لك صادق الود و كامل الاعجاب, شاعر اصيل للشعر الاصيل.


الشاعر مبارك الهاجري تقصر الكلمات في شخصك قبل شعرك. شاعر لا يجاري الا شاعر بحجمه.


اخوكم


شفق السريع

لااهنت يسعيد وبيض الله وجهك وفهد ومبارك وافيين عسي اعمارهم طويله وعمر من يقرأ

صح الله السانهم وتسلم يمينك


تقبل ودي

اخوك

محمد بن حميدان

شكرا يالحمالي على نقل القصيده والرد الى المنتدى الشعبي

سبق ورديت في منتدى الاصايل

ولكن لان ( رفاعي ) ( والهاجري ) كلامهم جزل ولا يمل فلا بأس من القراءه مره اخرى

الله يوفقهم على الطيب



للجميع تحياتي

أخي مبارك,

ولا أنت طال عمرك

هلا بك أخوي فالح,


مبارك وفهد شعراء كبار وقصيدهم يشرف





أخوك,

أخي الغالي جدا حسن الوطري,




يستاهلون الشعراء كل خير ومستواهم يجمل




أخوك,

اخي الغالي أخو النشاما,



فعلا شعراء كبار وهذا الشعر الي يجمل





أخوك,

اخي الغالي العالي مجعد بن متعب,


ولا هان راسك طال عمرك


كلامك صحيح يابو متعب




أخوك,

اخي شفق,

شكرا للزياره