Tweet
رصدت عدسة النقد هذه النقاشات في ازقة وحواري الساحه الشعبيه المترامية الاطراف.
1-
زيد: فلانه بنت ولا ولد؟
عمرو:اعتقد انها ولد , تبي الجد الا ولد ونص ياخوي واضح من كلامها وردودها..
زيد:والله انك صادق , تبي تمشيها علينا, لكن اوريك فيها...كم لي واجيبلك خبرها؟
عمرو: ويش بتسوي؟
زيد : مالك شغل عندي الف طريقه وطريقه ..والله لاسود عيشتها واغربلها غربله لين اما يعترف بانه ولد ولا تنكشف حقيقتها ونعرف منهي بالضبط, ولو تبي اجيبلك مقاس جزمتها بعد ههههههه.
عمرو:يالله فوقها. هههههه
2-
فاكس من محرر صحفي- يقول عن نفسه شاعر وناقد -لشاعره مبتدئه:
عزيزتي فلانه,
مساء الورد والبنفسج والسفرجل
,
لقد اطلعت على قصيدتك ووجدتها ممتازه وجميله وحلوه مرررره فكرتهاحركه رهيبه ولقيت عندك بذرة نبوغ واعتقد انك سوف تصبحين من اعظم شاعرات العصور الوسطى ...
اختي الحبيبه :
بصفتي متخصص في "نقود" الشعر كما تعرفين ويعرف غيرك, فانا اكبر نقّاد وافهمها وهي طايره لا واصيدها واطيرها بعد هههه
فانني انبهك لوجود مشاكل خطيره اذا ما انتبهتي لها بتروحين فيها..من جد اقولك انا لاحظت ان الوزن ناقص ولكن ماهوب واجد .يبيلنا نزود شوي هنا وهناك يعني نوازنها لين تركد على الميزان... وايضا هناك بعض الكلمات اللي مالامها داعي ..يعني نقدر نشوف لك بعض الكلمات اللي فيها تجديد واثاره ونحطها محل كلماتك العائليه,,نعم انا اسميها كلمات عائليه لانه من الواضح عليك تاثرك ببيئة المنزل الغير صحيه, شوفي نصيحه لوجه الله ويعلم الله اني لك من الناصحين, الشاعره الناشئه اذا ما تعرضت للاجواء الخارجيه واحتكت بالشعراء والمحررين واشدد بشده على "المحرر الشاعر", اقول لك اذا لم تحتك معهم وتت تتلمذ على ايديهم_على فكره كم تاء في تت تتتلمذ ؟
- يعني بدون مدارسة الشعر والمشاوره المباشره لم ولن وليس و كلا ما والله تفلح فهمتي???
لذا اجد انه من واجبي ان اطلب منك مكالمتي على جوالي ولو سمحتي لازم المكالمه تكون من جوالك الخاص منعاً للاحراج ودرءاً للفتنه والفتنة نائمة لعن الله من ايقظها صح؟ وبعدين انا جوالي استقبال بس , بصراحه هذولا دايم يخطون في الفاتوره ويجيني مبالغ خياليه ..المهم بالعربي الفصيح مافيه مكالمه مافيه نشر واقصري الهرج وترا انا اكثر واحد في المحررين تفهماً واقلهم شروطاً وروحي جربي غيري ومردك لي >
الشاعره:
اوكي اكلمك لكن اول اقرأ هالكلمتين وبعدين حب كوعك
العفن ويش يطلب البنت الشريفه
.........................ليه يبلاها ويبحث في خفاها
ماسعى يحفر ورا البنت العفيفه
...........................غير *** ماحسب للي وراها
يالعفن ابعد عن ثياب النظيفه
...........................منت لاقي حاجتك هذي معاها
روح دور لك على وحده خفيفه
.........................وكل ساقط لا لقى سقطه خذاها
خافوا الله يا خفافيش الصحيفه
........................وراعي الخسه يبي يلقى جزاها
والى صيد جديد في الحلقه القادمه
مع تحيات :
قلب الذيب
[تم تعديل الموضوع من قبل قلب الذيب بتاريخ 10-10-2001 الساعة 03:11 AM]
1-
زيد: فلانه بنت ولا ولد؟
عمرو:اعتقد انها ولد , تبي الجد الا ولد ونص ياخوي واضح من كلامها وردودها..
زيد:والله انك صادق , تبي تمشيها علينا, لكن اوريك فيها...كم لي واجيبلك خبرها؟
عمرو: ويش بتسوي؟
زيد : مالك شغل عندي الف طريقه وطريقه ..والله لاسود عيشتها واغربلها غربله لين اما يعترف بانه ولد ولا تنكشف حقيقتها ونعرف منهي بالضبط, ولو تبي اجيبلك مقاس جزمتها بعد ههههههه.
عمرو:يالله فوقها. هههههه
2-
فاكس من محرر صحفي- يقول عن نفسه شاعر وناقد -لشاعره مبتدئه:
عزيزتي فلانه,
مساء الورد والبنفسج والسفرجل
,لقد اطلعت على قصيدتك ووجدتها ممتازه وجميله وحلوه مرررره فكرتهاحركه رهيبه ولقيت عندك بذرة نبوغ واعتقد انك سوف تصبحين من اعظم شاعرات العصور الوسطى
... اختي الحبيبه :
بصفتي متخصص في "نقود" الشعر كما تعرفين ويعرف غيرك, فانا اكبر نقّاد وافهمها وهي طايره لا واصيدها واطيرها بعد هههه
فانني انبهك لوجود مشاكل خطيره اذا ما انتبهتي لها بتروحين فيها..من جد اقولك انا لاحظت ان الوزن ناقص ولكن ماهوب واجد .يبيلنا نزود شوي هنا وهناك يعني نوازنها لين تركد على الميزان... وايضا هناك بعض الكلمات اللي مالامها داعي ..يعني نقدر نشوف لك بعض الكلمات اللي فيها تجديد واثاره ونحطها محل كلماتك العائليه,,نعم انا اسميها كلمات عائليه لانه من الواضح عليك تاثرك ببيئة المنزل الغير صحيه, شوفي نصيحه لوجه الله ويعلم الله اني لك من الناصحين, الشاعره الناشئه اذا ما تعرضت للاجواء الخارجيه واحتكت بالشعراء والمحررين واشدد بشده على "المحرر الشاعر", اقول لك اذا لم تحتك معهم وتت تتلمذ على ايديهم_على فكره كم تاء في تت تتتلمذ ؟
- يعني بدون مدارسة الشعر والمشاوره المباشره لم ولن وليس و كلا ما والله تفلح فهمتي???لذا اجد انه من واجبي ان اطلب منك مكالمتي على جوالي ولو سمحتي لازم المكالمه تكون من جوالك الخاص منعاً للاحراج ودرءاً للفتنه والفتنة نائمة لعن الله من ايقظها صح؟ وبعدين انا جوالي استقبال بس , بصراحه هذولا دايم يخطون في الفاتوره ويجيني مبالغ خياليه ..المهم بالعربي الفصيح مافيه مكالمه مافيه نشر واقصري الهرج وترا انا اكثر واحد في المحررين تفهماً واقلهم شروطاً وروحي جربي غيري ومردك لي
>الشاعره:
اوكي اكلمك لكن اول اقرأ هالكلمتين وبعدين حب كوعك
العفن ويش يطلب البنت الشريفه
.........................ليه يبلاها ويبحث في خفاها
ماسعى يحفر ورا البنت العفيفه
...........................غير *** ماحسب للي وراها
يالعفن ابعد عن ثياب النظيفه
...........................منت لاقي حاجتك هذي معاها
روح دور لك على وحده خفيفه
.........................وكل ساقط لا لقى سقطه خذاها
خافوا الله يا خفافيش الصحيفه
........................وراعي الخسه يبي يلقى جزاها
والى صيد جديد في الحلقه القادمه
مع تحيات :
قلب الذيب
[تم تعديل الموضوع من قبل قلب الذيب بتاريخ 10-10-2001 الساعة 03:11 AM]
تعليق