قمت اترّنح مثل شرّابة القات (شعراء الاسهم ) شاهد على العصر

مساء النقد والنقاش الهادف

بلا شك ندرك ان الشعر كان سجل للاحداث التاريخيه ويعتبر شاهد على العصر وما ينجم فيه من حروب وكوارث او مستجدات ولا يخفينا حال (البورصة السعوديه ) وكذلك الدول الخليجيه مما اثار حفيظة بعض الشعراء في كتابة قصائد منها التي خرجت الى السخريه ومنها الى العتاب ومنها الهجاء او الاستجداء والمدح وفي خضم كل ذلك نريد تجميع  القصائد وليس تصريف وسوف اوافيكم بالكثير منها بأذن الله حيث اصبح لسان الشاعر يشكل خطر على بعض الشركات التي تريد ان تشتري السنة شعراء اسقطت الشركه بفعل الكلام لأن البعض يقول ان الاقتصاد اصبح تحت منابر الكلمه ! الحالة النفسية جعلت بعض الشعراء حقيقة يبدع ونحن نريد طرح هذه القصائد ونقاشها ونقاش الوضع بشكل عام
ولا يخفى علي ابداعكم يا شعراء النداوي


قال احد الشعراء

اخذت لي في الكهربا خمس لسعات ---فيها تجرعت الألم والمراره
وقلت الزراعي يمكن ابرك بحالات 000لعلي اجني منه حالي ثماره
واشوفها تفتح وتقفل بنسبات..000.والربح منها ينهمر وبغزاره
قلت المواشي طالقة خمس مرات 000حلفت ماطبيت سوق الجزاره
ساعةدخولي صابت السوق نكبات 0حتى المؤشرقال جاكم شراره
قمت اترنح مثل شرّابة القات 000ولا كما اللي ناطحه قرن ثاره

الشاعر ماشاء الله ماخلى قطاع مادخل فيه باذن الله بجيب لكم القصيدة كامله لأنه تكلم عن جميع القطاعات

بنتظارقصائدكم اومساهمات بقصائد شعراء اخرين

تحياتي واحترامي للجميع

شر البليه مايضحك ياسحايب

تضحكين وتحزنيين لحالهم تجار الاسهم وخصوصا

تجار النداوي

الله يكون بعونهم ويهون عليهم مصابهم

سحايب عندي حليلي الله يحفظه

صاح على اخوانه لاتحطون حلالكم باالاسهم محد سمع كلامه

الحين يضحك عليهم كخخخخ

سبحان الله فعلا ً لكل زمن احداثه وهالزمن خصوصا هالفتره زمن الاسهم

وتم تسجيل هالاحداث مثل ماذكرتي يالغلا

طبعا حد من قهره وحد يسخر وحد مع الخيل ياشقرا

انا عن نفسي ماكتبت شي خبرك محاولاتي على قدي لكن قريت البارحه

وودي اطرح ماقرأت للتدوين

وهي للشاعر العذب طلال حمزه

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,white" type=2 line=0 align=center use=ex num="0,black"]
عز الله انك ماقريت التفاصيل = ياللي تدور من ورا السوق عيشه

حنا لنا شهر سوات المهابيل = نوب نفك الباب ونوب الدريشه

لا والله ألا ضيعونا الرجاجيل = ولا علقونا ألا بـ ( فبكو ) و ( بيشه )[/poem]

كخخخخ

لاهنتي يالغلا وسلامي لك عاطر بدهنالعود

اختك

كل في فلكه يسبح

الله يقنعنا من الدنيا باليسيير

يامرحبا والله سمو الاميره

لا والله ألا ضيعـونـا الرجـاجـيـل
ولا علقونا ألا بـ( فبكو ) و ( بيشه )





شاكره لك المساهمه والشاعرالقدير طلال حمزه حقيقة هو شاعر مرن وشاعر مناسبات ودائمآ اجده سباق للاحداث فغير مستغرب انه كتب عن الاسهم واذكر له نص سياسي جميل يقول فيه

مساء الضعف والارباك
مساء الخوف من شارون ومن باراك
مساء طير على غصن المواجع حط
مساء الاملا وحسن الخط
مساء التنوين والاعراب
مساء الشعر يا اعراب
...................
لن نخرج عن القضيه ولكن فقط حبيت اعقب على منهج الشاعر الذي ذكرتي وابياته السابقه سلسه وجميله ولكن لا يوجد بها لذع او تفصيل للقضيه اوربما لانها بعض ابيات

تقبلي صادق الاحترام ولا عدمنا حضورك الجميل

الغاليه سحايب

تحيه طيبه وحياك الله .

تطرقتي الى موضوع يمكنا القول انه ( حديث الساعه وحدث العام )

لأنه وبكل صراحه قد طال صداه كل بيت اذا لم تكن 95% ..

انا شخصيا مؤيدا لتلك القصائد والابيات المتناثره لأني وبكل امانه خسرت كثيرا في هذه التجربه ..

واجد في قراءه القصائد والمحاورات التي تناولت هذا الموضوع متعه وتخفيف من الصدمه التي تعرضت لها ..

وصلني عشرات الرسائل عن الاسهم وسوق المال عامة . يوجد بالموقع عشرات الشعراء الذين تطرقول لها وعدد من المحاورات ايضا ..

اتمنى مشاركة اصحابها هنا بما جادت به قرائحهم ..

اسأل الله ان يديم علينا نعمة العفو والعافية والأمن والآمان ..

على قولة الشيبان ( اذا سلم العود الحال تعود )

ولعل ما حدث همسة تحذير في اذن كل المضاربين بالتروي والتخطيط الغير عشاوئي وعدم التخبط في البيع والشراء .

اختي سحايب

لم يكن لدي في هذا الموضوع الا محاورة مع الرئع خالد المطيري سوف اورد ها:

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
خالد

قرّب الدله وشب الحطب وسط الوجار=للرجال حقوق والنـار مـن شبابهـا
يا حمد وين انت وين انت يوم الانهيار=حدر والا فوق والنـار مـن شبابهـا

حمد
مرحبا والليـل تـوه ويقفـاه النهـار=وش علوم السوق والنار مـن شبابهـا
لاتنشد وانت تعرف وتدري ويش صار=لا تجي مطفوق والنار مـن شبابهـا

خالد
قالوا انك بعت حتـى السلوقـي والحمـار=والغنـم والنـوق والنـار مـن شبابـهـا
نحسب ان الحوف شرب اللبن وسط الغضار=سارق ومسـروق والنـار مـن شبابهـا

حمد
حافنا ماحافكـم ياطويليـن العمـار=جيبكم مشقوق والنار مـن شبابهـا
انت تدري والنصيفه تنحوا في شهار=تلعط المرقوق والنار مـن شبابهـا

خالد
كل طيرن تل صيـده بمخلابـه وطـار=ما عليها سبـوق والنـار مـن شبابهـا
ولا انطرح بالربق يا صاحبي غير الجفار=عندها ام شـدوق والنـار مـن شبابهـا

حمد
انت من عشاق سابك وأنا عاشق ثمار=زينة المنتوق والنـار مـن شبابهـا
زينها لا ربعت ما تشوف الا الخضار=سابق ومسبوق والنار مـن شبابهـا

خالد
اترك اللي يا حمد من خلق ما شب نار=ولا يخيل بروق والنار مـن شبابهـا
واترك المبهل وخل الغرام ام الصـرار=ديدها مذيـوق والنـار مـن شبابهـا

حمد
ما يعيب الرجل كود التسرع فالقرار=ليت عنده ذوق والنار من شبابهـا
افترقنا يالمطيري وكلن في مسـار=فالجنوب فتوق والنار مـن شبابهـا

خالد
ولا يغر الرجل غير الطموحات الكبار=والنفوس اتتوق والنار من شبابهـا
والطيور الطايره ليه ترميها طيـار=بعالي الشاهوق والنار من شبابهـا [/poem]

اعجبتني جدا قصيدة المبدع سعود القت حيث قال :

[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
شفت لي موقف وصورته على حسب اعتقادي = وكل شاعر حسب مقدوره بماجوده يجودي
الفلوس تجاهد المخلوق قدام الجهادي = واخر الايام يمكن يتجر الشعب السعودي
كل ما جا الاكتتاب بسهم زاد الاحتشادي = من صباح الله صفو مثل طابور الجنودي
ناس من زود الشفاحه تجمع كروت العبادي = تخدع العالم بكثر الهلس ولسان هبودي
لعلنو عن سهم يمكن يكتتب جاك امتحادي = وقام قدمك يشتمت حظه وينخا بالجدودي
كنهم قدام باب البنك عمدان الجرادي = ولا كفا مابالسعوديه تعدو للحدودي
في قطر وصلت ليا القوه ومسك(ن) بالايادي = احشروهم وسط ملعب سلمو من عين الحسودي
والامارات امتلت فيهم وزاد الاقتصادي = فالفنادق والشقق واللي على الشارع رقودي
والسهم في كل شركه كل يوم(ن) بزديادي = وكل يضارب بالاسهم حتى سمحات الخدودي
فيهم اللي مستفيد وفيهم اللي مستفادي = وفيهم الغبي الحريص وفيهم الذكي الشرودي
وفيهم اللي جابو الاعياد قدام العيادي = طول عمره متزن لكن هقوته الوعودي
باع ما يملك من الدنيا الغشيم وجاك غادي = وطاح في برميل مندي من براميل الزيودي
كل(ن) مشمر تقل فلاح في وقت الحصادي = والنتيجه فالنهايه ياوجودي ياوجودي
ماجنا المكسب سوى الشبعا كبيرين الفنادي = عاشقين المال عشقن جم وكبار العضودي
احدن يخشى الربا لنه مرده للنفادي = واحد يجيز السهم لو كان بالدين اليهودي
وسط صالة عرض بعض احيان هفهاف وبرادي = ونوب من زود الزعل حر(ن) كما حر الوقودي
وسهم سابك والدوائيه وسهم الاتحادي = واللجين وسهم طيبه في هبوط وفي صعودي
لاتشوف بضاعه ولافيه دلال(نٍ) ينادي = مره العالم وقوف ومره العالم قعودي
لو تمر قدامهم غديت معهم في جهادي = كل(ن) يهبيك من عنده وبيحت السدودي
كنهم وقت مباراه يشجعون الاتحادي = ضد الاهلي والحكم ظالم لعله مايعودي
ياقفون بكل هجمه ضدهم والا انفرادي = والدفاع يصارع الكوره عن المرمى يذودي
والهوامير الصغيره كن داخلها عنادي = ما كفاهم ما جنوه طموحهم ربح(ن) يكودي
غرهم زود السهم لكن قافيهم هجادي = مقتفيهم ليل(ن) اسود لا مفر ولا محودي
لفهم هامور الاسهم يامقاسيم النكادي = واصبحو روس(ن) تواما كنها روس الهنودي
ياقليل العرف ليش تضيع دروب الرشادي = اعتقد منته على ماصار مجبر ومحدودي
قالها اللي ماملك له غير سبعه فالبلادي = والهوامير قعدو ليه بسهمه لايزودي
ولجلها مغير اردد يابلادي يابلادي = ويمكن اتجر واغتني لو يتجر الشعب السعودي
شاعر(ن) واهوى الخواضه ما اعرف طعم الزبادي = وسجة فالبر عندي خير من عد النقودي
[/poet]


ربما لي عوده ياسحايب

تحياتي

سحايب فيصل

حقيقه موضوع الساعه وكل الساعات القادمه سيكون / انهيار السوق / لم يسلم من ذالك بيت خليجي

وليس سعودي فقط تذكرنا مصيبة سوق المناخ بالكويت الشقيقه قبل سنوات

وش تسوي الناس الطمع وماأدراك مالطمع / انا أحد من أكتوى بهذه النار بقوّه ومن هول الصدمه لم أستطع

حتى مواساة نفسي بقصيده عابره فقط أردد مايقوله الأ خوان هنا وهناك !!

موضوع هام سأعود اليه قريباً ياسحايب

[align=center]بسم الله الرحمن الرحيم[/align]
[align=center]بعد إنهيار سوق الأسم والخسائر الفادحه التي لحقت بمعظم الناس والذين أغلبهم مقترض من البنوك وبعضهم باع عقاراته وذهب
أهله وبعضهم أقترض من غيره ليستغل الفرصه في الطفره الإقتصاديه التي يعيشها الاقتصاد السعودي المتين ،، إلا أن مايسمى بالهوامير
في السوق وكذلك قرارات هيئة رأس المال الخاطئه وقد يكون هناك أيادي خفيه قضت على كل أمالهم فأصبحو في حال لا يحسدون عليه ..
وهذه رساله نداء أوجهها عبر النداوي الى من يحمي الشعب السعودي في الأزمات والنوائب والكروب والنوازل بأسم كل مواطن سعودي عالق
في هذا السوق .

مولاي خادم الحرمين الشريفين الملك عبدالله وسمو ولي عهده الامين ،، حفظهم الله ورعاهم والذين نلجاْ إليهم بعد الله للنظر في حالنا والتدخل لإنقاذنا .. كما عهدناهم أهل الحق والعدل والإنصاف .

صلو على النبي .[/align]

[poet font="Simplified Arabic,5,black,bold,normal" bkcolor="transparent" bkimage="backgrounds/1.gif" border="none,4,gray" type=2 line=200% align=center use=ex length=0 char="" num="0,black" filter=""]
قالو أدخل سوق الاسهم ترى الارزاق فيه= كل بنكٍ فاتحٍ سوق بيع ومشترا
كلها لأجل المواطن وتخفيفٍ عليه = علـّمو محدودي الدخل واللي مادرا
قلت يالله باب رزق وهذا اللي نبيه = ستر حال ومثلها ماندوّر للثرا
رحت وإلى الناس زحمه وعابسة الوجيه = والمصايح والمطايح وياطول السرا
هُب ياذا البنك جعل العوادي ماتجيه = لا خلص لــّّول ولا فيه أمل للي ورا
غير خلـّه يابن شايع ورح للي يليه = قد يكون الوضع طيّب والامر ميسّرا
رحت والله لايعيده مراح يالنبيه = جيت منّه حافي والضلوع مكسرا
الدراهم عندهم والبضاعه هيه هيه = شاشةٍ تطلع وتنزل بين أخضر وأحمرا
كل ما وصّو طمرت أشتري من غير ليه = أحسب إن الربح مضمون والعايد جرا
وأثرني مثل المطبح ولا سمّي عليه = راح به ضعف الفرامل معَ طلعة كرا
عقب ماكنت أحَلـَم بالريال وبالجنيه = صرت أنا والهم والدين والفقر خشرا
والسبب شلّة هوامير مافيهم نزيه = من جشع وأطماع والسوق حاميه ابترا
يوم قرر ماتحمل عواقبها البليه = أنكفى والسوق ينهار ماكنّه يرا
والمصيبه عمّت الشعب وأسقط في يديه= مفلس ومحتار كلٍ يبي رد البرا
شرهة الشعب السعودي على من يحتميه = في نهار الضيق ينصا الاسود الكُسّرا
غير عبدالله وسلطان من نلجا إليه = بعد ربي مالنا غيرهم سدّ وذرا
من نصاهم حزّة العسر يبشر بسعديه= فزعةٍ تمنع ويسمع بها كل الورا
ياملك شبه الجزيره نبي رأيك نبيه = حلّها عندك وبإيد وبأمرك يظهرا
وأنتو أهل الحق والعدل والرأي الوجيه = تحفظون أموال وحقوق ضعفا وفقرا
[/poet]

[align=center]ابنكم وخادمكم المواطن / عبدالله بن شايع القحطاني[/align]

صلو على النبي

،، وصلوها ياللي تشوفون مولاي / خادم الحرمين الشريفين ،،

الملك المحبوب / ابو متعب عبدالله بن عبدالعزيز .

[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ياللي تشوفون الملك علموله = قولو لابو متعب رفيع المقامي

طحنا بها والله قويٍ بحوله = في سوق الاسهم رايحينٍ عدامي

ندفع رواتبنا قروض وعموله = عند البنوك صفوف مثل الحمامي

ما قلّ دلّ وعلمنا مانقوله = إلا على عهد وولاء وإلتزامي

في ذمة ابن سعود شعب ودوله = اما وقف ولاّ علينا السلامي[/poem]

خادمكم المخلص بإذن الله الى يوم الدين / عبدالله بن شايع القحطاني ،،

............................................................ ............................................................ ...............

الاخت الكريمة سحايب

موضوع قيّم من شاعره و اديبه وناقده علم

الموضوع بين اخواني الشعراء والادباء

تحياتي للجميع

اخوكم

الأخت العزيزه .... سحايب فيصل


أسعد الله أوقاتك بكل خير يا أديبتنا العزيزه




حيث أني لا ناقة لي أو جمل في سوق الأسهم السعوديه

وكنت على وشك الوصول إلى الرياض لأشارك مع من شارك لكن شاء الله

ماحصل فتراجعت عن الفكره برمتها .





متااااابع



لكم وللموضوع القيم



واذا استوجبت العوده عدت




تقبلي احترام وتقدير



أخوكم




عبدالناصر

الاخت الكريمة سحايب

موضوع قيّم من شاعره و اديبه وناقده علم

الموضوع بين اخواني الشعراء والادباء

هلابك اخي سعيد

وشاكره لك التعقيب

حقيقة لا اعلم ماذا قصدت ولكن مالهدف من قولك الله يقنعنا باليسير ؟ الوضع الاقتصادي بأذن الله مطمن ولو بعدحين لغة التسليم واليأس ماتنفع حقيقة ولا تقول (القناعة كنز لايفنى ) فهو مثل فاشل
اذا غامرت فى شرف مروم **** فلا تقنع بما دون النجوم


شكرآ لحضورك

السلام عليكم

وهذه مشاركتي المتواضعه

[poem=font="Simplified Arabic,5,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
كم حلمت اني أصير انسان مستثمر وكاش = وشفت طفرة سوق الاسهم.. قلت: فرصه واسنحت
ويعني ياخي لي متى وانا آتحرّى هالمعاش = خلّ اخشّ السوق .. غيري ناس خشّــت واربحت
خذت قرض وقمت اضارب في القيادي والخشاش = وجا على وجهي انهيار السوق .. ويدحدر تحت
قلت: يمكن فترة التصحيح .. وتاليها انتعاش = وطالت المدّه علينا .. والدراهـــم روّحت
ليتني أقدر أبيع وبعت لو حتــى ابّــلاش = البلا انّـي ما قدرت وليت الاسهـــم صححت
كل يوم امرّ اشوف المحفظه حمرا .. وماش = يبدو ان الوضع مـُــزري والأمــاني إنمحت
مابي الا راس مالي وتوبه ماعــدْني بخاش = واضح ان السوق لعبه .. والهوامير افلحت
معظم الشعب السعودي طاح .. والهيئه طناش = جت على روس الصغار .. وفلّستهم .. واذبحت
ما كأن الوضع إلا حلقه من حلقــات طاش = واسم "نكبة مارس" اللي طاف .. مأساوي بحت
إبتلشنا واشهد انّــه كان شرّ الإبتـــلاش = لا القوانين انصفتنا .. ولا الأمور ْتوضّــحت
مالنا ياكود ربّــي ثم "ابو متعب" وعاش = المليك اللي على يدْه المــوازين ارجحت
ننتظر فرض القرارات السليمه .. والنقاش = صلّـح فبعض الأمور .. وبعضها ما تصلّحت
هذا انا لي حول شهرين ومعاي الوضع ماش = وصحّـتي مثل "المؤشّر" قفــّـلت نسبه تحت[/poem]

شكراً سحايب فيصل


موضوع جميل


في الآونة الأخيرة أثرت حمى الأسهم على مشاعر الشعراء


فهناك من كتب عن الأسهم

وهناك من شبه خسارة محبوبته بخسارة أسهم احدى الشركات

شركة بروة العقارية لدينا في قطر

أحد الأصدقاء أشترك ولم يكن المؤشر كما يرغب

فكتب قائلاً :

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
بنيت فيك آمال وإنهدّت آمال=وهقيت بك حروة ولا شفت حروة
يا بنت روحي والبقا راس رجّال=وخسارتك عندي مثل سهم بروة[/poem]

أما بالنسبة لي لم ولن أكتب عن الأسهم والسبب عدم إشتراكي بالأسهم نهائياً

الحمدلله على النعمة وعلى ملعقة الذهب التي ولدت وهي بفمي


دمتي بود

سحايب


جهودك جبار

فرغم الغياب الا ان الأياب احتوى فترة الغياب بهذا الموضوع الجميل


شكرا لك


ودمتي بخير

هلابك اخي حمد

وشاكره لك الحضور

لا صدمه ولا شي ولكن(( خلق الانسان هلوعا)) من يسيلون كم محفظه ارتاعت الناس من يقوم المؤشر بالتصحيح العادي وسد الثغرات عرضوا للبيع والكل يدرك ان هناك مايسمى بتضخم السوق او (اختناق السوق ) والفترات الانتصافيه فيه معروفه والفترات القادمه معروفه بالازدهار والتعويض حسب قراءة الشارتات المهم محاورتك رائعه وفيها نوع من التنفيس و بالفعل الشعر بالذات غرض السخريه فيه نوع من تفريغ الشحنات السلبيه والنفسيه التي يجب ان تخرج والا تحولت الى امراض لا سمح الله لذلك اهيب بالجميع الكتابه واظهار مابداخلهم

حقيقة اقوى ابيات لخالدكانت


خالد
قالوا انك بعت حتـى السلوقـي والحمـار.....والغنـم والنـوق والنـار مــن شبابـهـا
نحسب ان الحوف شرب اللبن وسط الغضار....سـارق ومسـروق والنـار مـن شبابهـا

كل طيـرن تـل صيـده بمخلابـه وطـار....مـا عليهـا سبـوق والنـار مـن شبابهـا
ولا انطرح بالربق يا صاحبي غير الجفـار.....عندهـا ام شـدوق والنـار مـن شبابـهـا

القوة عنده في اللفظ 0 الربق - الجفار 0 الغضار وتلاؤم الفكره مع اللفظ خلق سبك جميل للابيات


اقوى ابيات لحمد كانت


حافنـا ماحافـكـم ياطويلـيـن العـمـارجيبكـم مشقـوق والنـار مــن شبابـهـا
انت تدري والنصيفـه تنحـوا فـي شهـارتلعـط المرقـوق والنـار مـن شبابـهـا


انت من عشاق سابك وأنـا عاشـق ثمـارزينـة المنتـوق والنـار مــن شبابـهـا
زينها لا ربعت مـا تشـوف الا الخضـارسابـق ومسبـوق والنـار مـن شبابـهـا

القوة عنده في المعاني حيث تطرق بطريقة لاذعه لمساوئ الخسارة ولم يجحد ابتهاج وسعادة الربح وذلك في صياغة متقنه

شكرآ لحضورك ابو ثامر ولا عدمنا تواصلك واذا وصلتك ابيات جديده لا تبخل علينا بوضعها نريد جعل هذا المتصفح خاص بقصائد الاسهم