النص العشرون (20) في إختبار النجوم..هنــــــا (سجل ردك)

ارحب يابوناصر


وصح الله لساااااان راعي ذا القصيده


عزالله انه شاعر شاعر شاعر بمعنى الكلمه





لكن عندي تعليق على هذا البيت :
(( بين له الجفوى وخل ماكنه من ضمن الحضـور
واليا ابلشك بالهرج قول اسكـت ياعلـك لرمـد ))


الشطر الاول قوي وبليغ جدا جدا جدا

عكس الشطر الثاني الذي أثر على الشطر الاول فهو لوكمل الشطر او امل البيت بدون دعوه يكون افضل


او دعا بدعون (( ترتبط باللسان )) وليس بالعيون ..


وانا اقول العيون لأنه قال (( الرمد )) لأنه فيه فرق بين الرمد والرماد حتى لو جبره القاف




واخيراً صح الله لسانه وقلبه وعزالله انه صادق في قصيدته




وجهة نظر واتمنى انها ماتزعل احد



اخوكم ... فهد بن صلبوخ

ــــــــــــــــــــــــــــــــــــــــــــــــــــــــــــ

هلا اخوي فهد بن صلبوخ تشرفت بمرورك واشادتك


بالنسبه لملاحظتك معك حق ولكن المقصود هنا انه اسكت ياعلك لرمد شئ من نوع السفه اي كانك تسكته بطريقه استحقاريه فقط

ولك تحياتي هذا ماكنت اهدف اليه لانك لو تتدخلت معه بكلام كثير تستخسر طاقتك وكلامك مع فمن الاحسن ان تلمخه بكلمه استهانه فقط


تحياتي لك وملاحظاتك فيها فايده كثير

القصيده رائعه وتحاكي واقع مؤسف صحيح


حبك وسبك للقاف وجدته هنا ولا اقول إلا الله يوفق شاعرها


ملاحظتي نفس ملاحظة الأخ النداوي فهد بن صلبوخ والبيت الذي ذكره..


بين له الجفوى وخل ماكنه من ضمن الحضور
واليا ابلشك بالهرج قول اسكت ياعلـك لرمـد


البيت قوي وعند قرأتي لصدره توقعت أن ان عجزه سيأتي أقوى

ولكن الدعوه جاءت مختلفه لمعنى البيت .. هذا مالدي

والقصيده قويه ورائعه ولافيها قصور


شكرا لك يابو ناصر على الجهود الطيبه

ــــــــــــــــــــــــــــــــــــــــــــــــــــــــــــ ـــــ
النادره

هلا بك وبحضورك وملاحظاتك

ومادام انك معملاحظة فهد


فالجواب سبق


الف شكر لك وتقبلي تحياتي

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الشعر له شعّار والمجلس لـه اطـوال الشبـور=اهل الوفاء والطيب والناموس لـو طـال الأمـد


=هذا تعليقي
[/poet]

سعيد الحازبي\هلا وغلا واسف على تاخير الرد عليك لم اشهاد نعليقك الا بعد الرد على فهد والنادره المعذره يالغالي


وتقبل تحياتي

ابو ناصر

بيض الله وجهك

على الجهود المبذوله


صح السان شاعرها ولاهان


ولكن لديه بعض الملاحظات مع احترامي لكل من سبقني بالتعليق

الشاعر اللي مايصون الحرف ويهدم الجسـور
ودك مايلقى له معـه الشعّـار مجلـس للأبـد

الشطر الثاني حرف الهاء في كلمة معه زايد

ودك ما يلقى له مع الشعار مجلس للابد


خلوه يلقى له مكان معا النسـاء وإلآ البـزور
لايقتحم مجلس هل النامـوس وصقـور الهـدد

يوجد ثقل بالشطر الاول

بين له الجفوى وخل ماكنه من ضمن الحضور
واليا ابلشك بالهرج قول اسكت ياعلـك لرمـد

وايضا يوجد هنا ثقل بالشطر الاول


ترى المجامل ماهو مطلوب في بعض الأمـور
والا بعض لحيـان مطلـوب المجمـل والكمـد

الشطر الاول ناقص حرف الباء

ترى المجامل ماهو بمطلوب في بعض الامور

هذي وجهت نظري وهي معرضه للخطا والصوب

هذا لا ينقص من القصيده القصيده رائعه وصح السان شاعرها

لك تحياتي

ــــــــــــــــــــــــــــــــــــــــــــــــــــــــ
هلا بااحلا سمي
كل ملاحظاتك صحيحه في النقص والزياده وهي اخطاء املائيه

اما من ناحية الثقل فكما تعلم ان القصيده الشعبيه سماعيه ولو اقراها عليك لم توجد بها اي ثقل



تحياتي لفكرك وتعليقك المنطقي


الف شكر

ابو ناصر

لاهنت على هذا الجهد الرائع

واما القصيده فهي قصيدة شاعر له منا كل الاحترام ونحيي فيه شجاعته على طرح قصيدته

الا انا هناك بعض الملاحظات رغم اني لااحب النقد

الشاعر اللي مايصون الحرف ويهدم الجسـور
ودك مايلقى له معـه الشعّـار مجلـس للأبـد
مثله يهدم الشعـر مايبنيـه ويعمـد القصـور
ولا يحـل الحبـل بأفكـاره ليـا منـه انعقـد
طول السنين الغبر وهو من دبـورٍ فـي دبـور
تكفـون لاشفتـوه قولـوا قـم ليامنـه قعـد

بداية القصيده لاتعتبر بدايه من المفروض ان يكون قبلها بيت او بيتين

الشاعر اللي مايصون الحرف ويهدم الجسـور ــــــــــــــــــ ماذا يقصد بهدم الجسور المعنى غير واضح ؟

تكفـون لاشفتـوه قولـوا قـم ليامنـه قعـد ــــــــــــــــــــــ هل نقول له قم على شان قصيدته غير موزونه مثلآ !!!!

ياكثر ماشفنـا شخابيـط الخنافـس والطيـور

على صدر صفحة تراث المجد من قـل الجهـد

الشطر الاول تركيبته ضعيفه لو استبدل كلمتا الخنافس والطيور لكان افضل

(( بين له الجفوى وخل ماكنه من ضمن الحضـور
واليا ابلشك بالهرج قول اسكـت ياعلـك لرمـد ))

وكذلك

ترى المجامل ماهو مطلوب في بعض الأمـور
والا بعض لحيـان مطلـوب المجمـل والكمـد

اوافق الاخوان فهد بن صلبوخ وحسن الوطري في تعليقهم على البيتين اعلاه

ارجو ان يتسع صدر شاعرها لهذه الملاحظات


تحياتي

ــــــــــــــــــــــــــــــــــــــــــــــــــــــــــــ
الغالي شبي شاهر


هلا بك وبتعليقك وملاحظاتك


واما بالنسبه للملاحظه الاولى فاانا ارى ومن وجهت نطري ان بعض المواضيع لاتحتاج تمهيد فمثل هذا الموضوع انا احب ان ادخل فيه دغري زي مايقولون اخوانا في السودان

اما الاسماء اللي وردة فمعك حق وكنت ناوي استبدلها ولكن من شدة الزعل والغضب احببت ان تكون على هذا المسمى المكروه والبغيض وحيث انها الخنافس من الحشرات الرديه والطيور المقصود بها هنا العصافير وهي اضعف الطيور


وحبيت ان تكون على هذا المنوال

ومعك حق في مااوردت ولكن هذا ماااراه انا

تحياتي

هلا يابو ناصر

الموضوع جيد ولكن شاعرنا لم يصوغه بالطريقه الجيده.

اشكره على شجاعته وانا لست بناقد ولكن هناك العديد من الكلمات الضعيفه اوردها الشاعر كان بامكانه استبدالها،،
بشكل عام نص عادي لايوجد به صور ابداعيه ولاقوة سبك
ارجو من شاعرنا العذر

ــــــــــــــــــــــــــــــــــــــــــــــــ
هلا بك ياسعود

واوافقك الراي نص عادي لايوجد فيه ابداع لآنه موضوع جاد ويجب اوراده كماهو بدون تكلف

اما المفردات الضعيفه فهي اوردت لناس اضعف منها وقيلت بهم ويستحقون كل كلمه ضعيفه


والف شكر لك

[align=center]هلابوناصر
الحقيقه نص جيد
وملاحظتي على هذاالنص وغيره هي ايراد بعض الكلمات الشاذه لفظا والغير مقبوله لدى المتلقي مهما حاول الشاعر ان يصوغها بطريقه جزله الا ان الكلمه لاتساعده فتبقى نقطة ضعف علىالقصيده وقائلها
تحياتي لك وله[/align]

ــــــــــــــــــــــــــــــــــــــــــــــــــــــــ
هلا ابو معجب


وحيه وحي تعليقه

الكلام اللي ورد وضحته في الرد على سعود الدهيمي


وهنا اقول لك مثل ماقلت لسعود



تحياتي لك

الشعر له شعّار والمجلس له اطوال الشبور===اهل الوفاء والطيب والناموس لو طال الأمد


وان بعد هــــــــذا تـعـلــيــقــي

ــــــــــــــــــــــــــــــــــــــــــــــــــــــــــــ ــــــــــ

ارحب يابو فيصل


ويشرفني مرورك

انت رجل صاحب نظره ثاقبه في كل مواضيعك وتعليقك هم بعد زادني فخر


لاهنت وتقبل تحياتي

الشعر له شعّار والمجلس له اطـوال الشبـور
اهل الوفاء والطيب والناموس لو طـال الأمـد

إيضاََ هذا تعليقي

مع ملاحظ بأن القصيده قويه ومن شاعر متمكن وتصويره للكثير من الامور الحقيقيه

لك فااائق احترامي وتقديري

ــــــــــــــــــــــــــــــــــــــــــــــــــــــــــــ ـــــ
الغالي

مهدي مسفر

هلا بك يالغالي


وتعليقك يشرفني

لاهنت وتقبل
جمل التحايا

ارحب يابو ناصر


القصيده جزله ومن شاعر جزل والحقيقه

اني دورت مالقيت اي ملاحضه

الا لقيت حكم وبيوت في قمة الجزاله

لكن اضن ان الشطر هذا فيه نوع من الثقل الغير واضح


طول السنين الغبر(( وهو)) من دبـورٍ فـي دبـور

اتوقع ان كلمة وهو ثقيله

رغم اني اقول انها قصيده في قمة المعنى والحقيقي

اخوك
خالد نايف ال مسعود

ــــــــــــــــــــــــــــــــــــــــــــــــــــــــــــ ــ

هلا خالد القحطاني

مرورك يشرفني

لاهنت

والثقل في القراءه معك لكن لاسمعت القصيده تعرف انها سليمه لان القصيده الشعبيه سماعيه اكثر منها مقرؤه



تحياتي لك

والسلام

صح لسان الشاعر اولا
ثانيا الموضوع لايستحق الاطاله والتركيز
لاشك ان الشاعر جيد وافكاره جميله لكن قوة اندفاعه في كتابة النص احرقت كثيرا من الابيات والنصيحه اذا اراد ان يكتب قصيده يشرب عصير ليمون


وارجوالمعذره من شاعرنا واتمنى له التوفيق

ـــــــــــــــــــــــــــــــــــــــــــــــــ
محمد الحويله


هلا بك

والحقيقه اسلوبي دائم الطول في القصيده ولكن لاتعدى حدود انتهاء الموضوع


وعصير الليمون لاداعي له هنا


تحياتي

مرحبا يابوناصر

والف شكر لك وللشاعر على ثقتة وشجاعتة

انا اتفق مع الاخوان

شبيب بن شاهر
و
سعود الدهيمي

لاهنت

ــــــــــــــــــــــــــــــــــــــــــــــــــــــــــــ ـــــــــــــــــــــ

هلا هادي ومادام رايك راي الربع الل سبقوك

فااقول لك اقراء ردي وسوف تعرف قصدي

تحياتي لك

هلا ومرحبا

اخي سعيد عندما وضعت القصيده هنا اردت ان تكون تحت المجهر واختيارك لها موفق جداً ، خاصه ان شاعرها هنا

تكلم عن الشعر ومكانة الشعر وقيمة القصيده وكيفيه التعامل مع هذه النوعيه من الشعراء .

بما أن الشاعر تكلم عن جزالة الشعر وعن التعامل مع شاعرها لدرجة انه يقول له قم اذا قعد وانه يوضع مع النساء

والاطفال بسبب التعثر في قصيده ودخلت المرجله فهذا امر صعب ان نقوله نحن هنا ، لان الكثير لايعرف عن شاعريته

وعن مستواه ولو علم لما قال الشعر !!كيف وهو يضع السيف على رقبته .


الشعر مجال مفتوح للجميع والمجامل امر مطلوب ومع هذا لن نتكلم اكثر من ان نقول صح لسانك .

ــــــــــــــــــــــــــــــــــــــــــــــــــ

هلا سعود الشبرمي

وتعليقك اتضح لي انك لم تفهم مااقصد

المقصود بالشاعر هو ليس الشاعر البادي او الشاعر اللي يستفيد من غيره المقصود هو العاله على الشعر واللي مايحترم مبادي الشعر
وبالعكس هناك شعراء بدو وتعدونا بعد انا وانت وانا لم اقصد كل شاعر يتعلم من من سبقه ويحترم الشعر انا اقصد البلبلي اللي يهذرم على الفاضي ولا يقف عند الحدود المطلوبه

فهذا عتقد لايجب علينا احترامه او اعطاءه فرصه لانه ليس كفؤ لها

ونعم الشعر مجال مفتوح بس ماهوب واجب ان نفتح المجال للمستشعرين اللي حطهم بعض الناس شعراء ولهم عكس الكلام

اما قولك اني وضعت السيف على رقبتي فهذا رايك بالقصيده ولاهوب لازم يكون السيف على رقبتي قد يكون على رقبت الشاعر المصنع او شئ آخر

تحياتي لك واحترم رايك

مرحبا باستاذنا قلب الذيب

حبيت أسلم طال عمرك


واترك المجال للإخوة لإثراء المشاركة بملاحظاتهم القيمة



أخوكم

ــــــــــــــــــــــــــــــــــــــــــــــــــــــــــــ ــــــــ
الاخ الغالي

عبدالله المنصوري

هلا بك وبمرورك الذي يشرفني

لاهنت وتقبل اجمل تحيه

وفي ختام هذا القول


اقول الله لايهينكم كلكم من اول عضو لااخر عضو مروا بالقصيده واستفدنا منهم


ولاانسى ابو ناصر وابو ثامر في الطرح والتعب معنا


لاهنتوا كلكم ويعطيكم العافيه