النص العشرون (20) في إختبار النجوم..هنــــــا (سجل ردك)

[align=center]السلام عليكم ورحمة الله وبركاته


هنا بين أيديكم النص (20) العشرون في "برنامج إختبار النجوم" ...

المطلوب هو تعليقاتكم أونقدكم على النص بكل امانة وحيادية.

وللمعلومية فإن إسم الشاعر معروف لدي فقط ولقد تعهد صاحبه بعدم الإفصاح عن هويته , وهذا ما سوف يزيل عوامل

التأثير السلبي و الإحراج الذي قد يشكله معرفة إسم الشاعر على كاتب الرد ...

راجين منكم عدم الخوض في نقاشات جانبية او إنتقاد خارج المادة الأدبية المعروضة هنا,

ونذكركم جميعاًً بأن هذا البرنامج يهدف لإختبار مصداقية الردود والأعضاء قبل إختبار جودة النص نفسه والشاعر

ويهدف إلى تعويد كاتب الرد وتشجيعه على القراءة المتمعنة والتجرد من أي ضغوط يفرضها إسم صاحب النص عليه

خلال كتابة رده والبعد عن الشللية والتطبيل والتهويل في الردود وكتابة الردود الغير موضوعية والمبالغ فيها...[/align]


[poet font="Simplified Arabic,4,darkred,bold,italic" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
الشاعر اللي مايصون الحرف ويهدم الجسور=ودك مايلقى له معه الشعّار مجلس للأبد
مثله يهدم الشعر مايبنيه ويعمد القصور=ولا يحل الحبل بأفكاره ليا منه انعقد
طول السنين الغبر وهو من دبورٍ في دبور=تكفون لاشفتوه قولوا قم ليامنه قعد
خلوه يلقى له مكان معا النساء وإلآ البزور=لايقتحم مجلس هل الناموس وصقور الهدد
الشعر له شعّار والمجلس له اطوال الشبور=اهل الوفاء والطيب والناموس لو طال الأمد
ماهو بله وانته يارعي العرف منته بمعذور=لاتتركه يمرح على كيفه عسى عمرك مدد
بين له الجفوى وخل ماكنه من ضمن الحضور=واليا ابلشك بالهرج قول اسكت ياعلك لرمد
ترى المجامل ماهو مطلوب في بعض الأمور=والا بعض لحيان مطلوب المجمل والكمد
لاصار مال الهرج هراجه ولا للحق نور=كثر الخطاء من شلة الاخطاء ولا قل لعدد
والا لياعالجت وضع الشعر يالرجل الجسور=قصرت حبال أهل الحبال القاصره لين تهجد
ياكثر ماشفنا شخابيط الخنافس والطيور=على صدر صفحة تراث المجد من قل الجهد
وانا ادري ماهو خطاي انه خطاء اصحاب العبور=اللي فتح لبواب دون احساب ياليته رقد
عجايب الساحه سبع والثامنه حب الضهور=والتاسعه والعاشره لنصاف غايب من وجد
معظم منابرنا يحبون التبهرج والحضور=ماينظرون الى الوعاء المسكوب كم يسكب زهد
مفروض مايطلع من ابيوت النمور إلا النمور=ولايسكّن في عرينات الأسود إلآ لسد
لكن زمنا هكذا دوار والخاين يدور=ويش عاد باقي ماحصل بالله ولا ويش بعد
هذا ولا اشمل في كلامي كل من نال الظهور=اكيد فيه اللي يحق ويستحق وينشهد
واكيد فيه من المنابر من تمسك بالجذور=وحافظ على الأمانه وطلع صناديدٍ جدد
لشك هذي نظرة الواقع وانا كلي قصور=اولا كامل إلا الله سبحانه هو الفرد الصمد
تمت وصلى الله على شفيعنا يوم النشور=عليه صلى الله وسلم عد مايرعد رعد

[/poet]






.

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الشعر له شعّار والمجلس لـه اطـوال الشبـور=اهل الوفاء والطيب والناموس لـو طـال الأمـد


=هذا تعليقي
[/poet]

ارحب يابوناصر


وصح الله لساااااان راعي ذا القصيده


عزالله انه شاعر شاعر شاعر بمعنى الكلمه





لكن عندي تعليق على هذا البيت :
(( بين له الجفوى وخل ماكنه من ضمن الحضـور
واليا ابلشك بالهرج قول اسكـت ياعلـك لرمـد ))


الشطر الاول قوي وبليغ جدا جدا جدا

عكس الشطر الثاني الذي أثر على الشطر الاول فهو لوكمل الشطر او امل البيت بدون دعوه يكون افضل


او دعا بدعون (( ترتبط باللسان )) وليس بالعيون ..


وانا اقول العيون لأنه قال (( الرمد )) لأنه فيه فرق بين الرمد والرماد حتى لو جبره القاف




واخيراً صح الله لسانه وقلبه وعزالله انه صادق في قصيدته




وجهة نظر واتمنى انها ماتزعل احد



اخوكم ... فهد بن صلبوخ

القصيده رائعه وتحاكي واقع مؤسف صحيح


حبك وسبك للقاف وجدته هنا ولا اقول إلا الله يوفق شاعرها


ملاحظتي نفس ملاحظة الأخ النداوي فهد بن صلبوخ والبيت الذي ذكره..


بين له الجفوى وخل ماكنه من ضمن الحضور
واليا ابلشك بالهرج قول اسكت ياعلـك لرمـد


البيت قوي وعند قرأتي لصدره توقعت أن ان عجزه سيأتي أقوى

ولكن الدعوه جاءت مختلفه لمعنى البيت .. هذا مالدي

والقصيده قويه ورائعه ولافيها قصور


شكرا لك يابو ناصر على الجهود الطيبه

ابو ناصر

بيض الله وجهك

على الجهود المبذوله


صح السان شاعرها ولاهان


ولكن لديه بعض الملاحظات مع احترامي لكل من سبقني بالتعليق

الشاعر اللي مايصون الحرف ويهدم الجسـور
ودك مايلقى له معـه الشعّـار مجلـس للأبـد

الشطر الثاني حرف الهاء في كلمة معه زايد

ودك ما يلقى له مع الشعار مجلس للابد


خلوه يلقى له مكان معا النسـاء وإلآ البـزور
لايقتحم مجلس هل النامـوس وصقـور الهـدد

يوجد ثقل بالشطر الاول

بين له الجفوى وخل ماكنه من ضمن الحضور
واليا ابلشك بالهرج قول اسكت ياعلـك لرمـد

وايضا يوجد هنا ثقل بالشطر الاول


ترى المجامل ماهو مطلوب في بعض الأمـور
والا بعض لحيـان مطلـوب المجمـل والكمـد

الشطر الاول ناقص حرف الباء

ترى المجامل ماهو بمطلوب في بعض الامور

هذي وجهت نظري وهي معرضه للخطا والصوب

هذا لا ينقص من القصيده القصيده رائعه وصح السان شاعرها

لك تحياتي

ابو ناصر

لاهنت على هذا الجهد الرائع

واما القصيده فهي قصيدة شاعر له منا كل الاحترام ونحيي فيه شجاعته على طرح قصيدته

الا انا هناك بعض الملاحظات رغم اني لااحب النقد

الشاعر اللي مايصون الحرف ويهدم الجسـور
ودك مايلقى له معـه الشعّـار مجلـس للأبـد
مثله يهدم الشعـر مايبنيـه ويعمـد القصـور
ولا يحـل الحبـل بأفكـاره ليـا منـه انعقـد
طول السنين الغبر وهو من دبـورٍ فـي دبـور
تكفـون لاشفتـوه قولـوا قـم ليامنـه قعـد

بداية القصيده لاتعتبر بدايه من المفروض ان يكون قبلها بيت او بيتين

الشاعر اللي مايصون الحرف ويهدم الجسـور ــــــــــــــــــ ماذا يقصد بهدم الجسور المعنى غير واضح ؟

تكفـون لاشفتـوه قولـوا قـم ليامنـه قعـد ــــــــــــــــــــــ هل نقول له قم على شان قصيدته غير موزونه مثلآ !!!!

ياكثر ماشفنـا شخابيـط الخنافـس والطيـور

على صدر صفحة تراث المجد من قـل الجهـد

الشطر الاول تركيبته ضعيفه لو استبدل كلمتا الخنافس والطيور لكان افضل

(( بين له الجفوى وخل ماكنه من ضمن الحضـور
واليا ابلشك بالهرج قول اسكـت ياعلـك لرمـد ))

وكذلك

ترى المجامل ماهو مطلوب في بعض الأمـور
والا بعض لحيـان مطلـوب المجمـل والكمـد

اوافق الاخوان فهد بن صلبوخ وحسن الوطري في تعليقهم على البيتين اعلاه

ارجو ان يتسع صدر شاعرها لهذه الملاحظات


تحياتي

هلا يابو ناصر

الموضوع جيد ولكن شاعرنا لم يصوغه بالطريقه الجيده.

اشكره على شجاعته وانا لست بناقد ولكن هناك العديد من الكلمات الضعيفه اوردها الشاعر كان بامكانه استبدالها،،
بشكل عام نص عادي لايوجد به صور ابداعيه ولاقوة سبك
ارجو من شاعرنا العذر

[align=center]هلابوناصر
الحقيقه نص جيد
وملاحظتي على هذاالنص وغيره هي ايراد بعض الكلمات الشاذه لفظا والغير مقبوله لدى المتلقي مهما حاول الشاعر ان يصوغها بطريقه جزله الا ان الكلمه لاتساعده فتبقى نقطة ضعف علىالقصيده وقائلها
تحياتي لك وله[/align]

الشعر له شعّار والمجلس له اطوال الشبور===اهل الوفاء والطيب والناموس لو طال الأمد


وان بعد هــــــــذا تـعـلــيــقــي

الشعر له شعّار والمجلس له اطـوال الشبـور
اهل الوفاء والطيب والناموس لو طـال الأمـد

إيضاََ هذا تعليقي

مع ملاحظ بأن القصيده قويه ومن شاعر متمكن وتصويره للكثير من الامور الحقيقيه

لك فااائق احترامي وتقديري

ارحب يابو ناصر


القصيده جزله ومن شاعر جزل والحقيقه

اني دورت مالقيت اي ملاحضه

الا لقيت حكم وبيوت في قمة الجزاله

لكن اضن ان الشطر هذا فيه نوع من الثقل الغير واضح


طول السنين الغبر(( وهو)) من دبـورٍ فـي دبـور

اتوقع ان كلمة وهو ثقيله

رغم اني اقول انها قصيده في قمة المعنى والحقيقي

اخوك
خالد نايف ال مسعود

صح لسان الشاعر اولا
ثانيا الموضوع لايستحق الاطاله والتركيز
لاشك ان الشاعر جيد وافكاره جميله لكن قوة اندفاعه في كتابة النص احرقت كثيرا من الابيات والنصيحه اذا اراد ان يكتب قصيده يشرب عصير ليمون


وارجوالمعذره من شاعرنا واتمنى له التوفيق

مرحبا يابوناصر

والف شكر لك وللشاعر على ثقتة وشجاعتة

انا اتفق مع الاخوان

شبيب بن شاهر
و
سعود الدهيمي

لاهنت

هلا ومرحبا

اخي سعيد عندما وضعت القصيده هنا اردت ان تكون تحت المجهر واختيارك لها موفق جداً ، خاصه ان شاعرها هنا

تكلم عن الشعر ومكانة الشعر وقيمة القصيده وكيفيه التعامل مع هذه النوعيه من الشعراء .

بما أن الشاعر تكلم عن جزالة الشعر وعن التعامل مع شاعرها لدرجة انه يقول له قم اذا قعد وانه يوضع مع النساء

والاطفال بسبب التعثر في قصيده ودخلت المرجله فهذا امر صعب ان نقوله نحن هنا ، لان الكثير لايعرف عن شاعريته

وعن مستواه ولو علم لما قال الشعر !!كيف وهو يضع السيف على رقبته .


الشعر مجال مفتوح للجميع والمجامل امر مطلوب ومع هذا لن نتكلم اكثر من ان نقول صح لسانك .

مرحبا باستاذنا قلب الذيب

حبيت أسلم طال عمرك


واترك المجال للإخوة لإثراء المشاركة بملاحظاتهم القيمة



أخوكم