نداويات..من أختيار الأ عظاء...

[align=center] ... القصيده ... [/align]


[align=center]الأخ العزيز / مطر

هذه القصيده المنشوده للشاعر الأخ الكريم / فهد بن دلباح

عسى ان تنال على استحسانكم ورضاكم

تقبل مني كل التقدير والإحترام

دمت سالماً[/align]


[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
((جعــــــل فـيــــه العافيــــــــــه))
.
من عقب مر الليالي والدهور الجافيه= ضمني واحضن فوادي بالكفوف الدافيه
واسقني الشهد المصفى من مناحل ريقك= ولارويت اضحك وقلي جعل فيه العافيه
لاتخليني مصوب فالحشا من بُعدك = قد صبرنا والليالي اللي صبرنا كافيه
ومتع فوادي بوصلك ...واستلذ بوصلي=وبكتبك احلا القصايد بحرها والقافيه
والعواذل لاتخايلها...وخلك يمي= واقطع لسان النميمه والنفوس الهافيه
ناسٍ تنقل حكيها بين خل وخله=اعلم انها لاحكت لك بالحكي مستافيه
غييضهم ,, واحضن فوادي ياحشاشة جوفي= وقلهم روحي وروحك في بعض متشافيه
واحزم ضلوعي على صدرك...ألين تقرطب=واظهر هموم الليالي والجروح الخافيه
وعوض الخافق عن غيابك وطولة صبري= وخلني باذوب في بحر العيون الصافيه
واعلم ان قلبي حلالك ما يروووح لغيرك= ونفسي لعشقك ولو طال انتظاري وافيه
وادري ان قلبك يبيني بس عقلك رافض= يتبع افكارٍ كثيره بالهوى متنافيه
فلا تطاوع عقلك وخلك مع احساسك=وعقبها بتشوف روحك بالوصل متعافيه
والا انا ....ياطي حالي ان كان ماضميتك= وذبت مابين المناكب والجعود الضافيه
واستبحت امن الليالي لحضتين لقلبي = اغتنمها والليالي بالفرح متقافيه
ولي طلب واحد قبل ما ارحل وابي تنفيذه=من قبل يرجع زماني للدهور الجافيه
ضمني...واحضن فوادي...واسقني من ريقك= ولا رويت اضحك وقلي جعل فيه العافيه
.
.
( للشاعر / فهد بن دلباح ))
[/poet]

[frame="2 90"]
[c] (( سويتها يا (......) ، يا الله حسبي عليك !!)) ~~~~ (( ديــواني في الـنـداوي )) [/c]
[/frame]

[align=center]القدير

مطر العضياني


شكرا على هذا الموضوع الجميل

أثرت المشاركه بقصيده تترقي لمسمى هذا الصرح

ولذائقه الشعريه الرفيعه


:

بدءا يتضمن أختياري طرح ٍ أجتماعي متفرد من حيث الآتي :


أولاً : الفكره التي تضمنها النص

ثانيا ً : السبق في طرح هذه الفكره

ثالثاً : الكيفيه في طرح وعرض الفكره

رابعاً : السلاسه في الطرح وأنتقاء المفرده


وقد تمكن الشاعر في هذا النص الاجتماعي

ومدى تمكنه يكمن في جذب القارىء الي النص وتفاعله معه

حيث قلما يبرز شاعر من خلال نص أجتماعي

والقصور لايكمن في القارىء بقدر ما يكمن في طريقه واسلوب الطرح.



:

لكم هذه المتفرده


:


الخطيئه

.. .. ..

من انتي ياأنا باسأل ولو ان الأمل مفقود
بإنك تنبتي فيني كرز ، واقطف إجاباتك



من ايام الطفوله والسؤال بداخلي موجود
نبت فيني واشوف الغصن يثمر مع معاناتك



محمد باسمه بندر مها، واحلام معها سعود
من ايام الطفوله واسئلتهم في محيطاتك



من انتي؟ وين ابوك؟ وليه سافر؟ ليه لك مايعود؟
سألنا كلما نسأل جوابك يشبه سكاتك



تقولي بانهم أهلك ، وإخوانك فهد وعهود
أجل ليه اختلاف اسم العوائل عن ملفاتك؟!!



كبرت ، وكلما أكبر أشيل بداخلي مولود
كثيره هي مواليدي ، واساميهم سؤالاتك



كبيره صارت ذنوبي على صحراي كم مؤود
من اطفالي واشوفك ياأنا واعيش مأساتك



أنا نزوة كفر في دار فيني بابها موصود؟!
أنا غلطة أبو؟ ياكبرها يابوي غلطاتك



أنا قسوة /أرق أنثى سكب من شهدها المنشود
على وحل الرذيله من رجتْه يكون لعناتك؟



إذا صليت انا مدري أجازيهم دعاء جحود؟
سؤال بداخلي يانفس اذا حانت صلاواتك



قريت لوالديني حق لكن وينهم !! واجود
مدر ّستي إذا إنتي مكاني ، وش هي سواتك؟!!



عيون الناس تزرع بي سنابل / والألم محصود
تهلّي ياعيوني في حصاد الحزن دمعاتك



أنا من هي أنا؟!! طال انتظاري والأمل مفقود
على صحرا سنيني ياأنا ماتت إجاباتك





عبدالله العويمر [/align]

أهلا بك أخي مطر وكل من يقرأ الموضوع,


أتمنى من الجميع ان يجتهدوا في الإختيار ويلتمسوا الجمال الحقيقي والإبداع المتفرد فعلاً لأن إختيار الإنسان دليل على عقله وعلى ذائقته وفي رأيي علي فهمه للشعر وأصوله....

هذا النص في رأيي من أجمل ما طرح في النداوي إن لم يكن الأجمل والأبرز والأجزل وهو للشاعر العلم "سعدبن جدلان"



[poet font="Simplified Arabic,5,orange,bold,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""]
يا ذا الجلال اللي عروشك فوق واملاكك حدر = ومهماً تسامت به عروشه مستحيل يطولها

يا حي يا قيّوم يا ذا الأنافة والكبر = ما نافسك في عظمتك مكر العباد وهولها

وما نافسك من عمّر بيوته على سطح القمر = واللّي ترسي فوق أقاليم المياه سطولها

ما انته بحاجة من عبد ولا بحاجة من كفر = ولا بحاجة ثابت الدنيا ولا منقولها

أنت السميع لمن حمد وأنت المزيد لمن شكر = واللي ما يشكر نعمة المنعم عليه تزولها

ياذا الجبروت العظيم ويا القدير المقتدر = تفزع لنا في معضلات ما نريس حلولها

تلعب بنا خلاّن فرغتنا كما لعب الكور = أن اقبلت صاحوا لها وأن دبّرت صاحوا لها

لا هبّنا الطايف بعض الأحيان في فية عصر = شهب الليالي من ورانا يسحبن ذيولها

أنت السلام اللي لك الإسلام وانت المشمخر= اللي عجايب قدرتك في المعجبين ذهولها

سلام يا محمد رسول الله راعي الوجه الأغر = وسلام يا روح ملائكة السما صلّوا لها

سلام يا بو بكر يا عثمان يا علي وعمر = وسلام يا سبع الآفاق أطلالها وسفولها

سلام يا صدق النوى سلام يا وسع الصدر = سلام يا مفتاح بيبان الفرج وقفولها

وسلام يا شمس الضحى تشرق على بر وبحر = وتشرق على كل الديار جبالها وسهولها

وسلام يا غر السحاب اللي تبجح بالمطر = وشم الجبال اللي تبجح بالسحاب قذولها

وسلام يا هوج الرياح اللي عطاها مستمر = مهما خذوا منها من الحسنات ما ردوا لها

ليت الرحاب اللي لنا بوجيهها حق وقدر = ما تضمحل من الزمان ولا نشوف سمولها

و ياليتنا لاما سرحنا اليوم الأبيض من فجر = تبطي عبات الليل ما تضفي عليه سدولها

ولاّ ليامنها ضفن سدولها يطلع بدر = يا صل ضياه اللي على الكوره تطق طبولها

المعتبر يآخذ على الدنيا دروس من العبر = والناس يكسبها معاملها بقد عقولها

أحيان تصدف لعبة الشاطر مع غلطة عمر = مره .. لكن لا عدت الغلطة ما عاد ينولها

حنا عرفنا كلنا ما طال من شيء قصر = والأحلام ماتوا قبلنا شرهين ما وصلوا لها

حتى الجمال اللي تحمّلها الهقاوي بالصبر = يالله بحملتها تقوم وتدّرج بحمولها

والحب سيسان العبادة والعبادة بالجهر = ان ما قدرت تقولها وجه الصحيح يقولها

يسرون عميان المحبة تيه في غدرا الغدر = للي تحد سيوفها واللي تعن خيولها

ولا تفكر في غناة ولا تفكر في فقر = وتشفع لبيضان الصدور احضوضها وفعولها

واهل التكلف بالمعرفة والتصنع بالبشر = والله ما هي حول الصحيح ولا الصحيح بحولها

اللي يفضّل ما يقيم بو ميه من بو عشر = حتى الفضولية عن الفاضل بطل مفعلوها

اللي تخبره لحيته ذا ..طولها يصبح بزر = واللي تخبره بزر يصبح لحيته ذا ..طولها
[/poet]


سعد بن جدلان الأكلبي

بيشة / الشقيقة

اخوي الغالي مطر العضياني

مضوع تشكر عليه

رائع و جديد

وانا بصراحة سمعت البارح في برنامج بحور القوافي وكان اللقاء مع الشاعر الرائع بحق

مشاري المري

وسمعت منه قصيدة و اعجبتني غاية الاعجاب و احببت ان اشارك بها في هذا الموضوع و عسى ان تنال رضاكم

[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
كلٍ بياخذ من اللذّات مقسومه = لو إيتقعّد له اللي مربحه .. مكره
والله يعين الذي ما يعمل ليومه = طامع فبكره ويمكن موتته؟! بكره ؟
مايدري إن خطّه الأقدار مرسومه = بيد الذّي لا طواه الهم .. يفتكره !!
العبد ؟؟؟ بيموت لو إيحقّق إحلومه = والرابح اللي بتتبع ( ونــعـــم ) ذكره
وأنا افعل الطيب باللي تثمر عزومه = ولا أترجي منه لا مدحه .. ولا شكره
والى دريت إن رفيقي كثرت همومه = وإن ظيقة الصدر .. والونّات .. تحتكره
آآتيه كنّي (( مروّع من حلو نومه )) = وأقول أنا لك من الدينار الى السّكره
سكره !! تجّود إبن آدم بحلقومه = في ساعه .. يلف فعله لفه البكره
وإن غاب .. أكلمه .. وآلاغيه .. وآلومه = وآحاول أعرف وش اللي مشغل فكره
لانه سنافي وتطلق وجهه علومه = حرٍ .. حيامه نزيه .. ومجلسه وكره
والى تعنّا له اللي يحسب قدومه = إن ماذبح له قعودٍ .. ذبح له بكره
وترحيبته كم كلمة حب ملمومه = وكرمه موهوب به ماهوب مبتكره
خلقه .. يروم المراجل صدق وترومه = حتى زهته ( ونــعــم ) .. لكن على فكره !!!
والله ما يقرف الطيب من هدومه = الاّ .. الى شاف من غاليه مايكره




وسلامتكم

مشاري بن علي بن مرعي المري




[/poet][/QUOTE]


تحياتي للجميع

اخوك فيصل العاصمي

أشكر الأ خوه/والأخواة الذين أتحفونا بأختياراتهم

وأتمنى المزيد من التواصل

لنصل الى مبتغانا والهدف الذي ننشده من طرح مثل هذه المواضيع


التقدير الكامل /لكم

مرحبا ومسهلا يالعضياني



فكره طيبه وهادفه

وتشكر عليها ,,


ومن اجمل القصائد اللي قريتها في المنتدى هي (( الخيانه )) للشاعر المبدع محمد العاطفي من غير قصور في الشعراء
لكن القصيدة ذي اعجبتني صدق الأعجاب ,,

















ملاك الحسن لو ترحل وتطوي صفحة النسيـان
ابفتح صفحة الذكرى وجرحي صعـب نسيانـة


بداية جرحك الغادر نهايـة فـي حيـاة انسـان
نهاية حلم مدري علـم بيـن انسـان وانسانـة


ملاك الحسن ياشين القهـر والغـدر والحقـران
يموت الحر شامـخ راس مايرضـى بحقرانـة


عزيز النفس مايخضع ولا يرضـخ ولا ينهـان
ويموت الذيب جوع ولا كلامـن لحـم ذرعانـة


انا استاهل وانا المخطي وانا البادي وانا الغلطان
وثقـت بقلبـي الطيـب حشاماقـول غلطانـة


تجازيـن الوفابالغدرهـذا هـو جزألاحـسـان
جريمة مابعدها جـرم وابشـع ضلـم وخيانـة


انا مطرد ورى المقفى ولااوقف علـى البيبـان
.وعزة نفسي اكبر مـن كـلام افـلان وافلانـة


ابروي قصة الشاعر علـى نغمـة وتـر فنـان
واداعـب مفـردات البيـت واغنيـة بالحانـة


على سبت القدم عنيت رجلـي داخـل البستـان
ولديـت النضـر واغرانـي البستـان بالوانـة


وشفت الزهر والنرجس وورد الفـل والريحـان
ولا مالت غصون القلب غيـر لغصـن ريحانـة


لاكن الشمس غابت والشفق في لحضه الحرمان
رمى حزنه على الحض الشقى وصبحت قربانـه


ورسمني للجفاءصوره كتبني للشقـى عنـوان
وضاعت بسمة العاشـق عشيـة غـدر خلانـة


ملاك الحسن لو ترحل وتطوي صفحة النسيـان
ترى جرحي بقلبـي ينـزف ولا هـان نسيانـة


الله يصح السانك

للفايده .....