القصيده ومسكة الخط الطويل

السلام عليكم

اسمحولي على عدم الالتزام باللغه العربيه الفصحه

يقول بعض الشعراء

ان الشاعر اذا كان على الموتر اللي مهتويه ويمسك خطوط طويله يكون قصيده دائماً يتميز بكثرة الانتاج وطوله

لان المسافه تأثر على الشاعر وطبعاً طول القصيده ماله اي صله بقوة القصيده او ضعفها

واذكر ان احد الاخوان استشهد بشعراء البحرين ان اغلب قصائدهم قصيره وغنائيه لقصر المسافات اللي يقطعونها داخل البحرين

ولكن من واقع تجربه شخصيه ولا ادري اذا كان شامله الجميع او تخصني انا بالذات

يوم كان دوامي قريب ما يتعدا 10 كيلو كنت اكتب قصايد طوال وقصايد قصار على حسب اللهام الشعري

والان بعد ماصار دوامي 300كيلو رايح جاي يومياً لم يتغير شي ابداً فاللهام الشعري هو من يحدد عدد ابيات القصيده

وليس المسافات والطرق الطويله.



انتو وش رايكم في ذا الموضوع اتمنى ان اسمع اراء الاخوه الكرام



تحياتي للجميع

ياهلا يابو محمد وكل عام وانت بخير


والله يافهد انا لي خمس سنوات وانا امسك خط الرياض الشرقية تقريبا كل اسبوع او اسبوعين .. وانت خويي وخابر


واحس اني ما تهيض الا فالخط الطويل خصوصا اذا الجو حلو ولا كنت ساري فالليل

لكن طول القصيدة وقصرها ماله علاقة احيانا تجي مثلا عشرين بيت وفوق واحيان عشر واثعشر بيت ..

لكن انا اتوقع انك بعد فترة بتحس بالفرق

لاهنت

[align=center]




أهلا بك أخي فهد


فعلاً تساؤل جدير بالبحث وأشكرك على إثارة هذه القضيه


أعتقد بأن طول السفر يولد حالة نفسيه خاصه لا يمر بها الشاعر المقيم او قليل السفر, فشعور الغربه وترقب المفاجآت والوحشه له دور كبير في أستثارة قريحة الشاعر بالذات نحو ما يشغل تفكيره من هموم او تحديات الحياه التي تؤرقه...

وغالباً ما تدفع هذه الحاله الشاعر للتعبير عن ما يخالجه من مشاعر وأعتقد بأنه كلما طالت المسافات التي يقطعها الشاعر كلما طال الوقت الذي يخلو به الشاعر بنفسه وهذا يؤدي الى زيادة طول نفس الشاعر في كتابة النص بشرط إستمرار الحاله النفسيه التي يدخل فيها الشاعر...


أعتقد بأنه ربما كانت طول مسافة السفر وتكراره او إستمرار حالة التنقل بالذات بالسياره يؤدي الى طول في نصوص بعض الشعراء وليس كلهم , والله أعلم



وشكراً لك مرة أخرى أخي الفاضل[/align]