النص العاشر في إختبار النجوم ...هنا !!!

[align=center]
السلام عليكم ورحمة الله وبركاته


هنا بين أيديكم النص العاشر في "برنامج إختبار النجوم" ...

المطلوب هو تعليقاتكم أونقدكم علي النص بكل امانه وحياديه, وطبعاً إسم الشاعر معروف لدي فقط وحسب ما تعهد به صاحب النص, وهذا ما سوف يزيل عوامل التأثير السلبي و الإحراج الذي قد يشكله معرفة إسم الشاعر علي كاتب الرد ... [/align]




[poet font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
عوايدك تهتم بمقابل الضيف = مافيك من شوف المسيّر رخاوه
مير البلا همي لعب بالسراجيف = تنزف جروحه كبر روس الجراوه
لاواهني من موتره عقّب السيف = رافق مع الطرقه حنين وحفاوه
ماللي خبر مثلي همومه مراديف = ياقوم يا ظرف النجف والسماوه
وش عاد بأكبر من فراق المواليف = لاتقول لي تقدر تداويه!! داوه
ما عاد لي حيله ولا عاد لي كيف = مختبصةً بطن السعاده شقاوه
ياهل الجيوب قصيّرات الرفاريف = تالي موديل وكلبوهن نقاوه
عبّو من السوبر علي التكاليف = وأصحو يجي فيكم ليان وهداوه
من شافكم يطري عليه الملاقيف = عجلين سير ولا لهاكم لهاوه
معكم خوياً ناقلاً المصاريف = قدام لاقصرت شبور الجباوه
يبلش خويّه بالرجا والمحاليف = ما طافته مادام فيها نخاوه
راعي لزومً صار نومه شفاشيف = بينه وبين النوم حرب وعداوه
قدنا على شوف الجماعه ملاهيف = قرة عيون اللي بعينه قذاوه
اجواد لامنّو قلال المعاريف = وكرمان لاشحّو قلال الرهاوه
ظفران لاناش اللهب طارف الليف = وعقّال لاخفّت عقول الدراوه
وجدي وجود ملاوية لاهب الصيف = اللي تّتبع خاليات القراوه
في كنّة الجوزاء دقاقً مواجيف = تنوي المقاد وعاد فيها شفاوه
يوم أيسن جنّك يسوفن مناكيف = كما يميل مع الهبوب العساوه
قادت تشانق عن سموم العواصيف = واللي تبي عدً وصوله قصاوه
لو باتحسف ماتفيد التحاسيف = على زمانً راح مثل الحزاوه
ما كل من واعد خلي من الزيف = بعض الوعايد مثل بيض الصعاوه
وقت الرخا حاضر وفالضيق ماشيف = يوهق اللي يحسب انه قداوه
متسمتً بالمسبحه والزخاريف = وإن ضيقو به زبدةً جوف تاوه
خلك قوي بالله وابن آدم ضعيف = وانهض ودل مع الرجال الدلاوه
عش باقي الدنيا تراها شبا سيف = متعة غرورً بين هم وطراوه
وان عشت في لندن وباريس وجنيف = مابه حياة الا حياة البداوه
تمت بذكر الله منشي المقانيف = اللي خضعنا له سجود وتلاوه
[/poet]



.




.




.

أولاً القصيدة حازت على إعجابي ..
ثانياً هناك بعض الملاحظات :
1. اول اربع ابيات غير مرتبطه ببعضها .. ولكن من البيت الرابع إلى آخر القصيدة فهي مرتبطه إرتباطاً وثيقاً .
2.وفق الشاعر في اختيار القافيه .. حيث ان القافيه الأولى "يف" فيها مد بالياء والقافيه الأخرى "اوه" فيها مد بالألف مما يجعل لها وقعاً موسيقياً يطرب قارئها .
3.القصيده تدل على أن الشاعر "محترف" حيث أنها خلت من أخطاء "المبتدئين" .
4.نستيطع القول بأن القصيده متكامله الموضوع مترابطه المتن -باستثناء الأربع ابيات الأولى- .

وفي الختام اسمحولي ان ابارك للشاعر بهذه القصيده الجميله ... [بدون مجامله]
وصح لسان من قالها ..

صح الله لسان قائل هذه القصيده التي اعتبرها ناجحه بكل المقاييس


اوافق الاخ صلاح العرجاني بأن الشاعر ليس مبتديْ بل متمكن وهذا مايميز القصيده


اتمنى لشاعرها دوام الابداع كما فعل


لاهنت ياسعيد

ياهلا ومرحبا يابو ناصر





ولاهنت على جهودك الطيبه




وعلمك غانم



اما القصيده فقووول في البدايه صح الله السان شاعرها




والقصيده مستواها لا يتعدى جيد من وجة نظري المتواضعه

ففي البدايه لم تحمل الابيات الاربعه اي مقدمه عن الموضوع وكانت متباعدة

الافكار يعني ماكان فيه تسلسل وترابط فكري بين الابيات الاربعه]





عوايـدك تهتـم بمقابـل الضيـف مافيك من شـوف المسيّـر رخـاوه



مير البلا همـي لعـب بالسراجيـف تنزف جروحه كبر روس الجـراوه

البيت الاول كان جيد ولكن المشكله في البيت الاخر فلم يكن بينه
وبين البيت الاول اي ربط فكري بتاتا وايضا تشبيهه لجرووحه
بكبر روس الجراوه وصف ضعيف جدا جدا من وجهة نظري




لاواهني من موتره عقّـب السيـف رافق مع الطرقـه حنيـن وحفـاوه


هذا البيت الثالث اعتقد ان مكانه المناسب قبل البيت اللي بدايته ياهل الجيوب ليكون هناك تناسق وترابط بين الابيات


ماللي خبر مثلي همومـه مراديـف ياقوم يا ظرف النجـف والسمـاوه


وش عاد بأكبر من فراق المواليـف لاتقول لـي تقـدر تداويـه!! داوه
ما عاد لي حيله ولا عاد لـي كيـف مختبصـةً بطـن السعـاده شقـاوه


بيتين جملين وبينهم ترابط



هنا يكون المكان المناسب للبيت الثالث


ياهل الجيوب قصيّـرات الرفاريـف تالـي موديـل وكلبوهـن نـقـاوه
عبّو من السوبـر علـي التكاليـف وأصحو يجي فيكـم ليـان وهـداوه
من شافكم يطري عليـه الملاقيـف عجليـن سيـر ولا لهاكـم لهـاوه
معكـم خويـاً ناقـلاً المصـاريـف قـدام لاقصـرت شبـور الجبـاوه
يبلش خويّـه بالرجـا والمحاليـف مـا طافتـه مـادام فيهـا نـخـاوه
راعي لزومً صار نومـه شفاشيـف بينه وبين النـوم حـرب وعـداوه
قدنا على شوف الجماعـه ملاهيـفقـرة عيـون اللـي بعينـه قـذاوه
اجـواد لامنّـو قـلال المعـاريـف وكرمـان لاشحّـو قـلال الرهـاوه
ظفران لاناش اللهب طارف الليـف وعقّـال لاخفّـت عقـول الـدراوه
وجدي وجود ملاوية لاهب الصيـف اللـي تّتبـع خالـيـات الـقـراوه
في كنّة الجـوزاء دقـاقً مواجيـف تنوي المقاد وعـاد فيهـا شفـاوه
يوم أيسن جنّـك يسوفـن مناكيـف كما يميـل مـع الهبـوب العسـاوه
قادت تشانق عن سموم العواصيـف واللي تبـي عـدً وصولـه قصـاوه
لـو باتحسـف ماتفيـد التحاسيـفعلـى زمـانً راح مثـل الحـزاوه
ما كل من واعد خلي مـن الزيـفبعض الوعايد مثل بيـض الصعـاوه
وقت الرخا حاضر وفالضيق ماشيفيوهق اللـي يحسـب انـه قـداوه
متسمـتً بالمسبحـه والزخاريـف وإن ضيقو به زبـدةً جـوف تـاوه

توظيف (جوف) اعتقد بان الشاعر لم يوفق لايصال المعنى الذي يريده
ولو قال (( زبدةٍ وسط تاوه)) لكان افضل من وجهة نظري


خلك قوي بالله وابـن آدم ضعيـف وانهض ودل مـع الرجـال الـدلاوه


وابن ادم ضعيف كانه يعمم الضعف على ابن آدم بشكل عام ويقطع عنه مصدر القوه مع انه
ذكر ان قوة ابن ادم بارتباطه بالله ولكنه لم يوصل المعنى بشكل جيد
ولو قال خلك قوي بالله ترى ابن ادم ضعيف )) لكان افضل لانه يذكر بضعف الانسان من ناحيه
ويربط قوة الانسان بارتباطه بالله وتكون واضحه بشكل افضل للقاريء




عش باقي الدنيا تراها شبـا سيـف متعة غـرورً بيـن هـم وطـراوه
وان عشت في لندن وباريس وجنيف مابـه حيـاة الا حـيـاة الـبـداوه
تمت بذكـر الله منشـي المقانيـف اللي خضعنـا لـه سجـود وتـلاوه



الابيات الثلاث الاخيره جميله جدا والقفله اجمل ولايوجد لدي عليها اي ملاحظه بالعكس جميله ومترابطه



(( وهناك ملاحظه مهمه جدا وهي ان الشاعر قام بعسف الكثير من المفردات
حتى تمشي مع قافية الصدر وعلى سبيل المثال(قداوه) عسف
واضح والمراد منها كمت فهمت من الشاعر هي القدوه ان يكون
الانسان قدوه لغيره ونلاحظ الفرق الكبير بين قداوه وقدوه____ وايضا (قصاوه)
ويعني الشاعر هنا في القصاوه هو الاقصى وهو الشي البعيد والقاصي الذي
دونه مشقه و يصعب الوصول اليه وهنا يتضح لنا العسف الواضح ايضا
في هذه المفرده____ (العساوه) بصراحه لم افهم معنا ها عشان اعلق عليها
___ا(لقذاوه) ايضا وهو يقصد القذى الذي يدخل العين ولكنه لايسمى قذاوه
____وايضا نخاوه وهو واضح ان الشاعر يقصد النخوه ......................))




هذا مالدى مع ذكران الشاعر من وجهة نظري اطال بالقصيده اكثر من اللازم وكان يمكن
تنقيحها لتظهر بشكل افضل مما ظهرت عليه .


والكثير الكثير مما حملته هذه القصيده من عسف وااضح للمفردات وعدم تناسق بين الابيات وهو ماذكرته آنفا وارجوووووو ان يتقبل مني صاحب النص هذه الملاحظات بصدر رحب



وهذي هي وجهة نظري الصريحه بالنسبه لي وقد تكون وجهة نظر خااطئه تحتمل الصواب



صح الله السان الشاعر



وبيض الله وجههه


وانا احييييه فيه الشجاعه الادبيه لطرحه هذا النص للنقد


والله يوفقه ويوفق الجميع ان شاء الله


ودمتم بالف خير

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
وجدي وجود ملاوية لاهب الصيـف=اللـي تّتبـع خالـيـات الـقـراوه
[/poet]
[align=center]ياسلام[/align]
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
وان عشت في لندن وباريس وجنيف=مابـه حيـاة الا حـيـاة الـبـداوه
[/poet]
[align=center]صدقت ولاكذبت

تحيه طيبه لك يابو ناصر ولصاحب القصيده وللاخوان الكرام

القصيده من وجهة نظري قصيدة شاعر متمكن وليس لدي عليها ملاحظات
وافيه وجزله
وكل شخص له وجهة نظر واحترمها
صح لسان شاعرها وبيض الله وجهه



تحياتي

[/align]

[align=center] الــــــــــــــــسلام عليكم





قصيده عملاقه




كتبها عملاق شعر





تحياتي للجميع[/align]

صح الله لسان قايلها


قصيده طيبه من شاعر متمكن




القصيده تستاهل الثناء والشاعر يستاهل التحيه







تحياتي للجميع

ابو ناصر

لاهنت على كل جهد تبذله

مع احترامي لوجهات نظر اخوني النداويه


القصيده مستواها عادي ويوجد بها عسف وجبر للمفرده لكي تكون على القافيه

مثل هذيين البيتين

ما كل من واعد خلي مـن الزيـفبعض الوعايد مثل بيـض الصعـاوه
وقت الرخا حاضر وفالضيق ماشيفيوهق اللـي يحسـب انـه قـداوه


المعروف هو بيض الصعو وليس الصعاوه


قداوه هل يريد بها شاعرها انه قدوه ولكن عسف المفرده وجبرها من اجل القافيه

هذي وجهة نظري ومعرضه للخطاء والصواب

وارجو من شاعر النص ان يتقبل ما ذكرته برحابة صدر



تحياتي

اولا احترم وأقدر من عرض نصه هنا لمشرط الناقد


والتحيه لبو ناصر على سن هذه السنه الجيده


من وجهة نظري انها قصيده عاديه على الطراز القديم كما يقال
يجب أن يتطور الشعر الشعبي مثله مثل التطور الحاصل دون الاخلال بالمعنى


صحيح أن هناك فيها ابيات معدود ه جيده أم الباقي فهي جبر المفرده على القافيه


مثل كلمة الدلاوه والصعاوه ومعروف انها لاتجمع بهذا الشكل


البدايه كانت جيده فالاربعه أبيات ثم اتى بهذا البيت واعتقد انه ضعيف جدا



مير البلا همـي لعـب بالسراجيـف تنزف جروحه كبر روس الجـراوه



توظيف في غير مكانه فيه مبالغه والمثل ركيك يجب أن يتعب الشاعر على أختيار المفرده وأن نساير التطور



مع العلم اننا لو نعرض قصايدنا لمشرط الناقد لكن الامر أدهى وامر لكن لانمتلك شجاعة من عرض نصه للنقد ونحن لانملك وسيلة النقد الصحيحه انما وجهة نظر متذوق

هلا يابو ناصر

القصيده مثل قصيد الناس فيها محاسن وفيها عيوب لاهي بالمتميزه ولاهي بالركيكه كلها

يقول الشاعر:
عوايـدك تهتـم بمقابـل الضيـف مافيك من شـوف المسيّـر رخـاوه
مير البلا همـي لعـب بالسراجيـف تنزف جروحه كبر روس الجـراوه
اعتقد ان عجز البيت الثاني ضعيف ويستحي الشاعر من قوله في مجلسٍ ما لذلك هو ضعيف..

ويقول:
ياهل الجيوب قصيّـرات الرفاريـفتالـي موديـل وكلبوهـن نـقـاوه
جميل جدا جدا البيت في نظري..


ويقول:
قدنا على شوف الجماعـه ملاهيـف قـرة عيـون اللـي بعينـه قـذاوه
جميل هذا البيت ايضاً..
اجـواد لامنّـو قـلال المعـاريـف وكرمـان لاشحّـو قـلال الرهـاوه
ظفران لاناش اللهب طارف الليـف وعقّـال لاخفّـت عقـول الـدراوه

الرهاوه والدراوه تؤدي المعنى ولكنها معسوفه. فالرهاوه يقصد رجال رهي ّ ومرهي ولكن العسف واضح وجلي...


ويقول:
عش باقي الدنيا تراها شبـا سيـفمتعة غـرورً بيـن هـم وطـراوه
وان عشت في لندن وباريس وجنيفمابـه حيـاة الا حـيـاة الـبـداوه
قمه هالبيتين وجمالهما لايضاهى ولو كانن قفلة القصيده في نظري لكانت اقوى واقوى..

فالختام هذا رايئ وقد اكون صائب وقد اكون مخطئ لكن ارجو تقبله بصدر رحب...

السلام عليكم
اشكر اخوي سعيد الحمالي على جهوده الواضحه ... وعلى الاختيار المميّز

اولاّ : القصيده قصيدة شاعر متمكن وليس بمبتدي والدليل ثقة شاعرها كثقة القصيده بنفسها .. ومن وجهة نظري القصيده ممتازه ولا عليها كلام اعجبتني جداّ ..وعلى قولة المثل .. لولا الاذواق لابارت السلع ...عكس أراء بعض الاخوان الافاضل

ثانيّا : عوايـدك تهتـم بمقابـل الضيـف مافيك من شـوف المسيّـر رخـاوه
مير البلا همـي لعـب بالسراجيـف تنزف جروحه كبر روس الجـراوه

دائماّ الشاعر يحاول ان يدخل فالقصيده اكثر من فكره ... واحتمال ان يكون للشاعر غرض من هذه الصفه لانعلم بها كما يقولون المعنى في بطن الشاعر .. ولكن لانخذل مستوى القصيده ونشبهها بالشي القليل وهي تستحق اكثر من ذلك ولا احد معصوم من الخطا الا الانبياء عليهم الصلاة والسلام


مير البلا همـي لعـب بالسراجيـف تنزف جروحه كبر روس الجـراوه

اكثر الاخوان علّق على ضعف مفردة الجراوه ؟؟ واستغرب منهم ذلك لان الشعراء تطرقواّ لمعاني شبيهه ولا احد انتقدهم من قبل ويعتبرون اساتذة شعر وحصون حصينه وقدوه للجيل الحالي امثال الشاعر عبدالله بن عون عندما قال

لو يملكون ارقام الاموال حتيش % در الحماره دوب يكفي جحشها

ليش ماانتقدنا عبدالله بن عون وقلنا تشبيه ضعيف معنّه استأصل الفكره وبشكل جريئ ومفهوم وقلنا لو تغيّر المفرده يكون افضل للقصيده معن القصيده من افضل نوادر بن عون

تشبيه الشاعر بليغ ... وبحكم قافيّة العجز اجبرته على ذلك ولا اشوف فيه شي يقلل من جمال القصيده ويوصفها بالشيئ العادي

وعندي ملاحظه للشاعر محمد العرجاني ...يوم يقول :


خلك قوي بالله وابـن آدم ضعيـف وانهض ودل مـع الرجـال الـدلاوه


وابن ادم ضعيف كانه يعمم الضعف على ابن آدم بشكل عام ويقطع عنه مصدر القوه مع انه
ذكر ان قوة ابن ادم بارتباطه بالله ولكنه لم يوصل المعنى بشكل جيد
ولو قال خلك قوي بالله ترى ابن ادم ضعيف )) لكان افضل لانه يذكر بضعف الانسان من ناحيه
ويربط قوة الانسان بارتباطه بالله وتكون واضحه بشكل افضل للقاريء



محمد اعتقد ان البيت واضح كتوضيح تفسيرك له .... لانّه بالفعل ابن ادم ضعيف ولا تتقوى عزائمه الا بالله سبحانه
مفردة ترى .. ومفردة الشاعر وابن .. كلها تؤدي للغرض نفسه ... لانه قال خلك قوي بالله .. ماقال خلك قوي بنفسك ؟؟ لانه استعان بالله وكلنا نستعين بالله فأعتقد انّ شرحك للبيت بيّن من البيت نفسه ولا يحتاج شرح ....وأعتقد انّك توافقني الرأي


من ناحيتي القصيده جزله وتستاهل لان معانيها ساميه وجزله بمعنى الكلام ولا عليها غبار .... واتمنى معرفة شاعرها وبلغوه الاعجاب مني



وجهة نظر خاصه فيني ... واتمنى اني قد اصبت في رأيي

تحياتي لكم

السلام عليكم ورحمة الله وبركاته

اولاً اقول لقائل الأبيات صح الســانـك

والله جزله من شاعر متمكن وجزل

وهذي القصيده قمه من شاعر قمه

لكن لي نقد بسيط ومختصر
وخير الكلام ماقل ودل

عندي ملاحظه في هذا الشطر من البيت وقد سبق ان علقو عنها الأخوه الشعراء الذين تفضلو بنقد القصيده
خلك قوي بالله وابـن آدم ضعيـف

جعل الكلمات الثلاث الأولى (خلك قوي بالله ).....لم تربط المعنى بالكلمات الثلاث الأخيره( وابـن آدم ضعيـف)..

هذا مالديه وأرجو ان اكون وفقت

وأرجو من الأخ سعيد ان يوصل سلامي لقائل هذي الأبيات ويبلغه بجزالة شعره

تقبلوا جميعاً مني خالص التحيه والتقدير
فـــهــــد الــذبــيـــانــي

يعطيك العافيه يابو ناصـر ...

بكل صراحه القصيده جميله وفيها معاني اعجبتني كثير ..

وما اتفق مع بعض الاخوان في ملاحظاتهم ...

من ناحية العسـف .. فقد سبق الشاعر كثير قبله لهذا ...

والمهم وصول المعنى بشرط عدم الاخلال الكبير بالكلمه وجمالها ...

صح لسانه وسلمت ...

تحيتي ؛