( مقتطفــاتــي)

[align=center][/align]

[poem=font="Simplified Arabic,5,#205B23,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
غني على الغصن الـ .خَضَر يالحمامه=وأنا معك كلي على الغصن وأوحيـك
أنتي على بحـر الامـن والسلامـه=وأنا على بحر الخطر يـوم ألاحيـك !!
[/poem]

[align=left][/align]

[poem=font="Simplified Arabic,5,#24979C,bold,normal" bkcolor="" bkimage="" border="none,4,#400000" type=2 line=0 align=left use=ex num="0,#400000"]
كل ليله رساله موجزه من وفاك=والمساا لاوصلني من جنابك كفايه
يسعد الله مسايه من سعادة مساك=من سعادة مساك أسعد ويسعد مسايه
لو بعيد وبعيده,عايشه في سماك=لوتعذّر ظروفي خارجه عن هوايه
والزمن مانشدعني ولا عن رضاك=والمشاعر لها في جرة الحرف غايه
والجواب المغلف مع دجى الليل جاك=فيه أنا بـ .أنتظارك كل مافـ .الحكايه[/poem]

[align=center][/align]

[poem=font="Simplified Arabic,5,#333326,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
في سوريا زااد التغطرس والاجرام=والشجب والانكار ماغيّر الحال
قصف وشرار ونار واجرام واعدام=وأمرّ منها كلها ذبح الاطفال
شوفوا مجازرهم على جرد الاجسام=لو دونهم ذادوا صناديد وأبطال
أنت القوي يا ذا الجلالي والاكرام=عطفك ولطفك,علّقوا فيك الآمال
عجل عليهم بالفرج قد لهم عام=والطاغيه باسط نفوذه ومحتال
عليك بالظالم,على ساحة الشام=اللي عليها الدم من بطشته سال
ونشوف أهلها من الفرح عبر الاعلام=ترقص عذاراهم على النصر بالشال[/poem]

[align=center][/align]


[poem=font="Simplified Arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
خبر وفاتك ياولي العهد غير=فجأه وهزتنا وهزت وطنّا
الله يعوُض المملكه والملك خير=ويجبر عزى الأسره ويجبر حَزَنّا[/poem]

[align=center][/align]
[poem=font="Simplified Arabic,5,#255125,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
فيني وله,فيني حنين,وفيني=شوقٍ سكن في مهجتي مشقيني
أضمّد جْروحي,وأحاكي روحي=وأخشى المخده ريشها يوحيني
مستوحشه من ديرتي,من ناسي=ماكن شيء بْدنيتي يعنيني
أعمى عْيوني شوقي المستفحل=موج البحر والورد مايغريني
وحتى النسيم العذب لامن ذعذع=كنّه على جمر الغضى صاليني
أحترت في نفسي,وأنا عن نفسي=أدري ولا أدري وش حصل,وش فيني؟
مسترهفه وأنا رهيفه خلقه=وأدنات كلمه يافهد تبكيني[/poem]

[align=center][/align]


[poem=font="Simplified Arabic,5,#722669,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
أحلى مرااحل حياتي عشتها طفله=أنام وأصحى وكلي شوق لـ .ألعابي
في كل الأيام مبسوطه ومحتفله=أحيا بضمّة يدين أمي وتحيابي
وابوي غاية سروري يوم أسولف له=والا على منكبه رااح يْتمشّابي
ألعب مع الطير في البستان وأعْزف له=والحزن ماهز قلبي وأحرق أعصابي
ماكنت أحَسْب القدر يااتي على غفله=والموت ماكنت أظنّه يااخذ أحبابي[/poem]

[align=center]السلام عليكم ورحمة الله

الشهر عليكم مبارك
نسأل الله أن يجعلنا واياكم من المقبولين
ويتقبل منا ومنكم صالح الأعمال
ويغفر لـ والدينا ويرحمهم
وجميع موتى المسلمين,آميين

وكل عام وأنتم بخير,,[/align]

[poem=font="Simplified Arabic,5,#60135B,bold,normal" bkcolor="" bkimage="" border="none,4,#400000" type=2 line=0 align=right use=ex num="0,#400000"]
يـ .أرامكو,لاجارك الله بالاحسـان=والله لـو أنـك ياقهر,عسكريـه!
في جونا من صالـي الحر,دخـان=وعلـى الاجـازه مالنا,مقـدريـه
العام مثل اليوم,والصيف قـد زان=في ديرةٍ نسمـة هواهـا طريـه
من ماطرٍ من نصبح الصبـح,ودان=وأجواء,على ريح المطر شاعريه
واليوم في سجنك على غير برهان=حكم القوي على النفوس البريـه [/poem]

[align=right][/align]

[align=right]
تهيضت يوم الصبح شعشع وباان النـور
وقام الحمـام الراعبـي يسجـع لحونـه

تهيضت في صبحٍ سكينه وحـس طيـور
تثير المشاعـر عقـب ماهيـب مسجونـه

وكتبت القصيده وكْتبتني بـ عشر سطور
قصيـده مـن الواقـع جديـده وموزونـه
[/align]

[poem=font="Simplified Arabic,5,#5E5E42,bold,normal" bkcolor="" bkimage="" border="none,4,#400000" type=2 line=0 align=right use=ex num="0,#400000"]
بكيت من خشية الله في دُعـاء القنـوت=والشيـخ ذكّرنـي الأمـوات وأبكانـي
يدعي لهم لين هز الحزن صمت السكوت=وبكيت وأبكيت من حولـي و واسانـي
بكيت أبوي وُذكرته يوم لحظـة يمـوت=(يُم)رااح فوق النعش,وأقفوا به اخواني
[/poem]

[align=center]السلام عليكم ورحمة الله[/align]

[align=center][/align]

[align=center]تـقبل الله طاعتـكم
ومن الـ عايدين
وكل عامٍ
وأنتم بـ خير,’’[/align]

[poem=font="Simplified Arabic,5,#89228C,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
من فضل ربي يـ .المشاعر,قويتك=صمت رْمضان ومـ .أستثرتي,ولاحرف
دعيت ربي واسْتجرت وشكيتك=وصَرَفني الرحمن عن وااهجك صرف
حتى هقيت إني دَلَهت ونسيتك=من عقب ماسويتي بْروحي السرف
أيوالله إني لاجفيتك جفيتك=حتى ولو من قسوتي يبكي الطرف
أدري ضميتيني وأنا أدري ضميتك=والحين,هيا واغْرفي منبعي غرف
هيا أرعدي وأمْطر وليتك وليتك=تدرين قدني من ضمايه على جرف[/poem]

[poem=font="Simplified Arabic,5,#B31DE2,bold,normal" bkcolor="" bkimage="" border="none,4,#400000" type=2 line=0 align=left use=ex num="0,#400000"]
روحي صباح العيد جاتك هديه=مافي يدي ياروحي أغلى من الروح
جاتك على وردٍ غْصونه نديه=والعين تخفي الدمع والدمع مفضوح[/poem]

[align=center][/align]



[poem=font="Simplified Arabic,5,#4265D9,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
مسافير,والدنيا مقادير,مهما يصير=عسى خير,لو ماعاد الأيام تجمعنا
طلعنا على سطح القمر لين صرنا,غير=وحكينا وغنينا ولاحيّ,يسمعنا
ونزلنا على سطح البحر,والهدير يْثير=مشاعر غلانا تنتخينا,ولا طعنا
حروف العتب تَعْتَب,ولو خانها التعبير=عساها تلعثم,ماتقلّب مواجعنا
مسافير ياليلٍ سرى ماحصل تقصير=نقشنا البدايه والنهايه,بـ .أصابعنا[/poem]

[align=center][/align]


[poem=font="Simplified Arabic,5,#D37749,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
مواليف,مافرق جفى الوقت شملهم=على الغصن وأن هب النسيم تْميل
[/poem]