وفــــاة الــشـــاعـــر مــفــرح الــضــمــنــي قــبــل فــتــره

السلام عليكم ورحمة الله وبركاته


فقدت الساحة الشعبية علم من اعلام الشعر الشعبي و هو الشاعر الكبير والمعروف مفرح الظمني المطيري وقد كان يعاني من مرض الكبد وافاه الأجل رحمه الله واسكنه فسيح جناته
وقد وافته المنيه قبل شهرين .. في تاريخ 16/ 6/ 2005

وقد كان من المميزين والمعروفين لدى عامة الناس من خلال دوره البارز في خدمة الموروث الشعبي والفن الشعبي.. وهو شاعر قلطه كبير ومعروف في الكويت وله قصائده المميزة ومشهوره وايضا كانت له اشرطه غنائية عندما كان شابا
و يقدم الكثير من البرامج الشعبية في الاذاعة والتلفزيون والتي حظيت باهتمام بالغ لدى محبي الشعر وقد رسخ اسمه في أذهان متابعيه و لــه قاعدة جماهيرية من خلال ما يقدمه ويختاره
و له الفضل في توثق بعض الشعر ورفع مستوى الساحة الشعبية بانتقاء كل جيد وابراز الشعراء وكان يحرص على اجتذاب وابراز كل شاعر يرى قدراته وامكانياته الشعرية الجيدة.

الشاعرمفرح الظمني يندر أن نجد مثيلا له وذلك لـــ معايشتــه الشعر والشعراء ولشاعريته القوية التي عرف من خلالها لقد سخر وقته لخدمة الموروث الشعبي وتنقل بين أرجاء المملكة لتوثيق الشعر وزيارة الشعراء في منازلهم حتى ولو كانت نائية وينقل لنا شعرهم عبر ما يقدمه في برنامجه الشعبي الذي يتابع بلهفة وشوق كل اسبوع ولقد أمضى خدمة طويلة جاهداً ومجاهدا في سبيل الرقي بالموروث الشعبي


من قصائده


[poet font="Simplified Arabic,5,black,bold,normal" bkcolor="transparent" bkimage="backgrounds/6.gif" border="none,4,gray" type=2 line=200% align=center use=ex length=0 char="" num="0,black" filter=""]
لجنة التثمين صارت لي عقوبه = فرقت شمل المحبه وراعيها
يوم جيت وشفت الابواب مسحوبه= والدركتن كل طوفه يوطيها
قلت شيلوني ترى الرجل منهوبه = ما نريد المنطقه عقب غاليها
ما اعرف وين اهل الزين ودوبه = والمناطق تتعب اللي مشى فيها
[/poet]





[poet font="Simplified Arabic,5,black,bold,normal" bkcolor="transparent" bkimage="backgrounds/6.gif" border="none,4,gray" type=2 line=200% align=center use=ex length=0 char="" num="0,black" filter=""]
ياليتني مهري وابيع النفانيف =وادخل على الخفرات ما يمنعني
وأليا دخلت اشوف حلو التواصيف = ارخص لهن فالبيع ويعاملني
لأمشي واشيل الخام لو حالي اضعيف = ومن اتكلم ( خام خام) اسمعني
والله لأجيب لهن ثيابس على الكيف = وابيعهن برخيص لو خسرني
يلومني خبلٍ دفوفه مهاديف = ما لوعنه مثل ما لوعني
بطنه كبير ولا جرا له صواديف = ما هيّضه صوت الغناء والمغني
[/poet]





[poet font="Simplified Arabic,5,black,bold,normal" bkcolor="transparent" bkimage="backgrounds/6.gif" border="none,4,gray" type=2 line=200% align=center use=ex length=0 char="" num="0,black" filter=""]
يا غزالٍ نطحني مع طريق الحويه = ناثرٍ فوق جسمه من جميع الروايح
خشف ريم ربى باحضان نجد العذيه = بين خضر الرابع والغصون السبايح
طلع القذله الشقرا وسلم عليه = قال لي يا صباح الخير وين انت رايح
قلت انا التايه الللي ما عرف وش نويه = مثل طلاب رزقه من يدين شحايح
كان تقدر تساعدني وتعطف عليه = اصطحبني معك وارعرض علي النصايح
[/poet]






[poet font="Simplified Arabic,5,black,bold,normal" bkcolor="transparent" bkimage="backgrounds/6.gif" border="none,4,gray" type=2 line=200% align=center use=ex length=0 char="" num="0,black" filter=""]
لولا الحيا لاصيح خمسين صيحة=صيحة يتيم ضايمينـه عمامـه
ابوه من بين النصايب طريحـه=وامه توفت قبـل يبلـغ فطامـه
والاكسير طاح وابطـا مطيحـه=بالمعركة راحت شظايا عظامـه
يبغا الحياة وشاف روحه ذبيحه=تذكـر الفرقـا وزاد انحطامـه
على عشير منه روحي جريحـه=جرح على ماقيل طالت اسقامـه
[/poet]






[poet font="Simplified Arabic,5,black,bold,normal" bkcolor="transparent" bkimage="backgrounds/6.gif" border="none,4,gray" type=2 line=200% align=center use=ex length=0 char="" num="0,black" filter=""]
يوم جيـت البيـت ماشفـت رواد يـروده=مالقيت الا العصافيـر وأشجـار النباتـي
قلت يالجيران هالبيت مـن ذيـر عنـوده=علمونـي بالخبـر والجـواري جارياتـي
قالوا الجيران سافر ولا نعـرف وجـوده=هقوة أنه يطلـب العلـم بيـن الجامعاتـي
وأهله راحوا على موتر(ن) يطوي عمـوده=وأنتـووا مصيافهـم بالديـار البارداتـي
قالوا الجيران سافر ولا نعـرف وجـوده=هقوة أنه يطلـب العلـم بيـن الجامعاتـي
وأهله راحوا على موتر(ن) يطوي عمـوده=وأنتـووا مصيافهـم بالديـار البارداتـي
[/poet]







[poet font="Simplified Arabic,5,black,bold,normal" bkcolor="transparent" bkimage="backgrounds/6.gif" border="none,4,gray" type=2 line=200% align=center use=ex length=0 char="" num="0,black" filter=""]
ياموتري شد عزمك دقت الساعه = خلى كذب في الوعد والزام قافيني
عزي لمن صاحبه عقب الغلا باعه = زاد الجفا واشترى ناسٍ جديديني
في ما مضى لي يقول السمع والطاعه= واليوم صد وتنكر ما يحاكيني
حلفت له بالمحبه واخلف اوضاعه = حيل اللله اقوى على ما صار يا عيني
[/poet]






[poet font="Simplified Arabic,5,black,bold,normal" bkcolor="transparent" bkimage="backgrounds/6.gif" border="none,4,gray" type=2 line=200% align=center use=ex length=0 char="" num="0,black" filter=""]
بس لا تعذبني ترى البال مشغول = ما احمل عذابك واللليالي طويله
حل الهوى من بيننا حل معقول = اما تشيل الحمل وألا نشيله
هذا نصيبي عندكم ويش ابا اقول = ما عاد عندي يا اريش العين حيله
يا هين قلبٍ ما تولع بمجمول= ما ولعنه ناقضات الجديله
لا سائل عنهن ولا هو بمسؤول = ما يعرف إلا مصحفه وتهليله
[/poet]







وقد كتب به الكثير من المرثيات وإليكم هذه المرثيتان




[poet font="Simplified Arabic,5,black,bold,normal" bkcolor="transparent" bkimage="backgrounds/6.gif" border="none,4,gray" type=2 line=200% align=center use=ex length=0 char="" num="0,black" filter=""]
اهتزت ارض الشعر واختلت اركانه=والقاف باكثر حزن قاسمني
طير الشعر و المراجل كف جنحانه=من يوم قالوا توفى مفرح الضمني
ودعته الله عظيم الملك سبحانة=الشايب اللي على القيفان علمني
يوم الفقر والعسر ما صك بيبانه=كن السحايب تقول مفرح الجمني
صامل وكفه لاقال يبرهن إلسانه=ما قد عطى غير ربه كلمة ارحمني
وان جاء مجال القصيد وطرق قيفانه=كم شاعر قال قاف مفرح افحمني
ياماحلا في الخباري صوت دندانه=لا نسنس عصير ومسياه داهمني
حزن القبيلة وحزن ابناه واخوانه=ما كنه اللا شعور صادر مني
وشلون ماارثى زعيم الشعر والوانه=واغلى الفرايدعقب فرقاه تزهمني

الشاعر:: مسفر بن حسين اليامي
[/poet]



وايضا ..



[poet font="Simplified Arabic,5,black,bold,normal" bkcolor="transparent" bkimage="backgrounds/6.gif" border="none,4,gray" type=2 line=200% align=center use=ex length=0 char="" num="0,black" filter=""]
علم لفا سوى بعقلي هوايل =الله يهون ضيم صدمات الايام
مذهول فكري والمدامع همايل=وسيلت من فوق الورق حبر الاقلام
يا رب عطفك يا عظيم الفضايل=ويا رب ثبتنا على دين الاسلام
يارب مداتك اكبار وجزايل=وانت الذى حكمك على عبدك إلزام
قالوا توفى القرم راع الفعايل=اللي لخيل المراجله سرج واخطام
مفرح الضمني فريد الخصايل=اللي على جماعته درع وحزام
يتعب على البيضا بشتى الوسايل=ويزبن عليه اللى من الوقت منضام
ياكثر ما مدت ايدينه جمايل=ويا كثر ما طش الشحم قدر وايدام
الله يبيحه يوم جرد العمايل=ويغفر ذنوبه عند وقفات الانسام
تجزاه فى جنات عدن وخمايل=عيشه رغد ما بين الانهار وانغام
يا رب كل الخلق لابد زايل=وتبقى ياربي ذو الجلالا والاكرام
ويا رب عطفك يا عظيم الفضايل=ويا رب ثبتنا على دين الاسلام

للشاعر:: ناجي حمود الشيب
[/poet]





جمع واعداد سيد العذارى

تحياتي للجميع

أختي سيد العذارى


أسعد الله اوقاتك

ولاهنتي وبيض الله وجهك على الكلام الطيب

في حق المغفور له باذن الله الشاعر مفرح الضمني


والعوض في عياااله



شكرا على الموضوع


ورحمة الله الواسعه على الشاعر مفرح باذن الله




تحياتي



أخوك





عبدالناصر