اللي عجز يفرق الشيحه .. من الربله !

قليل منا من لا يعرف هذا الشامخ الشمالي ....

شاعر وناقد رائع ... برغم إبتعاده عن الساحه الشعبيه

مازال يصلنا شذاه ...

هو الشاعر .. عبد الرزاق الهذيل ..

أترككم مع هذه الشامخه ...


[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

مهما يكون الشعور اللي علي بادي=مازلت أنا الوارد اللي ماطوى حبله

على القراح الزلالي طال تردادي=أشرب وأصدّر ظما .. مدري وش أشرب له

يامن تغاربتي غيابي وهو عادي=بُعد الرجل عن دواعي ذله أهيب له

ماأمشي قبل لا أعرف الوجهه بلا قادي=ولاأصلي إلا وأنا متقبل القبله

منزالي النايفه عن حدري الوادي=ورجل(ن) يجي في مسيل السيل .. ياهِبله

أبعدت مالي غرض في ذل مقعادي=ما دام يلعب لي الذعذاع وألعب له

ماني لعرفي مع أهل العرف مترادي=لا شك كبدي من اللي شفت مندبله

يالاقية خير هاك العلم للغادي=اللي عجز يفرق الشيحه من الربله

امانتك بلغيه لكل حسادي=لا غارت الكدش وكحيلان باصطبله

أنا أول العشر ماني للعشر حادي=مالك ومال إفتراض الجاهل الأبله

يموت أنا حاسدي ماياصل أبعادي=مني نجوم السما لو يفهم أقرب له !!

ولا بد مالهايج المايج يجي هادي=وكلّ(ن) يشاف المكان اللي يناسب له

إن مِت .. مات النبي وآباي وأجدادي=وما دام لي يوم ماني ميّتٍ قبله[/poem]

[align=center]وسلامتكم

للرائع

عبد الرزاق الهذيل [/align]