[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يابو سعد طالبك طلبه وأنت رجّالٍ فهيم = الديَن قامه والمرتب زفت والشكل بدوي
من عقب حتّّو شاربي في سوق الاسهم بالشريم = كل الدراهم زحلطن والفقر لاويني لوي
واليوم في نار الغلاء كني على صالي الجحيم= لسعار طارت في السماء والذيب فالبيت يعوي
أبيك يوم إنك خبير في الزواج وفالحريم = على الطريق المستوي لا للطريق الملتوي
خلاص بايعها ( بقِشر) وأنت تكرم يالكريم = إن كان لبّيت الطلب ولاّ ترا الليل سروي
شف لي من اللي في ضواحي نجد ولاّ مالقصيم= ولايهمك سنها لاصار مركزها قوي
لجل البهانص باعتصب واصبر على الدرب القديم= مادام فيها دهن سير وفيه دعم معنوي
مسيار أو مصياف أو مسياق هتْها يالعديم = مسفار أو مطيار أو مقراض أو حتى خوي
في سوق برج المملكه ولاّ في اسواق النسيم = الحال واحد تبغي إتكيت تبغي فوضوي
على طريق التحليه ولاّ على خط النضيم = تبشر بمطنوخ يشبْ النار ويحب الشوي
والله يخارجني ويسترني من القاضي دليم = عزالله إنكانه كشفني رحت رز مستوي [/poem]
ابو سعد : أخ عزيز نماء الى علمي أنه يعمل في مكتب تنسيق زواجات .
الشريم : هو المحش للي مايعرفه .
قِشر : هو قشر القهوه ودايم مايشربه إلا اللي حالته صعبه .
البهانص : أي الدراهم .
مقراض : يعني عندها قرض من أرامكو .
القاضي دليم : رجالٍ مسرور الحمد للــه إنكم ماتعرفونه ولا كان بعضكم بلغه في غمضة العين .
وسلامتكم
يابو سعد طالبك طلبه وأنت رجّالٍ فهيم = الديَن قامه والمرتب زفت والشكل بدوي
من عقب حتّّو شاربي في سوق الاسهم بالشريم = كل الدراهم زحلطن والفقر لاويني لوي
واليوم في نار الغلاء كني على صالي الجحيم= لسعار طارت في السماء والذيب فالبيت يعوي
أبيك يوم إنك خبير في الزواج وفالحريم = على الطريق المستوي لا للطريق الملتوي
خلاص بايعها ( بقِشر) وأنت تكرم يالكريم = إن كان لبّيت الطلب ولاّ ترا الليل سروي
شف لي من اللي في ضواحي نجد ولاّ مالقصيم= ولايهمك سنها لاصار مركزها قوي
لجل البهانص باعتصب واصبر على الدرب القديم= مادام فيها دهن سير وفيه دعم معنوي
مسيار أو مصياف أو مسياق هتْها يالعديم = مسفار أو مطيار أو مقراض أو حتى خوي
في سوق برج المملكه ولاّ في اسواق النسيم = الحال واحد تبغي إتكيت تبغي فوضوي
على طريق التحليه ولاّ على خط النضيم = تبشر بمطنوخ يشبْ النار ويحب الشوي
والله يخارجني ويسترني من القاضي دليم = عزالله إنكانه كشفني رحت رز مستوي [/poem]
ابو سعد : أخ عزيز نماء الى علمي أنه يعمل في مكتب تنسيق زواجات .
الشريم : هو المحش للي مايعرفه .
قِشر : هو قشر القهوه ودايم مايشربه إلا اللي حالته صعبه .
البهانص : أي الدراهم .
مقراض : يعني عندها قرض من أرامكو .
القاضي دليم : رجالٍ مسرور الحمد للــه إنكم ماتعرفونه ولا كان بعضكم بلغه في غمضة العين .
وسلامتكم
تعليق