لقيت لي شايب يصيح وينتخـي باللـي يجيـه

من القديم

[poem=font=",6,black,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""] لقيت لي شايب يصيح وينتخـي باللـي يجيـه=مفجـوع ويعلـي لصوتـه تكفـون ياعيـال الحـلال
جيـت وحكالـي قصتـه وهمومـه اللـي تعتليـه=يقـول بيـع للغنـم والجيـب مـع حمر الجـمـال
ثــم سألـتـه قـلـت ماضـنـك برجـالـن سـفـيـه=ياخـوف قلبـي صايبـك باالعقـل علـه وأخـتـلال
قـــول وتـكـلـم يـارجــل ولا حــلالــك مـاتـبـيـه=كيف بعـت اللـي ملكتـه قـل وجـاوب للسـؤال
ثم قال انا جاني رجل من طيبتـي وثقـت فيـه=تظهر علـى وجهـه علامـات الكرامـه والجـلال
يقول عطني كل مالـك بحفظـه وأسهـر عليـه=كانك تبي تصبح غني مثـل الوليـد ابـن طـلال
أنـا بساهـم لـك باالأسهـم والغنـاء كلـن يبيـه=وبأجعلـك تاجـر كبيـر اتعـيـش فــي عــز ودلال
يقـول ثـم قمـت أتخيـل بيتـي اللـي بشتـريـه=وسـدد اديونـي وسفـر عنـي المصـري جمـال
قمت اتخيل يوم أجي للبشت من ثـم أرتديـه=وأركب مع السواق وميل على الراس العقـال
لكن خدعني ثم ضاع المال وإن جيت اشتكيه=مابه دليـل إنـي عطيتـه مـن حلالـي لـو ريـال
واليوم هاذي حالته ينخى وينصـى مـن يجيـه=يقـول دلونـي علـى بيـت الولـيـد ابــن طــلال[/poem]

ارررررررررررحب يابوعبدالله




وصح لسانك يالقرم



وياكثرهم اللي مثل ذا الشايب؟؟ وراحت فلوسهم في الاسهم وتوظيف الاموال



لك تقديري

لاهنت ياعايض




والله يعين الشيبان

والله خابره اللي مرنا فالديرة وخذا البل باسعار باهضه
ولاسدد منها ولاريال حسبهم الله عليه وين مايروح
صح لسانك يابوعبدالله شرحت القضيه باسلوب مرح